မစိုးရိမ်

July 30, 2020

ကိုဗစ်-၁၉ ကူးစက်မှု တတိယလှိုင်းအပေါ် ဟနွိုင်းမြို့ခံများ မစိုးရိမ်

ကိုဗစ်-၁၉ ရောဂါကူးစက်မှု တတိယလှိုင်းကို ဖြတ်သန်းနေပေမယ့် ဗီယက်နမ်နိုင်ငံ မြို့တော်ဟနွိုင်းက ဒေသခံတွေက သူတို့ အစိုးရကို ယုံကြည်လို့ အလွန်အကျွံ မစိုးရိမ်ဘူးလို့ ပြောနေကြပါတယ်။  ဒေသခံတွေဟာ သူတို့ကိုယ်သူတို့နဲ့ သူတို့ လူ့အဖွဲ့အစည်းကို ကာကွယ်ဖို့ လိုလိုလားလား လုပ်ဆောင်နေတယ်လို့လည်း ပြောကြပါတယ်။ ဗီယက်နမ်မှာ ဗိုင်းရပ်စ်ကူးစက်မှု တတိယလှိုင်း ရိုက်ခတ်နေချိန် ဒါနန်းမြို့ကို ခရီးထွက် ခဲ့တဲ့ လူတွေကို ခြေရာခံဖို့  ကျန်းမာရေးဝန်ထမ်းတွေက တအိမ်တက်ဆင်း ရပ်ကွက်ထဲ လှည့်လည် ဆေး စစ်နေပါတယ်။  ဒါနန်းမြို့ကို လာရောက်လည်ပတ်ထားတဲ့ ထောင်သောင်းချီတဲ့လူတွေ ဇူလိုင်လ ၃၀ ရက်မှာ ရောဂါထိန်းချုပ်ရေးဌာနကို လာရောက်သတင်းပို့ကြဖို့ အစိုးရက ပြည်သူတွေကို ပြောထားပါတယ်။ ၃ လလုံး ကူးစက်မှု မရှိအောင် ထိန်းချုပ်နိုင်ခဲ့တဲ့ ဗီယက်နမ်မှာ ပထမဆုံး ကူးစက်မှုအနေနဲ့ ကူးစက်ခံလူနာ ၉ ယောက်ကို အတည်ပြုအပြီးမှာ ထိန်းချုပ်ရေးလုပ်ဆောင်ချက်တွေကို တင်းတင်း ကြပ်ကြပ် ဆောင်ရွက် နေကြပါတယ်။ လူဦးရေ ၉၅ သန်းရှိတဲ့ဗီယက်နမ်မှာ ဇူလိုင် ၁ ရက်ကစပြီး ခုထိ ဒါနန်းကို သွား ရောက်ဖူးသူတိုင်း ဆေးစစ်ခံဖို့ ကျန်းမာရေးဝန်ကြီးဌာနက လက်ကိုင်ဖုန်းနံပါတ်တွေ အားလုံးကို စာတိုပေးပို့ တိုက်တွန်းထားပါတယ်။ ဗီယက်နမ်မှာ ကူးစက်ခံအတည်ပြုလူနာ စုစုပေါင်း ၄၅၉ယောက် ရှိပြီး သေဆုံးသူ တယောက်မှ မရှိပါဘူး။
9 months Ago

