ရခိုင်ပြည်နယ်၊ မင်းပြားမြို့နယ်၊ ပြင်ယောင်ကျေးရွာအနားမှာ တပ်မတော်စစ်ကြောင်း ဝင်လာတာကြောင့် ဒေသခံတွေ ကြောက်လန့်ပြီး ထွက်ပြေးခဲ့ကြတယ်လို့ သိရပါတယ်။ မင်းပြားမြို့နယ်၊ ပြင်ယောင်းကျေးရွာက လူငယ်တွေအပါအဝင် အမျိုးသား၊ အမျိုးသမီးတချို့ဟာ တခြားရွာတွေကို တိမ်းရှောင်နေကြရတယ်လို့ ဒေသခံတွေက ပြောပါတယ်။ အမည်မဖော်လိုသူရွာသားတဦးက “ကလေးတွေကတော့ ပျောက်နေကြတယ်။ ပျောက်တယ်ဆိုတာက ဟိုပြေးဒီပြေးပြေးနေကြတာ။ စစ်ကြောင်းက ရွာနားကို ရောက်လို့ ရှိတယ်လေ။ ရွာသားတွေက ရွာမှာမနေရဲ၊ ကြောက်ပြီး သင်္ချိုင်းကို ထွက်ပြေးနေကြတယ်။ ရွာကြားကိုဝင်ပြီးတော့ အနောက်ဘက်ကိုထွက်တယ်။ စစ်သားကို မြင်တာနဲ့ထွက်ပြေးတယ်။ ထွက်ပြေးတော့ အဲ့ဒီမှာ လက်နက်ကြီးနဲ့ လက်နက်ငယ်တွေနဲ့ လှမ်းပစ်တာ” လို့ ပြောပါတယ်။ ထွက်ပြေးနေကြသူတွေထဲမှာတော့ လူငယ်တွေအပါအဝင် အမျိုးသား၊ အမျိုးသမီး ၅၀ လောက်ပါဝင်ပြီး ရွာကိုပြန်မရောက်ကြသေးဘူးလို့ ဆိုပါတယ်။ ပြင်းယောင်ကျေးရွာ တာဝန်ရှိသူတဦးက “မနေ့ကလည်း လိုက်လို့ရှာကြတယ်။ အခုလည်း ရှာနေကြတယ်။ ပထမကတော့ လက်နက်ငယ်နဲ့ ပစ်တယ်ခင်ဗျ။ နောက်ပြီးတော့ လက်နက်ကြီးနဲ့ တချက်ပစ်တယ်။ အခုကတော့ စစ်သားတွေက မရှိတော့ဘူး။ ရွာနောက်ဘက်က အိုးပျဉ်းတောင်ကို ထွက်သွားပြီ”လို့ ပြောပါတယ်။ အဲဒီဖြစ်စဉ်အတွင်း ဒဏ်ရာရသူ မရှိဘူးလို့ ဆိုပါတယ်။ မင်းပြားမြို့နယ် ပြည်နယ်လွှတ်တော်ကိုယ်စားလှယ် ဦးလှသိန်းအောင်က “ကျနော်ကတော့ အုပ်ချုပ်ရေးမှူးကို ရွာကို တအိမ်ဝင်တအိမ်ထွက်စစ်ပြီးတော့ ဘယ်အိမ်က ဘယ်သူပျောက်တယ် လိုက်ပြီးတော့စုံစမ်း။ စုံစမ်းပြီးမှ ဆက်လို့ရနိုင်ရင်ဆက်သွယ်။ ဆက်သွယ်လို့ မရရင် ဘယ်သူတွေကို ဆက်သွယ်လို့ မရဘူးလဲဆိုတာကို ပြန်ပြီးတော့ စာရင်းပြုစုခိုင်းထားတယ်”လို့ ပြောပါတယ်။ ဒါ့အပြင် အဲဒီရွာတွေကို သွားရောက်စုံစမ်းဖို့ ပြင်ဆင်နေကြောင်းလည်း လွှတ်တော်ကိုယ်စားလှယ်က ဆိုပါတယ်။ ပြင်ယောင်းကျေးရွာမှာ အိမ်ခြေ ၂၀၀ ကျော်လောက်ရှိပြီး ပြီးခဲ့တဲ့ရက်ပိုင်းက ရက္ခိုင့်တပ်မတော် (အေအေ) နဲ့ တပ်မတော်တို့ တိုက်ပွဲတွေပြင်းထန်ခဲ့တဲ့ သာစည်ရွာနဲ့ တအုပ်စုတည်းမှာ ရှိနေတာပါ။ မနေ့က ဖြစ်စဉ်အတွင်း တပ်မတော်က လက်နက်ကြီးတွေနဲ့ ပစ်ခတ်တာတွေလည်း