မက်ဒရစ်

May 7, 2022

စပိန်နိုင်ငံ မက်ဒရစ်မြို့ရှိ အဆောက်အအုံ ၁ ခုတွင် ပေါက်ကွဲမှုဖြစ်ပြီး ၁၇ ဦးဒဏ်ရာရ

စပိန်နိုင်ငံ မက်ဒရစ်မြို့လယ်မှာ ပြန်လည်ပြင်ဆင်နေတဲ့အဆောက်အုံတခုအတွင်းမှာ မနေ့က ပေါက်ကွဲမှုတခု ဖြစ်ခဲ့ပြီး လူ ၁၇ ယောက်ထက် မနည်း ဒဏ်ရာရတယ်လို့ အာဏာပိုင်တွေက ပြောပါတယ်။

အထဲမှာ ပိတ်မိနေသူတွေ ရှိနိုင်တာကြောင့် ကယ်ဆယ်ရေး လုပ်ငန်းတွေကို ဆက်လုပ်ခဲ့ရပါတယ်။ လူ လေးယောက်ကို ဆေးရုံတင်လိုက်ရပြီး၊ တယောက်ရဲ့ အခြေအနေကတော့ စိုးရိမ်ရတယ်လို့ ကယ်ဆယ်ရေးအဖွဲ့နဲ့ တာဝန်ရှိသူတွေက ပြောပါတယ်။

ပေါက်ကွဲမှုဖြစ်ရတဲ့ အကြောင်းအရင်းနဲ့ ပတ်သက်ပြီး အသေးစိတ် မသိရသေးပါဘူး။

3 weeks Ago

January 12, 2021

နှင်းမုန်တိုင်းကြောင့်  ပိတ်မိနေသူများကို စပိန် ရဲတပ်ဖွဲ့က ကူညီကယ်ဆယ်

စပိန်နိုင်ငံ မြို့တော်မက်ဒရစ်နဲ့ ပတ်ဝန်းကျင်ဒေသတွေမှာ ပြီးခဲ့တဲ့ စနေ၊ တနင်္ဂနွေ ရက်တွေအတွင်းက ကြီးမားတဲ့ နှင်းမုန်တိုင်း တိုက်ခတ်ခဲ့လို့ နှင်းတွေထဲမှာ ပိတ်မိနေတဲ့ ကားတွေကို ဆွဲထုတ်ရာမှာ စပိန် စစ်တပ်တပ်ဖွဲ့ (UME) က ဇန်နဝါရီ ၁၁ ရက်မှာ ကူညီခဲ့ရပါတယ်။  ရဲအရာရှိတွေနဲ့ အရေးပေါ် ကားတွေက ကားတွေထဲမှာ ပိတ်မိနေတဲ့ ဒါဇင်ချီတဲ့ လူတွေကို ကူညီခဲ့တာပါ။ လမ်းပန်းဆက်သွယ်ရေး ပြတ်တောက်သွားခဲ့လို့ မက်ဒရစ်မြို့တော်မှာ ကျောင်းတွေ ပိတ်ထားဆဲ ဖြစ်ပြီး စူပါမားကတ်တချို့မှာ လတ်ဆတ်တဲ့ ကုန်စည်တွေ ပြတ်လပ်နေပါတယ်။ ဒါပေမဲ့ နှင်းမုန်တိုင်းကြီး တိုက်အပြီး ရထားနဲ့ လေကြောင်းခရီးစဉ် အများစုကတော့ ခရီးစဉ်တွေ ပြန်လည်ပြေးဆွဲနေပါပြီ။ ရာသီဥတု ပိုအေးလာနေလို့ နှင်းတွေကနေ ရေခဲတွေ ဒီသီတင်းပတ်အတွင်း ဖြစ်လာနိုင်လို့ အာဏာပိုင်တွေက ပိုများတဲ့ လမ်းတွေပေါ်က နှင်းတွေကို ရှင်းဖို့ ကြိုးစားနေကြပါတယ်။  မက်ဒရစ်မြို့တော်ဟာ နှစ်ငါးဆယ်ထက်မနည်းအချိန်အတွင်း နှင်းထု အကြီးကျယ်ဆုံး ကျဆင်းခဲ့တယ်လို့ ရိုက်တာသတင်းဌာနက ဖော်ပြထားပါတယ်။ အပူချိန် ရေခဲမှတ်အောက် အနုတ် ၁၀ ဒီဂရီ ဆဲလ်စီးယပ်စ်အထိ နိမ့်ကျနေတဲ့ အအေးလှိုင်းဟာ စပိန်အလယ်ပိုင်းကို ဖြတ်သန်းနေပြီး ကြာသပတေးနေ့အထိ ဆက်ရှိနေမယ်လို့ အာအေးမတ် မိုးလေဝသဌာနက ပြောပါတယ်။ ပြည်ထဲရေးဝန်ကြီးကလည်း လမ်းပေါ်က အခြေအနေတွေ တိုးတက်လာပေမယ့် လူအများအပြား နှင်းထဲမှာ ပိတ်မိနေဆဲ ဖြစ်တယ်လို့ ပြောပါတယ်။ ဖှီလိုမေနာ နှင်းမုန်တိုင်းအတွင်း လမ်းပန်းဆက်သွယ်ရေး ပြတ်တောက်ကုန်လို့ ခက်ခဲနေတဲ့ ကိုဗစ်-၁၉ ကာကွယ်ဆေး ထိုးဆေးတွေနဲ့ စားနပ်ရိက္ခာတွေကို ဖြန့်ဖြူးဖို့ ယာဉ်တန်းတွေကို စေလွှတ်မယ်လို့ စပိန် အစိုးရက ပြောပါတယ်။ ကယ်ဆယ်ရေးသမားတွေဟာ ကားတွေထဲမှာ ပိတ်မိနေတဲ့ လူ ၁၅၀၀ ဆီကို ရောက်ခဲ့ပြီး အခုချိန် ထိပ်တန်းဦးစားပေးက နှင်းတွေ ရေခဲဖွဲ့မလာအောင် ဟန့်တားဖို့လို့ ဆိုပါတယ်။ လာမယ့် ရက်တွေအတွင်း ရာသီဥတု ပိုအေးလာပြီး အအေးဒဏ်က ပိုကျလာတဲ့အပြင် နှင်းထု ရေခဲဖွဲ့တာနဲ့ ပျက်စီးသစ်ပင်တွေ ကျိုးကျတာတွေ ဖြစ်နိုင်တယ်လို့လည်း ရိုက်တာသတင်းမှာ ဖော်ပြပါတယ်။
1 year Ago
More News
Up