မက္ကဆီကိုသမ္မတ

A d v e r t i s e m e n t With Us

January 5, 2021

ဝီကီလိခ် တည်ထောင်သူအား နိုင်ငံရေး ခိုလှုံခွင့်ပေးမည်ဟု မက္ကဆီကိုသမ္မတ ပြော

ဝီကီလိခ် တည်ထောင်သူ ဂျူလီယန်အက်ဆန်ကို နိုင်ငံရေးခိုလှုံခွင့်ပေးဖို့ အသင့်ရှိတယ်လို့ မက္ကဆီကိုသမ္မတ လိုပက်ဇ်အော်ဘရေဒိုက ဇန်နဝါရီ ၄ ရက်မှာ ပြောပါတယ်။  ဒါ့အပြင် အက်ဆန်ကို အမေရိကန်ဆီ လွှဲမပေးတဲ့ ဗြိတိန်တရားသူကြီး ဆုံးဖြတ်ချက်ကို ထောက်ခံတယ်လို့ သူက ဆိုပါတယ်။  မစ္စတာအာဆန်ကို လွှတ်ပြီး မက္ကဆီကိုမှာ နိုင်ငံရေး ခိုလှုံခွင့်ပေးလို့ ရ၊ မရ ဗြိတိန်အစိုးရကို မေးမြန်းသွားမယ်လို့ ပုံမှန်သတင်းစာရှင်းလင်းပွဲအတွင်း သမ္မတ အော်ဘရေဒိုက ပြောခဲ့တာပါ။  လွန်ခဲ့တဲ့ တစ်နှစ်ကလည်း အာဆန်ကို လွှတ်ပေးဖို့ ဗြိတိန်အစိုးရကို အော်ဘရေဒိုက တိုက်တွန်းခဲ့ပြီး ဝီကီလိခ်အထောက်အထားတွေက ကမ္ဘာ့အာဏာရှင်တွေရဲ့ လုပ်ရပ်တွေကို ပြသတယ်လို့ သူက ပြောဆိုခဲ့ပါတယ်။
2 months Ago

July 24, 2020

မက္ကဆီကိုသမ္မတ၏ ဇိမ်ခံဂျက်လေယာဉ် ရောင်းမထွက်

မက္ကဆီကိုသမ္မတလိုက်ပါစီးနင်းဖို့ထားတဲ့  ဇိမ်ခံဂျက်လေယာဉ်ကို အမေရိကန်မှာ  ရောင်းဖို့ ဝယ်သူရှာ ခိုင်းထားတာ တနှစ်ခွဲပြည့်ခဲ့ပေမဲ့ ရောင်းမထွက်သေးပါဘူး။ မက္ကဆီကိုသမ္မတ လိုပက်ဇ်အိုဘရာဒေါရဲ့အစီအစဉ်နဲ့ ဒီလေယာဉ်ကို အမေရိကန် ပြည်ထောင်စုကိုပို့ထားတာ ဝယ်သူရှာမတွေ့ဘဲ အခုတော့ မက္ကဆီကို ကို ပြန်ရောက်လာတော့မယ် လို့ သမ္မတက ဇူလိုင်လ ၂၂ ရက်မှာ ပြောပါတယ်။ မက္ကဆီကိုအစိုးရဟာ အဲဒီ Boeing 787 Dreamliner ဂျက်လေယာဉ်ကို ရောင်းဖို့ ကြိုးစားနေတာကြာပါပြီ။  လက်ဝဲသမ္မတ အိုဘရာဒေါကလည်း လူဦးရေရဲ့ ထက်ဝက်လောက် ဆင်းရဲတွင်းထဲ ရောက်နေချိန်မှာ  အရင်အစိုးရတွေရဲ့ ခြစားမှုနဲ့အလွန်အကျွံပိုကဲမှုတွေကို လျှော့ချ ဖြတ်တောက် ချင်နေတာပါ။ သမ္မတတွေလိုက်ပါ စီးနင်းခွင့်ရတဲ့ ဇိမ်ခံဂျက်လေယာဉ်ကို ၂၀၁၂ မှာ သမ္မတဟောင်း အန်ဒရေပေနာနေတို လက်ထက်က ဝယ်ယူခဲ့ပြီး တန်ဖိုးဒေါ်လာ သန်း ၁၃၀ ရှိတယ်လို့ ရိုက်တာသတင်းဌာနက ဖော်ပြပါတယ်။
7 months Ago
More News
Up