ဘေးလွတ်ရာရွှေ့ပြောင်း

August 17, 2020

အမေရိကန်ပြည်နယ်နှစ်ခုအကြား တောမီးလောင်ပြီး ဒေသခံများကို ဘေးလွတ်ရာရွှေ့ပြောင်း

အမေရိကန်နိုင်ငံ ကယ်လီဖိုးနီးယားပြည်နယ်နဲ့ နီဗားဒါးပြည်နယ်ကြား နယ်စပ်နားမှာ တောမီး အကြီးအကျယ်လောင်နေလို့ သြဂုတ်လ ၁၅ ရက်မှာ မီးသတ်သမားတွေက လူတွေကို ဘေးလွတ်ရာ  ရွှေ့ပေးခဲ့ရပါတယ်။ မီးလေပွေတွေ ဖြစ်နိုင်တယ်လို့ အာဏာပိုင်တွေက သတိပေးခဲ့ပြီး ကယ်လီဖိုးနီးယား မြောက်ပိုင်းက ပလူမတ်စ်နဲ့လက်ဆန်မြို့နယ်တွေကို ဘေးကင်းရာ ရွှေ့ပေးဖို့ အမိန့်ထုတ်ခဲ့တာပါ။ “ဆိုးရွားတဲ့ မီးဘေးအခြေအနေက ဒီညနေထိ ဆက်ရှိနေနိုင်တယ်။ တောမီးလောင်ချိန် လေဆင်နှာမောင်း တိုက်လို့ အခြေအနေပေါင်းပြီး မီးဆင်နှာမောင်းအသစ်တွေ တနာရီ မိုင် ၆၀နှုန်း အားပြင်းတဲ့လေပြင်းတွေ ဆက်ပြီး တိုက်ခတ်နိုင်တယ်”လို့ အမျိုးသားမိုးလေဝသဌာနက ပြောပါတယ်။ ဒါကြောင့် မီးငြှိမ်းသတ်သူတွေအနေနဲ့  အလွန်အမင်း သတိထားသင့်တယ်လို့လည်း တွစ်တာ လူမှုကွန်ရက်ပေါ်မှာ ရေးပါတယ်။ တောမီးဟာ ဧက ၂၀၀၀၀ ဝန်းကျင်လောက်ကို လောင်ကျွမ်းခဲ့ပြီး ဇူလိုင်လ ၁၅ ရက်ညနေမှာ မီးလောင်မှုရဲ့ ၅ ရာခိုင်နှုန်းကိုသာ ထိန်းနိုင်သေးတယ်လို့ ဒေသခံမီဒီယာတွေက ရေးပါတယ်။
1 year Ago

May 20, 2020

အမ်ဖမ် စူပါဆိုင်ကလုန်းမုန်တိုင်း ရှောင်ရန် အိန္ဒိယ ဒေသခံ ၁ သိန်းကျော် ဘေးလွတ်ရာရွှေ့ပြောင်း

ဆိုင်ကလုန်း အမ်ဖန်ဟာ နောက်နာရီအနည်းငယ်အတွင်း အိန္ဒိယနိုင်ငံ အနောက်ဘန်ဂေါ ပြည်နယ်နဲ့ ဘင်္ဂလားဒေ့ရှ်နိုင်ငံအကြားကို ဖြတ်ကျော် ဝင်ရောက်မယ်လို့ Business Standard သတင်းက ဖော်ပြပါတယ်။  အင်မတန် ပြင်းထန်တဲ့ စူပါဆိုင်ကလုန်းမုန်တိုင်း အမ်ဖန်ဟာ လေတိုက်နှုန်း တစ်နာရီ ၁၈၅ ကီလိုမီတာအထိ တိုက်ခတ်နိုင်တယ်လို့ သိရပါတယ်။ အမ်ဖန်ဟာ ၁၉၉၉ သြရိဿ ဆိုင်ကလုန်းနောက်ပိုင်း အားအပြင်းဆုံးနဲ့ ပထမဆုံးသော စူပါဆိုင်ကလုန်းဖြစ်တယ်လို့ အိန္ဒိယ မိုးလေဝသဌာန အကြီးအကဲက ပြောဆိုပါတယ်။ ဒါကြောင့် သြရိဿပြည်နယ်မှာ မုန်တိုင်းရှောင်စခန်း ၁,၇၀၀ ကျော် ဖွင့်လှစ်ပြီး ဒေသခံ ၁၁၀,၀၀၀ ကျော်ကို ဘေးလွတ်ရာ ပြောင်းရွှေ့ထားပါတယ်။ မေ ၁၉ ရက်က အိန္ဒိယအာဏာပိုင်တွေဟာ သိန်းနဲ့ချီတဲ့ ရွာသားတွေကို ကမ်းရိုးတန်းတွေကနေ ဝေးရာ ပြောင်းရွှေ့ပေးခဲ့ပါတယ်။ သြရိဿနဲ့ အနောက်ဘန်ဂေါပြည်နယ်တွေမှာ အာဏာပိုင်တွေက မိသားစုဝင်တွေကို  မုန်တိုင်းရှောင်စခန်းတွေ ပို့ဆောင်ပေးခဲ့ပါတယ်။   ဟာရီကိန်း အဆင့် ၅ နဲ့ ညီမျှတဲ့  ဆိုင်ကလုန်း အမ်ဖန်ဟာ မေ ၂၀ ရက်နှောင်းပိုင်းမှာ ကမ်းရိုးတန်းကို ဝင်ရောက်ဖွယ်ရှိပါတယ်။
2 years Ago
Up