မင်နီဆိုတာပြည်နယ်

May 15, 2020

မင်နီဆိုတာပြည်နယ်တွင် နေအိမ်တွင်းနေထိုင်ရေးအမိန့်ကို မကျေနပ်၍ လူရာချီဆန္ဒပြ

အမေရိကန်နိုင်ငံ မင်နီဆိုတာပြည်နယ်မှာ ပြည်နယ်အုပ်ချုပ်ရေးမှူးရဲ့ နေအိမ်အတွင်းမှာပဲ နေထိုင်ရေးအမိန့်တွေကို မကျေနပ်လို့ ပြည်သူရာချီပြီး မေလ ၁၄ ရက်က ဆန္ဒပြခဲ့ကြပါတယ်။  ဆန္ဒပြသူတွေဟာ အုပ်ချုပ်ရေးမှူးအိမ်တော်ရှေ့ စုရုံးခဲ့ပြီး  နှစ်လကြာလော့ဒေါင်းကြောင့် စီးပွားရေးတွေ ပိတ်ခဲ့ရတာကို ပြန်ဖွင့်ပေးဖို့ တောင်းဆိုခဲ့ပါတယ်။  နေအိမ်အတွင်းပဲ နေထိုင်ရေးအမိန့်တွေနဲ့ လော့ဒေါင်းကြောင့် စီးပွားရေးထိခိုက်ခဲ့ရပြီး အမေရိကန်နိုင်ငံသား ၃၃ ဒဿမ ၅ သန်းဟာ နှစ်လမပြည့်ခင်အချိန်အတွင်း အလုပ်လက်မဲ့ ဖြစ်ခဲ့ ကြရပါတယ်။  ဒီနှုန်းဟာ ၁၉၃၀ ပြည့်နှစ် စီးပွားပျက်ကပ်နောက်ပိုင်း မမြင်ဖူးတဲ့ အလုပ်လက်မဲ့ဦး ရေနှုန်းလည်း ဖြစ်ပါတယ်။  ကျန်းမာရေးပညာရှင်တွေကတော့ စီးပွားရေးကို လုံခြုံစိတ်ချစွာပြန်ဖွင့်နိုင်ဖို့  လူအများကို ကျယ်ကျယ်ပြန့်ပြန့်  ဆေးစစ်တာတွေ၊ ထိတွေ့မှုခြေရာခံတွေလုပ်ဖို့ လိုတယ်လို့ သတိပေးထား ပါတယ်။  အမေရိကန်ပြည်နယ်  တော်တော်များများမှာ လော့ဒေါင်းချထားတာတွေကို ပြန်ဖွင့်ဖို့ လုပ်နေပေမဲ့ မင်နီဆိုတာပြည်နယ်မှာ မေလဆန်းမှာပဲ အတည်ပြုလူနာအသစ် လေးထောင်နီးပါး တွေ့ခဲ့တယ်လို့ ရိုက်တာသတင်းမှာ ဖော်ပြထားပါတယ်။
11 months Ago
Up