မက်ဆီ

January 31, 2023

နည်းပြဗန်ဟားလ်ကို မခံချင်အောင်လုပ်ခဲ့သည့်အပေါ် နောင်တရမိကြောင်း မက်ဆီဖွင့်ဟ

၂၀၂၂ ကမ္ဘာ့ဖလား ကွာတားဖိုင်နယ်ပွဲစဉ်မှာ ဟော်လန်နည်းပြဗန်ဟားလ်ကို မခံချင်အောင်လုပ် ဆောင်ခဲ့တဲ့အပေါ် နောင်တရမိကြောင်း မက်ဆီကပြောပါတယ်။

မက်ဆီဟာ ဟော်လန်အသင်းကို ပင်နယ်တီအဆုံးအဖြတ်နဲ့အနိုင်ယူအပြီးမှာ ကွင်းဘေးစည်းမှာရှိတဲ့ နည်းပြဗန်ဟားလ်နဲ့ နည်းပြအဖွဲ့ဝင်တွေနဲ့ စကားအချေအတင်ဖြစ်ခဲ့ပါတယ်။

မက်ဆီက ဗန်ဟားလ်နဲ့ နည်းပြအဖွဲ့ဆီကို အာဂျင်တီးနားကစားသမားဟောင်း ရီကွယ်မီးရဲ့ အောင်ပွဲခံပုံအတိုင် နားနှစ်ဖက်ကို လက်နှစ်ဖက်နဲ့ ထောက်ပြီးအောင်ပွဲခံခဲ့သလို စကားများလွန်းတယ်ဆိုတဲ့ လက်ဟန်အမှုအရာနဲ့လည်း မခံချင်အောင်ပြုလုပ်ခဲ့တာပါ။

အဲဒီလိုလုပ်ဆောင်ခဲ့တာဟာ ပွဲမတိုင်ခင်က မှတ်ချက်စကားတွေကြောင့် နည်းပြဗန်ဟားလ်အပေါ်  လေးစားမှု မရှိခဲ့တာဖြစ်ကြောင်း ပွဲပြီးပြီးချင်းမှာ မက်ဆီကပြောခဲ့ပါသေးတယ်။

လက်ရှိအချိန်မှာတော့ အဲဒီအဖြစ်အပျက်တွေဟာ တဒင်္ဂခဏအတွင်းမှာပဲ စဉ်းစားချိန်မရဘဲ ဖြစ်ခဲ့တာဖြစ်ပြီး ရည်ရွယ်ချက်နဲ့ လုပ်ဆောင်ခဲ့တာမဟုတ်ကြောင်း မက်ဆီကပြန်ရှင်းခဲ့တာပါ။

မလေးမစားလုပ်မိသလိုဖြစ်ခဲ့ရပေမယ့်ရည်ရွယ်ချက်မပါကြောင်း၊ အဲဒီတုန်းကအဖြစ်အပျက်တွေဟာ ချန်ထားခဲ့ဖို့မသင့်တဲ့ပုံရိပ်တွေဖြစ်ကြောင်း မက်ဆီကပြန်လည်ဖြေရှင်းသွားခဲ့ပါတယ်။ 

1 day Ago

January 19, 2023

ရော်နယ်ဒို ဦးဆောင်မည့်အသင်းနှင့် ခြေစမ်းမည့် PSG အသင်း ကာတာတွင်လေ့ကျင့်

ဘောလုံးပရိသတ်အများစု မျှော်လင့်စောင့်စားနေကြတဲ့ မက်ဆီ-ရော်နယ်ဒိုတို့အကြား ချစ်ကြည်ရေးခြေစမ်းပွဲစဉ်မတိုင်ခင် ကြိုတင်ပြင်ဆင်မှုအဖြစ် ဇန်နဝါရီ ၁၈ ရက်မှာ PSG အသင်းက လေ့ကျင့်ခန်းအစီအစဉ်တရပ် ပြုလုပ်ခဲ့ပါတယ်။

