မင်းဘူးခရိုင်

August 13, 2021

မင်းဘူးခရိုင်အတွင်း ကိုဗစ်-၁၉ အတည်ပြုလူနာ ၃၂၀၀ ကျော်နှင့် သေဆုံးသူ ၁၅၆ ဦးရှိလာ

မကွေးတိုင်းဒေသကြီး မင်းဘူး ခရိုင်အတွင်းမှာ သြဂုတ်လ ၁၂ ရက်နေ့အထိ တတိယလှိုင်း ကာလအတွင်းမှာ ကိုဗစ်အတည်ပြုလူနာ ၃၂၂၄ ယောက်တွေရှိပြီး ၁၅၆ ယောက်သေဆုံးခဲ့တယ်လို့ ကျန်းမာရေးဌာနရဲ့ ထုတ်ပြန်ချက်တွေအရ သိရပါတယ်။

ပိုးတွေ့လူနာတွေကတော့ မင်းဘူးမြို့နယ်က ၈၅၈ ယောက်၊ ပွင့်ဖြူမြို့နယ်က ၆၁၁ ယောက်၊ စလင်းမြို့နယ်က ၁၀၆၉ ယောက်၊ ငဖဲမြို့နယ်က ၂၂၉ ယောက်နဲ့ စေတုတ္တရာမြို့နယ်က ၄၅၇ ယောက်တွေ့ရှိခဲ့တာလို့ ကျန်းမာရေးဌာနနဲ့ နီးစပ်သူတစ်ယောက်က ပြောပါတယ်။

သေဆုံးသူအများစုဟာ အောက်ဆီဂျင်ပြတ်တောက်သေဆုံးခဲ့တာဖြစ်ပြီး စစ်ကောင်စီက အောက်ဆီကျင်တွေကို အပိုင်စီးထိန်းချုပ်လိုက်တာကြောင့် ပြည်သူတွေအတွက် အောက်ဆီဂျင်ရရှိဖို့ ခက်ခက်ခဲခဲ ကြိုးစားနေကြရတယ်လို့ ပရဟိတအဖွဲ့ဝင် တစ်ယောက်က ဆိုပါတယ်။

ပိုးတွေ့လူနာတွေ ဆေးရုံတက်ရောက်ကုသမယ်ဆိုရင်လည်း အောက်စီဂျင်အိုးပါမှသာ လက်ခံကုသပေးတဲ့အပြင် ကျန်းမာရေးဝန်ထမ်းလုံလောက်မှုမရှိတဲ့အတွက် လူနာတွေကို ဂရုတစ်စိုက် ကုသမပေးတာကြောင့် မိမိနေအိမ်တွေမှာပဲ အောက်ဆီဂျင်အိုးရှာဖွေပြီး ဖြစ်သလို ကုသနေကြရတယ်လို့လည်း ဆိုပါတယ်။

1 year Ago

October 26, 2020

မင်းဘူးခရိုင်တွင် မဲဆန္ဒရှင်အရေအတွက် ၅၄၀,၀၀၀ ကျော်ရှိ

မကွေးတိုင်း၊ မင်းဘူးခရိုင်မှာ လာမယ့် နိုဝင်ဘာ ၈ ရက်နေ့မှာ ကျင်းပမယ့် အထွေထွေရွေးကောက်ပွဲအတွက် မဲပေးခွင့်ရရှိတဲ့ မဲဆန္ဒရှင်အရေအတွက် ၅ သိန်း ၄ သောင်းကျော် ရှိတယ်လို့ ခရိုင်ရွေးကောက်ပွဲ ကော်မရှင်အဖွဲ့ခွဲက ပြောပါတယ်။ နိုဝင်ဘာလ ၈ ရက်နေ့ ကျင်းပမယ့် ၂၀၂၀ အထွေထွေ ရွေးကောက်ပွဲအတွက် ဒုတိယအကြိမ် ကြေညာချက်စာရင်းတွေအရ ဆန္ဒမဲပေးခွင့်ရှိတဲ့ မဲဆန္ဒရှင်အရေအတွက် ၅၄၀၀၀၀ ကျော်ရှိတယ်လို့ မင်းဘူးခရိုင် ရွေးကောက်ပွဲကော်မရှင်အဖွဲ့(ခွဲ)ဥက္ကဋ္ဌ ဦးမြင့်ကျော်က ပြောပါတယ်။ တသီးပုဂ္ဂလ ကိုယ်စားလှယ်လောင်း ၆ ဦးအပါအဝင် ပါတီ အရေအတွက် ၁၁ ခုနဲ့ လွှတ်တော်ကိုယ်စားလှယ်လောင်း ၉၆ ဦးရှိတဲ့ အနက် နှင်းဆီပါတီဖျက်သိမ်းလိုက်​တာကြောင့် ​ကိုယ်စားလှယ်လောင်း ၁၇ ဦးလျော့သွားလို့ ပါတီ ၁၀ ခုနဲ့ ကိုယ်စားလှယ်လောင်း ၇၉ ဦး ဝင်ရောက်အရွေးချယ်ခံမယ်လို့ ဆိုပါတယ်။ မင်းဘူးခရိုင်အတွင်းမှာ တပ်ပြင်ပ မဲရုံ ၁၃ ရုံအပါဝင် မဲရုံအရေအတွက် ၇၆၀ ကို ကိုဗစ်-ရောဂါ ကာကွယ်ရေး စည်းကမ်းသတ်မှတ်ချက်တွေနဲ့အညီ ဖွင့်လှစ်သွားမှာဖြစ်ပြီး မဲရုံမှူးတွေအပါဝင် မဲရုံဝန်ထမ်းတွေကိုလည်း သင်တန်းတွေ ပို့ချပေးထားတယ်လို့ ဦးမြင်ကျော်က ပြောပါတယ်။ မကွေးတိုင်းဒေသကြီးအတွင်းမှာ မဲဆန္ဒရှင်အရေအတွက် ၃၂ သိန်း ၇ သောင်းကျော်ရှိပြီး ကိုယ်စားလှယ်လောင်း ၃၉၂ ဦး ဝင်ရောက်အရွေးချယ်ခံမယ်လို့ တိုင်းဒေသကြီး ရွေးကောက်ပွဲ ကော်မရှင်အဖွဲ့ခွဲကနေ သိရပါတယ်။ သတင်း-မင်းထီး
2 years Ago
Up