မင်းရာဇာ

June 25, 2020

မင်းရာဇာအမှုတွဲ ပြန်မရောက်သေးသဖြင့် အမှုစစ်ဆေးခြင်းမရှိဘဲ ရုံးချိန်း ပြန်ချိန်းဆို 

ပုဒ်မ- ၄ ခုနဲ့ တရားစွဲဆိုခံထားရတဲ့ သရုပ်ဆောင် မင်းရာဇာအပါအဝင် ၃ ဦးနဲ့ ယောက်က္ခမ ဖြစ်သူ ဦးမောင်မောင်အေးတို့ကို ဇွန်လ ၂၅ ရက်က မြောက်ဥက္ကလာပ မြို့နယ်တရားရုံးမှာ (၅) ကြိမ်မြောက် ရုံးထုတ်ခဲ့ပြီး  အမှုတွဲတွေ ပြန်လည်မရောက်ရှိသေးတာကြောင့် အမှုစစ်ဆေးတာ မပြုလုပ်သေးပဲ ရုံးချိန်းပြန်လည် ချိန်းဆိုခဲ့ပါတယ်။ စွပ်စွဲခံရသူ အချုပ်တရားခံ ၃ ဦးနဲ့ အချုပ်အာမခံ ရရှိထားတဲ့ ဦးမောင်မောင်အေးတို့ ဒီနေ့ တရားရုံး​ရောက်ရှိခဲ့ပြီး တရားလိုဘက်က တရားရုံးလာရောက်ခဲ့ခြင်းမရှိခဲ့ဘူးလို့လည်း မြောက်ဥက္ကလာပမြို့နယ်တရားသူကြီးဦးဇေယျာဦးက ပြောပါတယ်။ မင်းရာဇာပါ ၄ ဦးကို ရန်ကုန်တိုင်းဒေသကြီး၊ မြောက်ဥက္ကလာပမြို့နယ်၊ ရွှေပေါက်ကံနယ်မြေရဲစခန်းမှာ ရာဇသတ်ကြီး ပုဒ်မ ၃၂၆/၃၂၅/၃၅၄/၁၁၄  တို့နဲ့ အမှုဖွင့် တရားစွဲတဲ့အပေါ်  မြောက်ဥက္ကလာပမြို့ နယ်တရားရုံးက ကြားနာစစ်ဆေးဆောင်ရွက်နေတာပါ။ အမှု ၂ ခုလုံးအတွက် ရုံးချိန်းရက်ကို လာမယ့် ဇူလိုင် ၂ ရက်နေ့ ပြန်လည်ချိန်ဆိုထားပါတယ်။
10 months Ago

May 8, 2020

သရုပ်ဆောင်မင်းရာဇာကို မုဒိမ်းမှု၊ လူခိုးမှုဖြင့်  တရားစွဲတင်

ရုပ်ရှင်နဲ့ ဗီဒီယို သရုပ်ဆောင်မင်းရာဇာကို မုဒိမ်းမှု၊ လူခိုးမှုစတဲ့ ပုဒ်မတွေနဲ့  ရန်ကုန်အရှေ့ပိုင်းခရိုင်တရားရုံးက မေလ ၈ ရက်နေ့မှာ  တရားစွဲတင်လိုက်တာပါ။ အဲဒီအမှုနဲ့ပတ်သက်ပြီး သရုပ်ဆောင်မင်းရာဇာကို အရှေ့ပိုင်းခရိုင်တရားရုံးမှာ ရုံးထုတ်ခဲ့ပြီး ပုဒ်မ ၃၇၆၊ ၃၆၃ တို့နဲ့ တရားစွဲတင်ခဲ့တယ်လို့ အမှုကို လိုက်ပါကူညီပေးနေတဲ့ ဒေါ်စောခင်သူဇာက ပြောပါတယ်။ ဒါပေမယ့်လည်း COVID-19 ရောဂါအခြေအနေတွေကြောင့် နောက်ရုံးချိန်းကိုတော့ ချိန်းဆိုထားတာမရှိသေးဘူးလို့ သိရပါတယ်။ သရုပ်ဆောင်မင်းရာဇာ အပါအဝင်လေးဦးကို မေလ ၇ ရက်နေ့ကလည်း  အိမ်အကူ အမျိုးသမီးငယ်လေးကို အပြင်းအထန်နာကျင်စေမှုနဲ့ပတ်သက်ပြီး မြောက်ဥက္ကလာပ မြို့နယ်တရားရုံးမှာ ရုံးထုတ်ခဲ့ပြီး မင်းရာဇာရဲ့ ယောက္ခမဖြစ်သူကတော့ အာမခံရပါတယ်။ အိမ်အကူအမျိုးသမီးငယ်အား အက်ဆစ်နဲ့ပက်နှိပ်စက်ခဲ့တဲ့ သရုပ်ဆောင်မင်းရာဇာ အပါအဝင် ၄ ဦးကို  မေ ၇ ရက်နေ့က မြောက်ဥက္ကလာပမြို့နယ်တရားရုံမှာ ပထမဆုံးအကြိမ် ရုံးထုတ်ခဲ့တာပါ။ ဒီနေ့ရုံးထုတ်မှာ မင်းရာဇာရဲ့ ယောက္ခမဖြစ်သူအငြိမ်းစား ရဲဝန်ထမ်း ဦးမောင်မောင်အေးကို တရားရုံး  ကျပ် ၁၀ သိန်းတန် အာမခံ လျှောက်ထားသူ ၂ ဦးက  အာမခံပေးခဲ့ပြီး ဒုတိယမြောက် ရုံးချိန်းကို မေလ ၂၁ ရက်နေ့ ပြန်လည် ချိန်းဆိုထားပါတယ်။ သရုပ်ဆောင်မင်းရာဇာ၊ ဇနီး မဖူးငုံပွင့်နဲ့ ဦးမောင်မောင်အေးတို့ကို ပုဒ်မ ၃၂၄၊ ၃၂၅၊ ၃၅၄၊ ၁၁၄ နဲ့  ရွှေပေါက်ကံရဲစခန်းက အမှုဖွင့်အရေးယူထားတာ ဖြစ်ပါတယ်။ ထွက်ပြေးတိမ်းရှောင်ဖို့ ကြိုးပမ်းခဲ့တဲ့  မင်းရာဇာနဲ့ ဇနီးဖြစ်သူတို့ကို  မန်နေဂျာ ရခိုင်လေး ဆိုသူနဲ့အတူ  ကရင်ပြည်နယ်၊ မြဝတီမြို့နယ်မှာ ဒီမိုကရေစီအကျိုးပြု ကရင့်တပ်မတော် (DKBA) တပ်ဖွဲ့ကဧပြီ ၉ ရက်ညပိုင်းမှာ ဖမ်းမိခဲ့ပြီး မြဝတီရဲစခန်းကို လွှဲပြောင်းပေးခဲ့တာဖြစ်ပါတယ်။  
12 months Ago
Up