ဒီလိုကြိုတင်ပြင်ဆင်မှုကို မက်ဆီပါဝင်တဲ့ ပီအက်စ်ဂျီအသင်းက ကာတာနိုင်ငံ ဒိုဟာမြို့မှာ ပြုလုပ်ခဲ့တာဖြစ်ပြီး ခြေစမ်းပွဲစဉ်ကိုတော့ လာမယ့်ကြာသပတေးနေ့မှာ ဆော်ဒီအာရေဗျနိုင်ငံမှာ ယှဉ်ပြိုင်ကစားဖို့ ရှိနေပါတယ်။

တဖက်မှာလည်း အယ်လ်နက်စ်ဆာအသင်းနဲ့ အယ်လ်ဟလာအသင်းက ကစားသမားတွေ ပါဝင်မယ့် ရီရက်တ် ST XI အသင်းမှာ ရော်နယ်ဒိုက အသင်းခေါင်းဆောင်အဖြစ် တာဝန်ယူသွားမှာပါ။

ဆော်ဒီအာရေဗျလိဂ်ရဲ့ အယ်လ်နက်စ်ဆာအသင်းက ရော်နယ်ဒိုကို ငွေကြေး အမြောက်အမြားနဲ့ ခေါ်ယူခဲ့ပြီးတဲ့နောက် ဒါဟာ မက်ဆီနဲ့ ရော်နယ်ဒိုတို့အကြား အားပြိုင်မှု ပြန်ဖြစ်လာမှာပါ။

ရော်နယ်ဒိုရဲ့ စာချုပ်တန်ဖိုးဟာ တနှစ်ကို ယူရိုငွေ သန်း ၂၀၀ ကျော်အထိ ရှိမယ်လို့ မီဒီယာတွေက ခန့်မှန်းထားပါတယ်။

ဘောလုံးလောက ငွေကြေးဆိုင်ရာကျွမ်းကျင်သူ နေးလ်ဂျွိုက်စ်ကလည်း ဒီအပြောင်းအရွှေ့ကြောင့် ရော်နယ်ဒိုရဲ့ အသင်းသစ်နဲ့ ဆော်ဒီအာရေဗျနိုင်ငံအတွက် ငွေကြေးပွပေါက်တိုးမှုတရပ်ဆီ ဦးတည်နေတယ်လို့ ဇန်နဝါရီ ၁၈ ရက်က မှတ်ချက်ပြု ပြောဆိုပါတယ်။

ဒီအပြောင်းအရွှေ့ကို ကြေညာပြီးကတည်းက ပေါ်တူဂီ ဘောလုံးအကျော်အမော်ရဲ့ ပထမဆုံး ဘောလုံးပွဲစဉ်အတွင်း မက်ဆီနဲ့ ထိပ်တိုက်ရင်ဆိုင်ရမှာပါ။

“ရော်နယ်ဒိုရဲ့ အကျိုးသက်ရောက်မှုက ဒီဧရိယာမှာ ရှိနေမှာဖြစ်သလို အဲ့ဒီဒေသမှာလည်း ကမ္ဘာ့ဖလားပြိုင်ပွဲအရ အောင်မြင်မှု ရရှိခဲ့ပြီးပါပြီ။ ဒါဟာ ရော်နယ်ဒိုအတွက် အများကြီး အဓိပ္ပာယ်ရှိတယ်လို့ ကျနော့်အနေနဲ့ ယူဆပြီး ဒီအပြောင်းအရွှေ့တန်ဖိုးဟာ မဝေးတော့တဲ့ အနာဂတ်ကို ယူဆောင်လာဖို့ရှိပါတယ်။ လူသိထင်ရှားတဲ့ ဘောလုံးကစားသမားတွေအနေနဲ့ သူတို့ရဲ့ ကစားသမားဘဝ နှောင်းပိုင်းတွေမှာ ဆော်ဒီအာရေဗျနိုင်ငံကို ဆက်တိုက်ပြောင်းရွှေ့ ကစားလာတာ မြင်ရဖို့ရှိတယ်” လို့ နေးလ်ဂျွိုက်စ်က ပြောခဲ့တာပါ။

ရော်နယ်ဒိုကို မက်လုံးတွေနဲ့ ဆွဲဆောင်နေချိန်မှာပဲ ဆော်ဒီအာရေဗျနိုင်ငံက ခရီးသွားလာမှုဆိုင်ရာ သံတမန်အဖြစ် မက်ဆီကို ခန့်အပ်ခဲ့ပါတယ်။

2 weeks Ago
More News
Up