မကွေးတိုင်း

December 1, 2021

စစ်ကိုင်းနှင့်မကွေးတိုင်းတွင် တိုက်ပွဲနှင့်မိုင်းဆွဲတိုက်ခိုက်ခံရမှုကြောင့် စစ်ကောင်စီတပ်သား ၃၀ ခန့် သေဆုံး

စစ်ကိုင်းတိုင်းနဲ့ မကွေးတိုင်းတို့မှာ တိုက်ပွဲနဲ့ မိုင်းဆွဲတိုက်ခိုက်ခံရတာကြောင့်  စစ်ကောင်စီတပ်ဖွဲ့ဝင် အနည်းဆုံး ၃၀ ဝန်းကျင် သေဆုံးပြီး အများအပြား ဒဏ်ရာရတယ်လို့ သိရပါတယ်။

စစ်ကိုင်းတိုင်း၊ မင်းကင်းမြို့နယ် ဖက်ခတ်ကျေးရွာအနီးမှာ စစ်ကောင်စီတပ်နဲ့ မင်းကင်းပြည်သူ့ကာကွယ်ရေးတပ်ဖွဲ့ (ပကဖ) တို့ နိုဝင်ဘာ ၃၀ ရက်နေ့က တိုက်ပွဲဖြစ်ပွားခဲ့တယ်လို့ ပကဖ အဖွဲ့က ထုတ်ပြန်ပါတယ်။

စစ်ကောင်စီတပ်တွေက နိုဝင်ဘာ ၂၀ ရက်နေ့ မနက် ၄ နာရီဝန်းကျင်လောက် အင်အား ၁၀၀ ကျော်နဲ့ ကျောက်ခဲတတ်ကျေးရွာကနေ ဖက်ခတ်ကျေးရွာကို စစ်ကြောင်းထိုးဝင်ရောက်လာစဉ် ဒေသခံကာကွယ်ရေးတပ်ဖွဲ့တွေနဲ့ ထိတွေ့တိုက်ပွဲဖြစ်ပွားခဲ့တာပါ။

တိုက်ပွဲအတွင်း စစ်ကောင်စီတပ်သား ၈ ဦး သေဆုံးပြီး ၁၂ ဦး ပြင်းထန်ဒဏ်ရာရခဲ့ကြောင်း၊ သေဆုံးသူတွေနဲ့ ဒဏ်ရာရသူတွေကို မော်တော် ၄ စီးနဲ့ မိုးကာအစိမ်းအုပ်ပြီး ပန်းဆက်ကျေးရွာကို ပြန်လည်ခေါ်ဆောင်သွားတယ်လို့ ဆိုပါတယ်။

မင်းကင်းမြို့နယ်ပြည်သူ့ကာကွယ်ရေးတပ်ဖွဲ့-မြစ်ရိုးအောက်ဒေသ (ပကဖ) အဖွဲ့ဝင်တွေတော့ ထိခိုက်မှုမရှိ ဆုတ်ခွာနိုင်ခဲ့တယ်လို့ သိရပါတယ်။

စစ်ကိုင်းတိုင်း ကနီမြို့နယ် နတ်ကြီးကျေးရွာနဲ့ ချောင်းဝကြီးရွာကြားမှာလည်း နိုဝင်ဘာ ၃၀ ရက်နေ့  မွန်းလွဲ ၂ နာရီခွဲအချိန်က စစ်ကောင်စီ ခြေလျင်တပ်ကို မိုင်းဆွဲတိုက်ခိုက်ခဲ့တယ်လို့ ကနီမြို့နယ်ပြည်သူကာကွယ်ရေး ကျောက်လုံးကြီး PDF အဖွဲ့ရဲ့ ပြန်ကြားရေးတာဝန်ရှိသူက ပြောပါတယ်။

“သူတို့လာတဲ့လမ်းကို မိုင်းထောင်တိုက်ခိုက်ခဲ့တာဗျ။ စစ်ကောင်စီ ရှေ့ပြေးတပ်ဘက်က သုံးဦးနေရာတင် သေသွားတယ်ဗျ။ သူတို့ပါလာတဲ့ လက်နက်ယူမယ်လုပ်နေတုန်း စစ်ကောင်စီတပ်ရဲ့ နောက်ချန်တပ်ရောက်လာလို့ မရောက်နိုင်ဘဲ ထွက်ပြေးခဲ့ရတယ်။”

