မင်းဘူးမြို့နယ်

September 2, 2021

မြစ်ကမ်းပါးပြိုကျမှုကြောင့် မင်းဘူးမြို့နယ် ကျောင်းကုန်းရွာက နေအိမ်အချို့ပြောင်းရွှေ့

မကွေးတိုင်း၊ မင်းဘူးခရိုင်၊ မင်းဘူး(စကု) မြို့နယ်၊ ကျောင်းကုန်းကျေးရွာမှာ ဩဂုတ်လ ၃၁ ရက်နေ့က ဧရာဝတီမြစ်ရေ ထပ်မံမြင့်တက်လာမှုကြောင့် ရေတိုက်စားပြီး မြစ်ကမ်းပါး ပြိုကျမှုကြောင့် လူနေအိမ် ၇ လုံး ဘေးလွတ်ရာကို ကြိုတင်ပြောင်းရွှေ့ခဲ့ရတယ်လို့ ဒေသခံတွေဆီက သိရပါတယ်။

ဒေသခံပြည်သူတဦးက “အခုတော့ ကိုယ့်စားရိတ်နဲ့ကိုယ်ရွှေ့ပြောင်းနေရတယ်။ ငွေရေးကြေးရေး ကြပ်တည်းတဲ့အချိန်ဆိုတော့ လူငှါးပြီးလုပ်ရတာပေါ့။ မလုပ်ရင်လည်း ဆုံးရှုံးမှုကများမှာလေ။ အစိုးရအထောက်အပံ့မရပါဘူး” လို့ ပြောပါတယ်။

မြစ်ကမ်းပါးပြိုကျမှုကြောင့် ဩဂုတ် ၃ ရက်နေ့မှ ၃၁ ရက်နေ့ ညနေပိုင်းအချိန်အထိ အိမ်ထောင်စုပေါင်း ၃၀ က လူဦးရေ ၁၁၅ ဦးနဲ့ ကျွဲနွားတိရစ္ဆာန်တွေ ဘေးလွတ်ရာကို ကြိုတင်ပြောင်းရွှေ့ခဲ့ရကြောင်း မှတ်တမ်းတွေအရ သိရပါတယ်။

12 months Ago

September 1, 2021

မင်းဘူးမြို့နယ်၌ ဧရာဝတီမြစ်ရေ မြင့်တက်လာသဖြင့် အိမ်ထောင်စုထောင်ချီ ပြောင်းရွှေ့ထားရ

မကွေးတိုင်း၊ မင်းဘူးမြို့နယ်မှာ စက်တင်ဘာ ၁ ရက် မနက်ပိုင်းက ဧရာဝတီမြစ်ရေမြင့်တက်လာလို့ အိမ်ထောင်စု ၁၀၀၀ လောက် ဘေးလွတ်ရာကို ရွှေ့ပြောင်းထားရတယ်လို့ ဒေသခံတွေဆီကနေ သိရပါတယ်။

မင်းဘူးမြို့နယ်ထဲက ရပ်ကွက်ကျေးရွာတွေက နေအိမ်တွေကို အခု ၃ ရက်လောက်အတွင်းမှာ ဧရာဝတီမြစ်ရေ ဝင်ရောက်လာတာကြောင့် အိမ်ထောင်စု ၁၀၀၀ နီးပါးလောက် ဘေးလွတ်ရာကို ရွှေ့ပြောင်းနေကြရတယ်လို့ ဒေသခံတစ်ယောက်က ဒီဗွီဘီကို ပြောပါတယ်။

မင်းဘူးမြို့နယ်ရဲ့ အနိမ့်ပိုင်း ဒေသတွေဖြစ်တဲ့ အမှတ် ၄ ရပ်ကွက်၊ သူဌေးကုန်း၊ ရွှေဝါကုန်း ၊သစ်ချိုကုန်း ရပ်ကွက်တွေနဲ့ ထုံးမကြီး ၊တစ်ပင်ရွာ၊ နိဗ္ဗာကျွန်း ကျေးရွာတွေအပြင် မြေနိမ့်ပိုင်းက ကျေးရွာတွေကို မြစ်ရေဝင်ရောက်တာကြောင့် ဒေသခံတွေနဲ့ ကျွဲနွားတိရိစ္ဆာန်တွေကို ဘေးလွတ်ရာကို ရွှေ့ပြောင်းထားရတယ်လို့ ဆိုပါတယ်။

မိုး/ဇလ ဌာနရဲ့ ဒီကနေ့ မနက် ၆ နာရီက တိုင်းထွာချက်အရ မင်းဘူးမြို့နယ်မှာ ဧရာဝတီမြစ်ရေ ၁၅၅၅ စင်တီမီတာ အထိတက်လာပြီးတော့ စိုးရိမ်ရေမှတ်ဟာ ၁၇၀၀ စင်တီမီတာ ရှိတဲ့အတွက် စိုးရိမ်ရေမှတ်ကို ရောက်ဖို့ ၁၄၅ စင်တီမီတာသာလိုတော့တယ်လို့ ထုတ်ပြန်ထားပါတယ်။

12 months Ago
Up