ရှိတယ်လို့ ဒေသခံတွေက ပြောကြားခဲ့တဲ့အပေါ် အနောက်ပိုင်းတိုင်းစစ်ဌာနချုပ် တိုင်းဦးစီး ဗိုလ်မှူးကြီးဝင်းဇော်ဦးကို မေးမြန်းရာမှာတော့ တပ်မတော်စစ်ကြောင်းတွေဟာ နေရာအနှံ့မှာ နယ်မြေရှင်းလင်းရေးတွေ လုပ်ဆောင်တယ်ဆိုပေမယ့် ဒီလိုဖြစ်ခဲ့တယ်ဆိုတာ မသိဘူးလို့ ပြောပါတယ်။ “အဲ့ဒီဖြစ်စဉ်ကို ကျနော်တို့ မသိရသေးဘူးခင်ဗျ။ ကျနော်စုံစမ်းလိုက်ပါဦးမယ်။ စစ်ကြောင်းတွေကတော့ နယ်မြေရှင်းတာကတော့ ရှိပါတယ်။ ဒါပေမယ့် ရွာနဲ့ နီးတဲ့နေရာမှာတော့ ကျနော်တို့ မရှိဘူးခင်ဗျ၊ ကျနော်​တို့ တပ်ဖွဲ့တွေကတော့ တိုက်ပွဲဖြစ်တဲ့ရွာနဲ့ ဝေးတဲ့နေရာမှာပဲ ရှိတာ၊ အဲ့ဒီကိစ္စ ကျနော်ဂဃနဏ မပြောနိုင်ဘူး” လို့ပြောပါတယ်။

ရခိုင်ပြည်နယ် မင်းပြားမြို့နယ်အတွင်း ဇွန်လ ၂၁ ရက်နေ့က ဖြစ်ပွားခဲ့တဲ့ တိုက်ပွဲမှာ ရက္ခိုင့်တပ်တော် (အေအေ) ကို မြန်မာ့တပ်မတော်ဘက်က ရဟတ်ယာဉ်အသုံးပြု တိုက်ခိုက်တာတွေရှိတယ်လို့ ဒေသခံတွေက ဒီဗွီဘီကို အတည်ပြုပြောပါတယ်။ မင်းပြားမြို့နယ် ရွှေကျင်ကျေးရွာနဲ့ သာစည်ကျေးရွာတို့အထက်ပိုင်းက တောင်တန်းပေါ်မှာ တိုက်ပွဲဖြစ်ကြတာဖြစ်ပြီး ဇွန်လ ၂၁ ရက်နေ့ မနက်ပိုင်း ၉ နာရီလောက်ကနေ ဒီကနေ့ အရုဏ်တက်ချိန်လောက်ထိ တိုက်ပွဲတွေ ဆက်တိုက်ဆိုသလို ဖြစ်ခဲ့တယ်လို့ ဆိုပါတယ်။ ရွှေကျင်ကျေးရွာနေထွက်ပြေးတိမ်းရှောင်လာသူတဦးက “တိုက်ပွဲတွေကတော့ အခြေအနေက နေ့တိုင်းဆိုသလို ဖြစ်နေတယ်။ ၁၆ ရက်နေ့လောက်ကနေစဖြစ်တာ။ ဇွန် ၂၁ ရက်နေ့ မနက် ၉ နာရီ လောက်ကနေ ရွာအရှေ့ဘက်တောင်တန်းမှာ ဖြစ်ပြီးတော့ လေယာဉ်နဲ့ တောင် လာလို့ပစ်တယ်။ မြောက်ဦးဘက်က ပတ်ပြီးလာတယ်။ စစ်တပ်ကလေယာဉ်ပါ၊ လေယာဉ်နှစ်စီးနဲ့ပါ” လို့ ပြောပါတယ်။ တပ်မတော်ဘက်ကတော့ ရဟတ်ယာဉ်သုံးခဲ့တာ မှန်ကန်ကြောင်းနဲ့ အင်အားများတဲ့ ရက္ခိုင့်တပ်မတော်ရဲ့ ယာယီတပ်စခန်းတခုတွေ့ရတာကြောင့် အဲဒီလိုပစ်ခတ်ရတာဖြစ်ကြောင်း ပြောဆိုပြီး အင်အားအရေအတွက်ကို ထုတ်ဖော်ပြောကြားတာတော့ မရှိပါဘူး။ တပ်မတော်သတင်းမှန်ပြန်ကြားရေးအဖွဲ့မှ ဗိုလ်မှူးချုပ် ဇော်မင်းထွန်းက “လေယာဉ်တော့ မသုံးပါဘူး။ ရဟတ်ယဉ်သုံးပါတယ်။ ကျနော်တို့ သိရသလောက်က တိုက်ပွဲက အင်အား နည်းနည်းများတယ်ဆိုတာပဲသိရခင်ဗျ။ အသေးစိတ်ကို မသိရသေးပါဘူး။ ယာယီစခန်းတခု ဗျဟုတ်ကဲ့။ ယာယီစခန်းတခုတွေ့လို့ ဆောင်ရွက်ရခြင်းဖြစ်တယ်” လို့  ပြောပါတယ်။ ဒီကိစ္စနဲ့ ပတ်သတ်ပြီး ရက္ခိုင့်တပ်တော် အေအေပြန်ကြားရေးတာဝန်ခံ ခိုင်သုခကတော့ အဲဒီမှာ အေအေက ယာယီတပ်စခန်းတခုရှိတယ်ဆိုတာ မဟုတ်ဘဲ လှုပ်ရှားစစ်ကြောင်းသာ ရှိတယ်လို့ ဆိုပါတယ်။ “ဗမာစစ်တပ်ဘက်ကနေပြီးတော့ ရဟတ်ယာဉ်နှစ်စီးနဲ့လာပြီး အဲဒီဒေသတစ်ဝိုက်ကို ယမ်းသမ်းပြီးတော့ ဗုံးကြဲတိုက်ခိုက်တာတို့၊ ရောကတ်နဲ့ ပစ်တာ၊ စစ်သေနတ်နဲ့ပစ်တာ အဲဒါတွေလာလုပ်တယ်။ သူတို့ပြောသလိုမျိုး စခန်းတွေဘာတွေ သိမ်းဆည်းရမိတယ်။ ဘာညာဆိုတာကတော့ လုံးဝမဟုတ်ဘူးဗျ။ အဲဒီမှာ ကျနော်တို့ စခန်းလည်း မရှိဘူး။ ဆိုတော့ သိတဲ့အတိုင်းပဲ စစ်သားနေလို့ရှိရင်တော့ ရောက်ခဲ့တဲ့ နေရာမှာ ပစ်ကျင်းတွေရှိတာပေါ့ဗျာနော်။ ဒါကစစ်သားအလုပ်ပဲ။ အဲဒီပစ်ကျင်းတွေကို မြင်လို့များ သူတို့က စခန်းလို့ထင်သလားဆိုတာတော့ ရှိတာပေါ့။” အဲ့ဒီလက်နက်ကိုင်နှစ်ဖွဲ့ကြား တိုက်ပွဲတွေကြောင့် မင်းပြားမြို့နယ် ရွှေကျင်နဲ့ သာစည်ကျေးရွာနှစ်ရွာက ထောင်နဲ့ချီတဲ့ ဒေသခံတွေဟာ အနီးအနားက မင်းဖူး၊ ပန်းမြောင်း၊ ကျောင်းတောင်၊ မြိုချောင်းစတဲ့ ကျေးရွာတွေကို ထွက်ခွာသွားကြပြီး စားဝတ်နေရေးနဲ့ ပညာရေး အခက်ခဲတွေ ကြုံနေကြရတယ်လို့ မင်းဖူးကျေးရွာကို ထွက်ပြေးတိမ်းရှောင်လာတဲ့ စစ်ဘေးရှောင် ဦးမောင်ကျန်သိန်းက ပြောပါတယ်။ “ကျနော်တို့ ရွာသားတွေဟာ နောက်လည်းတိုက်ပွဲတွေက တင်းမာမှု အခြေအနေရှိနေမယ်ဆိုရင် ကျနော်တို့ရွာတွေဟာ တကယ့်ကို စားဝတ်နေရေး၊ ပညာရေးအခက်ခဲရှိပါတယ်။ ရေရှည်အတွက်တောင်မှ စဉ်းစားတွေးကြည့်လို့တောင်မှ အိပ်လို့မရ အခြေအနေ ဖြစ်နေတယ်။ ကျနော်တို့ စားဝတ်နေရေးတွေကို ဘယ်လိုဖြေရှင်းရမလဲတာကို။ နဂိုကလည်း ၁ လနီးပါးကနေ တိုက်ပွဲဖြစ်နေတယ်ဆိုတော့ မထွက်ရ၊ မလုပ်ရ၊ မကိုင်ရသူတွေမှာလည်း စားဝတ်နေရေးအခြေနေ မဖွံ့ဖြိုးဆိုတာကို ကျနော်ပြောချင်ပါတယ်။” ရခိုင်ပြည်နယ်အတွင်းမှာ ရက္ခိုင့်တပ်တော် (အေအေ) နဲ့ မြန်မာ့တပ်မတော်တို့ စစ်ရေးတင်မာလာတာ ၆ လာကျော် ကြာမြင့်လာပြီဖြစ်ပြီး ပြည်နယ်ရဲ့ မြို့နယ် ၆ ခုလောက်မှာ စစ်ဘေးရှောင် ၅ သောင်းလောက်က နေရပ်စွန့်ခွာပြီး စစ်ဘေးရှောင်စခန်းတွေမှာ ခိုလှုံနေကြရပါ တယ်။ သတင်းနှင့်ဓာတ်ပုံ ဝဏ္ဏခွာညို