မိုင်ဆွဲခံရတဲ့ စစ်ကောင်စီတပ်သားတွေဟာ နတ်ကြီးကျေးရွာမှာ တပ်စွဲထားတာကြောင့် ကျေးရွာသားတွေ ဘေးလွတ်ရာ ထွက်ပြေးနေရတာ ၆ ရက်ရှိပြီဖြစ်ပြီး ကျေးရွာအတွင်း မဝင်ရဲတာကြောင့် အိမ်မွေးတိရစ္ဆာန်တွေ အစာရေစာပြတ်လပ်သေဆုံးမှာကို စိုးရိမ်နေကြတယ်လို့ ‌နတ်ကြီးဒေသခံတဦးက ပြောပါတယ်။

မကွေးတိုင်း၊ ပေါက်မြို့နယ်တောင်ပိုင်းမှာလည်း နိုဝင်ဘာ ၂၉ ရက်နေ့ မနက်ပိုင်းက စစ်ကောင်စီတပ်ဖွဲ့ဝင်အင်အား ၄၀၀ နီးပါးပါဝင်တဲ့ စစ်ကြောင်း ၂ ကြိမ် မိုင်းဆွဲတိုက်ခိုက်ခံရတယ်လို့ သိရပါတယ်။

ပေါက်မြို့နယ်တောင်ဘက် သက္ကယ်ကျင်း၊ ကိုင်းမ၊ တဇူး၊ လယ်ယာ စတဲ့ ကျေးရွာတွေဆီ စစ်ကြောင်း ၂ ကြောင်းခွဲပြီး ချီတက်လာတဲ့ စစ်ကောင်စီတပ်သားတွေကို သက္ကယ်ကျင်းကျေးရွာအနီးက ယောချောင်းအတွင်းမှာ ၁ ကြိမ်နဲ့ လက်ပံချောင်းချောက်အနီးမှာ ၁ ကြိမ် စုစုပေါင်း ၂ ကြိမ်မိုင်းဆွဲတိုက်ခိုက်ခဲ့တာလို့ ပေါက်မြို့နယ်တောင်ပိုင်းပြောက်ကျားတပ်ဖွဲ့ တာဝန်ခံတဦးက ပြောပါတယ်။

၂ ကြိမ် မိုင်းဆွဲတိုက်ခိုက်ခံရမှုကြောင့် စစ်ကောင်စီတပ်သား ၁၈ ဦးထက်မနည်းသေဆုံးပြီး အများအပြား ထိခိုက်ဒဏ်ရာရရှိသွားတယ်လို့ ဆိုပါတယ်။

မိုင်းဆွဲတိုက်ခိုက်ခံရမှုကြောင့် စစ်ကောင်စီတပ်သား ၁၈ ဦးသေဆုံးပြီး အများအပြား ထိခိုက်ဒဏ်ရာရရှိသွားတယ်လို့ အမျိုးသားညီညွတ်ရေးအစိုးရ (NUG) ရဲ့ ကာကွယ်ရေးဝန်ကြီးဌာနကလည်း ထုတ်ပြန်ထားပါတယ်။

စစ်ကိုင်းနဲ့မကွေးတိုင်းတို့မှာ မိုင်းဆွဲတိုက်ခိုက်ခံရမှုကြောင့် စစ်ကောင်စီတပ်တွေ သေဆုံးဒဏ်ရာရတာနဲ့ ပတ်သက်ပြီး ဒီဗွီဘီက သီးခြားအတည်မပြုနိုင်သေးပါဘူး။

3 days Ago

November 22, 2021

မကွေးတိုင်းအတွင်း PDF စခန်း ၁ ခုကို စစ်တပ်က ဝင်စီး၊ PDF ၁ ဦးကျဆုံး

မကွေးတိုင်းထဲက PDF စခန်းတခုကို  နိုဝင်ဘာ ၂၂ ရက် ဒီကနေ့   အကြမ်းဖက်စစ်ကောင်စီတပ်တွေ ဝင်ရောက်စီးနင်းခဲ့ရာမှာ  ထိတွေ့တိုက်ပွဲဖြစ်လို့ ဒေသခံ  PDF တပ်သားတယောက် ကျဆုံးခဲ့ပါတယ်။

