မင်းသားဟယ်ရီ

May 13, 2018

မင်းသားဟယ်ရီနှင့် မီဂန်မာကယ်တို့ မျက်နှာပုံများနှင့် ရေကူးဝတ်စုံ ရောင်းချ

တော်ဝင်မင်္ဂလာဆောင် အမှတ်တရအဖြစ် မင်းသားဟယ်ရီနဲ့ မီဂန်မာကယ်တို့ မျက်နှာပုံတွေနဲ့ ရေကူးဝတ်စုံတွေ ထုတ်လုပ်ရောင်းချနေတယ်လို့ သိရပါတယ်။ အွန်လိုင်းပုံနှိပ်လုပ်ငန်းက သူတို့ရဲ့ဖောက်သည်တွေဟာ တော်ဝင်မင်္ဂလာဆောင်ကို အရူးအမူးဖြစ်ပြီး ပစ္စည်းတွေအားလုံးပေါ်မှာ တော်ဝင်တွေရဲ့ မျက်နှာပုံပါတာနဲ့ သုံးစွဲချင်နေကြတယ်လို့ ပြောပါတယ်။ ပုံနှိပ်လုပ်ငန်းကုမ္ပဏီရဲ့ ပြောရေးဆိုခွင့်ရှိသူက “ကျနော်တို့အနှစ်သက်ဆုံးက ဝီလျံနဲ့ ကိတ်၊ ဟယ်ရီနဲ့ မီဂန်တို့ပုံတွေပါတဲ့ ရေကူးဝတ်စုံတွေပဲ” လို့ မက်ထရိုသတင်းဌာနကို ပြောပါတယ်။ “တော်ဝင်မင်းသားတယောက် ဒါမှမဟုတ် မင်းသားကတော် တယောက်ပုံပါတဲ့ ရေကူးဝတ်စုံကို ဝတ်ပြီး ကမ်းခြေပေါ်မှာ ဂုဏ်ယူဝင့်ကြွားစွာ လျှောက်သွားနေရတာက ဘာနဲ့မှ မတူဘူး” လို့လည်း ပြောရေးဆိုခွင့်ရှိသူက ပြောပါတယ်။ ရေကူးဝတ်စုံရဲ့အရှေ့ဘက်မှာ မီဂန်ပုံနဲ့ အနောက်ဘက်မှာ ဟယ်ရီပုံ ဒါမှမဟုတ် သူတို့ ၂ ယောက်ပုံကို အရှေ့အနောက်ပြောင်းထားတဲ့ ရေကူးဝတ်စုံတွေက ၃၈ ပေါင်နဲ့ ပို့ဆောင်ခပါ ပေးရမယ်လို့ သိရပါတယ်။ မင်းသားစုံတွဲရဲ့ မင်္ဂလာပွဲက နောက်အပတ် စနေနေ့ မေလ ၁၉ ရက်နေ့ဖြစ်လို့ အခုအချိန်မှာပြီး ဝတ်ရင် နောက်တနေ့ရလို့ အချိန်မီသေးတယ်လို့ ဆိုပါတယ်။ ဟယ်ရီနဲ့ မီဂန်က ဝင်ဆာရဲတိုက်ကြီးက စိန့်ဂျော့ဘုရားကျောင်းရဲ့ ဝတ်ပြုဆုတောင်းရာနေရာမှာ လက်ထပ်ကြမယ်လို့ မေရာသတင်းတပုဒ်က ဖော်ပြထားပါတယ်။
3 years Ago

May 3, 2018

မင်းသားဟယ်ရီ၏ မင်္ဂလာပွဲ တကမ္ဘာလုံး စိတ်ဝင်စားမှု ရရှိနိုင်

  ဗြိတိန်နန်းလျာ မင်းသားဟယ်ရီနဲ့ အမေရိကန်ရုပ်ရှင်မင်းသမီး မက်ဂန်မာကယ်တို့ရဲ့ မေလ ၁၉ ရက်နေ့မှာ ကျင်းပမယ့် မင်္ဂလာပွဲဟာ အစ်ကိုဖြစ်သူ မင်းသားဝီလျံရဲ့ လက်ထပ်ပွဲလိုပဲ တကမ္ဘာလုံးရဲ့ စိတ်ဝင်စားမှု ရရှိလိမ့်မယ်လို့ သတင်းမီဒီယာတွေက ခန့်မှန်းထားပါတယ်။ ဟယ်ရီနဲ့ မက်ဂန်တို့ရဲ့ မင်္ဂလာပွဲကို အင်္ဂလန်ရှိ ဝင်ဆာရဲတိုက်ကြီးမှာ တခမ်းတနား ကျင်းပဖို့ရှိပြီး သမိုင်းအစဉ်အလာကြီးတဲ့ ဗြိတိန် တော်ဝင်မိသားစုနဲ့အတူ အစိုးရအဖွဲ့ အရာရှိကြီးတွေနဲ့ ယူကေနိုင်ငံရဲ့ ဂုဏ်ထူးဆောင်မိသားစုတွေ တက်ရောက်ဖို့ ရှိပါတယ်။ အစ်ကိုဖြစ်သူ မင်းသားဝီလျံနဲ့ ကိတ်တို့ ၂၀၁၁ ခုနှစ်မှာ လက်ထပ်စဉ်ကတော့ ကမ္ဘာ့ပရိသတ် သန်းနှစ်ထောင်လောက်ဟာ ရုပ်မြင်သံကြား ဖန်သားပြင်ပေါ်ကနေ စိတ်ဝင်တစား ကြည့်ရှုခဲ့ကြပါတယ်။
3 years Ago
Up