မကွေး PDF

September 23, 2021

ကျန်းမာရေး ဝန်ထမ်းနှင့် အဆောက်အအုံများကို တိုက်ခိုက်မည်မဟုတ်ဟု မကွေး PDF ထုတ်ပြန်

ပြည်သူ့ကျန်းမာရေးဝန်ထမ်းတွေနဲ့ အဆောက်အအုံတွေကို တိုက်ခိုက်သွားမှာ မဟုတ်ဘူးလို့ မကွေးတိုင်းဒေသကြီး PDF တပ်ဖွဲ့က စက်တင်ဘာ ၂၂ ရက်နေ့ရက်စွဲနဲ့ ထုတ်ပြန်ကြေညာလိုက်ပါတယ်။

ဆေးရုံးဆေးခန်းတွေမှာ လူနာတွေကို ဆေးကုသပေးနေတဲ့ ဆရာဝန်၊ သူနာပြု၊ ဆေးရုံဝန်ထမ်းတွေနဲ့ မိသားစုဝင်တွေကို CDM ပြုလုပ်သည်ဖြစ်စေ Non-CDM ဖြစ်စေ တိုက်ခိုက်သွားမှာ မဟုတ်ဘူးလို့ ဆိုပါတယ်။

ကျန်းမာရေးဝန်ထမ်းတွေဟာ အများပြည်သူတွေအတွက် ဆေးကုသပေးနေသလို ဘယ်စစ်ပွဲမှာမဆို အရေးပါတဲ့ အခန်းကဏ္ဍက ပါဝင်တာကြောင့် အခုလက်ရှိမှာ အဖွဲ့စည်းတွေ အမျိုးမျိုးကွဲနေတဲ့အတွက် ထိခိုက်နစ်နာအောင်လုပ်တဲ့ ဘယ်အဖွဲ့စည်းကိုမဆို အပြင်းထန်ကန့်ကွက်သွားမယ်လို့ ဖော်ပြထားပါတယ်။

MDPDF အနေနဲ့ ဆေးရုံ၊ ဆေးခန်း၊ ကျောင်း၊ အများပြည်သူသွားလာနိုင်တဲ့နေရာတွေနဲ့ ပြည်သူတွေ ထိခိုက်စေနိုင်တဲ့ နေရာတွေကို ရှောင်ဖယ်တိုက်ခိုက်သွားမှာဖြစ်သလို ကျန်းမာရေးဝန်ထမ်းတွေနဲ့ ပရဟိတအဖွဲ့တွေကိုလည်း ကာကွယ်စောင့်ရှောက်သွားမယ်လို့ ကတိပြုထားပါတယ်။

4 weeks Ago
Up