PDF အဖွဲ့တာဝန်ရှိသူတယောက်က “တောမရဲ့ အရှေ့ဘက် ရွှေတောင်ကနေတဆင့် နတ်တောင်ထိပ်ကနေ ဆင်းလာတာ။ ကျောက်ထုဘက်က အဖွဲ့နဲ့ ပေါင်းပြီးလာတယ်။ ကျနော်တို့စခန်းကို စွန့်လိုက်ရတာပေါ့။ မိုင်းတော့ ထောင်ထားတယ်။ အဲဒါမှာ သူတို့မိုင်းမိတယ်။ ကျနော်တို့ဘက်က ပြောက်ကျားတွေနဲ့ တွေ့တော့ တိုက်ပွဲဖြစ်ပြီး တယောက်ကျသွားပါတယ်။ ကျနော်တို့ စခန်းတခုလုံးလည်း ဖျက်ဆီးခံလိုက်ရတယ်” လို့ ပြောပါတယ်။

ပြီးခဲ့တဲ့ရက် တိုက်ပွဲတွေမှာ စစ်တပ်ဘက်က သေဆုံး ဒဏ်ရာရသူတွေကို ရဟတ်ယာဉ်နဲ့ သယ်ယူပြီး နောက်ထပ်အင်အားတွေ ဖြည့်ပေးထားတယ်လို့လည်း သူက ပြောပါတယ်။ မနေ့က တိုက်ပွဲမှာလည်း အင်အားအများအပြားသုံးလာတာကြောင့် ခုခံဖို့ အဆင်သင့်မဖြစ်ဘဲ အားလုံးတိမ်းရှောင်လိုက်ရတယ်လို့ သူက ဆိုပါတယ်။

“အခုလာတဲ့ စစ်သားတွေက စနစ်ကျတယ်။ ရွာသားတွေကိုလည်း ဒုက္ခမပေးဘူး။ စစ်ဆေးပြီးရင်လည်း ပြန်လွှတ်ပေးတယ်။ သူတို့က တောထဲရောက်ရင်လည်း ပျောက်သွားတာ။ တိုက်ရမလွယ်ဘူး။ ကျနော်တို့မှာက လက်နက် ကောင်းကောင်းလည်းရှိတာမဟုတ်ဘူးလေ” လို့ PDF အဖွဲ့ တာဝန်ရှိသူတယောက်က ပြောပါတယ်။

မနေ့က မနက်ပိုင်းမှာ ယောနယ် ကာကွယ်ရေးတပ်အပါအဝင် မဟာမိတ်အဖွဲ့တွေနဲ့ အကြမ်းဖက်စစ်တပ်တို့ တိုက်ပွဲဖြစ်ပြီး စစ်တပ်ဘက်က အများအပြားကျဆုံးခဲ့ပါသေးတယ်။

မနေ့မနက်ပိုင်းက ဂန့်ဂေါနဲ့ ကလေးမြို့ နယ်စပ် ကျောက်ပြုတ်ရွာမှာ တပ်စွဲထားတဲ့ စစ်ကောင်စီတပ်တွေကို YDF နဲ့ မဟာမိတ်အဖွဲ့တွေ ပူးပေါင်းတိုက်ခိုက်ခဲ့ပြီး စစ်ကောင်စီဘက်က အကျအဆုံးများတယ်လို့ YDF က ထုတ်ပြန်ထားပါတယ်။

နေ့လယ်ပိုင်းမှာလည်း ဂန့်ဂေါမြို့နယ် မင်းရွာရဲစခန်းကနေ ဂန့်ဂေါမြို့ကို ထွက်ခွာလာတဲ့ စစ်ကောင်စီ ကား ၅ စီးကို YDF ဂန့်ဂေါနဲ့ ပူးပေါင်းအဖွဲ့က ခေါက်ခူရွာနားမှာ မိုင်း ၁၂ လုံးနဲ့ တိုက်ခိုက်လို့ ကား ၂ စီး ပျက်စီးခဲ့တယ်လို့ ဆိုပါတယ်။

ဒီတိုက်ခိုက်မှုကြောင့် စစ်ကောင်စီတပ်ဘက်က ဗိုလ်တယောက်အပါအဝင် ၁၁ ယောက် သေဆုံးပြီး ၂၀ ကျော်ဒဏ်ရာရတယ်လို့ ဆိုပါတယ်။ ပြီးတော့ ကျည်ဆန်တွေနဲ့ ပစ္စည်းတချို့လည်း သိမ်းဆည်းရမိခဲ့တယ်လို့ ဆိုပါတယ်။

2 weeks Ago
More News
Up