မကွေးတိုင်းအတွင်း နိုင်ငံပိုင် ရေနံမြေ ၇ ခုက ရေနံစည်ပေါင်း ၂ သန်းကျော်ထွက်ရှိ

February 5, 2020

မကွေးတိုင်းအတွင်း နိုင်ငံပိုင် ရေနံမြေ ၇ ခုက ရေနံစည်ပေါင်း ၂ သန်းကျော်ထွက်ရှိ

မကွေးတိုင်းဒေသကြီးအတွင်းရှိ နိုင်ငံပိုင်ရေနံမြေ ၇ ခုမှ  ၂၀၁၈–၂၀၁၉ ဘဏ္ဍာနှစ်အတွင်း ရေနံစိမ်းစည် ၂ သန်းကျော်ထွက်ရှိခဲ့တယ်လို့ မကွေးတိုင်းဒေသကြီးအစိုးရ စီမံကိန်း၊ ဘဏ္ဍာရေးနှင့် စည်ပင်သာယာရေးဝန်ကြီး ဦးဇော်မင်းက ပြောပါတယ်။ မကွေးတိုင်းအတွင်း မန်း ရေနံမြေ၊ ထောက်ရှာပင်/ကမ်းနီရေနံမြေ၊ ရေနံချောင်းရေနံမြေ၊ ချောက်/လမ်းရွာ ရေနံမြေ၊ ကျောက်ခွက်/လက်ပံတို/အရာတော်ရေနံမြေ၊ စပယ်/သာကြီးတောင် ရေနံမြေ၊ ထန်းကိုင်း/ပြရည် ရေနံမြေတို့မှ ၂၀၁၈–၂၀၁၉ ဘဏ္ဍာနှစ်အတွင်း ရေနံစိမ်းစည်ပေါင်း  ၂,၁၀၆,၂၈၆ စည် ထွက်ရှိခဲ့တယ်လို့ ဆိုပါတယ်။ ရေနံစိမ်းထုတ်လုပ်မှုကို ပြည်ထောင်စုအစိုးရက ချုပ်ကိုင်​ဆောင်ရွက်တာဖြစ်ပြီး မြန်မာတနိုင်ငံလုံးရှိ ရေနံမြေ ၁၂ ခုမှ တရက်ကို ရေနံစိမ်း စည်ပေါင်း  ၆၅၀ဝ ကျော် ထုတ်လုပ်နေပြီး အခု နောက်ပိုင်း ရေနံမြေ ၁၂ ခုမှ တရက်ကို ရေနံစိမ်းစည် ၁၀ဝဝဝ အထိ တိုးမြှင့် ထုတ်လုပ်ဖို့ ဆောင်ရွက်နေကြောင်း သိရပါတယ်။ ၂၀၁၇–၂၀၁၈ ဘဏ္ဍာနှစ်ကတော့ မကွေးတိုင်းအတွင်း ရေနံမြေ ၇ ခုကနေ ရေနံစိမ်းစည် ပေါင်း ၂၁၄၅၆၁၅ စည်ထွက်ရှိခဲ့ပြီး ရေနံစိမ်းအများဆုံးထွက်ရှိမှုအဖြစ် မန်းရေနံမြေကနေက ၂၀၁၉ ခုနှစ် ခြောက်လအတွင်း ၂၁၃၄၅၆ စည်ထွက်ရှိခဲ့တယ်လို့ မကွေးတိုင်းဒေသကြီး အစိုးရအဖွဲ့ထံက သိရပါတယ်။ သတင်း- ကိုလင်း(ချောက်)
1 year Ago
Up