မင်နီဆိုးတားပြည်နယ်

A d v e r t i s e m e n t With Us

August 28, 2020

မင်နီဆိုးတားပြည်နယ်တွင် ညမထွက်ရအမိန့်ထုတ်

လူမည်း လူသတ်တရားခံ သံသယရှိသူတဦး သေဆုံးပြီးနောက်  သြဂုတ်  ၂၆  ရက်က   အကြမ်းဖက် ဆန္ဒပြပွဲတွေ ပေါ်ပေါက်ခဲ့ပြီး  မင်နီဆိုးတားပြည်နယ် အုပ်ချုပ်ရေးမှူးက  အရေးပေါ် အခြေအနေထုတ်ပြန်လိုက်ပါတယ်။   မင်နီယာပိုလစ်မြို့တော်ဝန် ဂျက်ကော့ဖရေးကလည်း အုပ်စုလိုက် လုယက်တာတွေ၊ ဖျက်ဆီးတာတွေနဲ့ မငြိမ်သက်တာတွေ  ဖြစ်တယ်လို့  ပြောဆိုခဲ့ပြီးနောက် ညမထွက်ရအမိန့်ကို ထုတ်ပြန်ခဲ့ပါတယ်။  ဒါ့အပြင်  သေဆုံးသူနဲ့ပတ်သက်လို့ မဟုတ်မမှန်သတင်းတွေ ပျံ့နေတယ်လို့လည်း အာဏာပိုင်တွေက ပြောဆိုပါတယ်။  ပြီးခဲ့တဲ့ မေလတုန်းက ရဲတပ်ဖွဲ့ဝင်တွေရဲ့ လက်ချက်နဲ့ ဂျော့ဖလွိုက်ဆိုတဲ့ လူမည်းတဦး သေဆုံးပြီးနောက်မှာ မင်နီယာပိုလစ်မြို့ဟာ ဆန္ဒပြပွဲတွေရဲ့ ဗဟိုချက်မ ဖြစ်ခဲ့ပါတယ်။   ဒီဖြစ်ရပ်ကို မင်နီယာပိုလစ်ရဲတပ်ဖွဲ့က တွစ်တာမှာ ပို့စ်တင်ခဲ့ပြီး  ရဲတပ်ဖွဲ့က  ဘာလက်နက်နဲ့မှ မပစ်ခတ်ဘဲ လူသတ်တရားခံဟာ ကိုယ့်ကိုကိုယ် သေကြောင်းကြံခဲ့တယ်လို့ ပြောဆိုခဲ့ ပါတယ်။ 
6 months Ago

May 27, 2020

မင်နီဆိုးတားပြည်နယ်၌ လူမည်း ၁ ဦးကို ဖမ်းဆီးစဉ် သေဆုံးမှုဖြင့် ရဲတပ်ဖွဲ့ဝင် ၄ ဦး ထုတ်ပယ်ခံရ

အမေရိကန်ပြည်ထောင်စု၊ မင်နီဆိုးတားပြည်နယ်မှာ ရဲတပ်ဖွဲ့ဖမ်းဆီးမှုအတွင်း လက်နက်မဲ့ လူမည်းတစ်ယောက် သေဆုံးခဲ့ပြီးနောက် မေ ၂၆ ရက်က ရဲတပ်ဖွဲ့ဝင် ၄ ယောက်ကို ရာထူးကနေ ထုတ်ပယ်ခဲ့ပါတယ်။ ဘေးကရပ်ကြည့်သူတယောက် ဖုန်းနဲ့ ရိုက်ထားတဲ့ ဗွီဒီယိုထဲမှာ လူမည်းရဲ့ လည်မျိုကို ရဲတပ်ဖွဲ့ဝင်တယောက်က ဒူးနဲ့ ဖိထားခဲ့ပြီးနောက် အဲဒီလူမည်းဟာ ဆေးရုံမှာ သေဆုံးသွားခဲ့ပါတယ်။ အဲဒီနောက် မြို့တော်ဝန် ဂျက်ကော့ဖရေးက ဖမ်းဆီးမှုမှာ ပါဝင်ခဲ့တဲ့ ရဲတပ်ဖွဲ့ဝင် ၄ ယောက်ကို  ရာထူးက ထုတ်ပယ်ခဲ့တယ်လို့ တွစ်တာမှာ ကြေညာခဲ့ပါတယ်။ လူမည်း သေဆုံးရတဲ့အကြောင်းရင်းကို အက်ဖ်ဘီအိုင်က စုံစမ်းစစ်ဆေးနေတယ်လို့  မီနီယာပိုလစ် ရဲတပ်ဖွဲ့က သတင်းထုတ်ပြန်ခဲ့ပါတယ်။  မကြာသေးခင်နှစ်တွေက ရဲတွေပါဝင်တဲ့ လူမည်းတွေကို ပစ်ခတ်မှု၊ သတ်ဖြတ်မှုတွေ ဆက်တိုက်ဖြစ်ခဲ့ပြီးနောက် အမေရိကန်နိုင်ငံတဝန်းမှာ ဆန္ဒပြပွဲကြီးတွေ ပေါ်ပေါက်ခဲ့ပြီး “လူမည်းတွေရဲ့ အသက်တွေလည်း  အရေးကြီးတယ်” ဆိုတဲ့ လှုပ်ရှားမှု  ပေါ်ပေါက်ခဲ့ပါတယ်။    အဲဒီလှုပ်ရှားမှုက လူနည်းစုအသိုက်အဝန်းတွေမှာ မတရားသဖြင့် လူသေစေနိုင်တဲ့ အင်အားအသုံးပြုမှုကို အဆုံးသတ်ဖို့ တောင်းဆိုတာ ဖြစ်တယ်လို့ ရိုက်တာသတင်းက  ရေးပါတယ်။ 
10 months Ago
Up