July 12, 2020

ပွဲအမြောက်အမြား ကစားနေရသည့် ဂရင်းဝုဒ်အတွက် မစိုးရိမ်ဟု မန်ယူနည်းပြ ပြော

အသက်ငယ်ငယ်ရွယ်ရွယ်နဲ့ ပွဲများစွာကစားရလို့ ခြေစွမ်းကျဆင်းသွားတာမျိုး မေဆင်ဂရင်းဝုဒ်မှာ ဖြစ်လာနိုင်ဖို့မရှိဘူးလို့ ယူနိုက်တက်နည်းပြ ဆိုးလ်ရှားက ပြောပါတယ်။  အသက် ၁၈ နှစ်သာရှိသေးတာကြောင့် ပွဲများစွာကစားရတာက သူ့အတွက် ဝန်ထုပ်ဝန်ပိုးဖြစ်လာမှာကို စိုးရိမ်မှုတစ်ချို့လည်း ရှိလာပါတယ်။  ယူနိုက်တက်နည်းပြ ဆိုးရှားလ်က “ဒီအရွယ်မှာတော့  သူဟာအင်ပြည့်အားပြည့်ရှိနေပြီး ကြောက်စိတ်လုံးဝရှိမှာ မဟုတ်ပါဘူး။ သူ့ခေါင်းထဲမှာ ဘောလုံးကစားဖို့ကိုပဲ အမြဲစိတ်အားထက်သန်နေပြီးတော့ အားလပ်ရက်တရက်ရမယ်ဆိုရင်တောင် အဲ့ဒီနေ့မှာ သူ့သူငယ်ချင်းတွေနဲ့ ဘောလုံးသွားကစားမှာဖြစ်ပါတယ်။ ကျနော်သူ့အတွက် စိုးရိမ်မှုမရှိပါဘူး။ ဒါပေမယ့် သူ့ရဲ့ကစားသမားဘဝအတွက် သေချာပေါက် ဂရုစိုက်မှုလုပ်ဆောင်ပေးသွားမှာပါ။ သူဟာထူးချွန်တဲ့ကောင်းလေဖြစ်ပြီးတော့ ဘောလုံးကစားရတာကို တကယ်ကြိုက်တဲ့သူပါ။ ဒါ့ကြောင့် သူ့ကြိုးစားမှုအတွက် ဆုရလဒ်တွေကိုရရှိနေတာပါ” လို့ ပြောပါတယ်။ ဂရင်းဝုဒ်ရဲ့ ခြေစွမ်းတိုးတက်ဖို့အတွက် သူ့ကိုအငှားချဖို့ ပြီးခဲ့တဲ့နွေရာသီမှာ ပြောဆိုမှုတွေရှိခဲ့ပေမယ့် ဆိုးလ်ရှား ကတော့ ဂရင်းဝုဒ်ဟာသူ့ရဲ့အစီစဉ်တွေထဲမှာ အဓိကနေရာကနေ အမြဲပါဝင်နေတယ်လို့ ပြောဆိုခဲ့ပါတယ်။  လူငယ်ကြယ်ပွင့်လေး ဂရင်းဝုဒ်ဟာ ပရီးမီးယားလိဂ်ပွဲစဉ်တွေ ပြန်လည်စတင်ချိန်ကတည်းက ယူနိုက်တက်အသင်းမှာ ပွဲကစားခွင့်တစ်နေရာကို ရရှိခဲ့သူဖြစ်ပြီးတော့ ၆ ပွဲလုံးမှာ ပါဝင်ကစားပေးထားသူ ဖြစ်ပါတယ်။ ဒါ့အပြင် ဂရင်းဝုဒ်ဟာ ရက်ဖို့ဒ်၊ မာရှယ်တို့နဲ့အတူ ကြောက်စရာကောင်းတဲ့ သုံးယောက်  တွဲတိုက်စစ်မှာ ခြေစွမ်းပြနေပါတယ်။ သူဟာ ဒီရာသီအတွင်း ၁၆ ဂိုးမြောက်သွင်းဂိုးကို ဗီလာနဲ့ပွဲစဉ်မှာ သွင်းယူပေးခဲ့တာကြောင့်  ရွန်းနီနောက်ပိုင်း ယူနိုက်တက်အသင်းအတွက် ၃ ပွဲဆက်တိုက်ဂိုးသွင်းပေးနိုင်တဲ့ ဒုတိယမြောက် အသက်အငယ် ဆုံးကစားသမားဖြစ်လည်း သတ်မှတ်ခံခဲ့ရပါတယ်။
10 months Ago
More News
Up