ဘေးကင်းရာ ရွှေ့ပြောင်

A d v e r t i s e m e n t With Us

December 30, 2019

အပူချိန်မြင့်တက်မှုနှင့်လေပြင်းကြောင့် သြစတြေးလျ ချုံပုတ်မီး ပိုမိုလောင်ကျွမ်

သြစတြေးလျနိုင်ငံ ဗစ်တိုးရီးယား ပြည်နယ်တလွှား အပူချိန်မြင့်တက်မှုနဲ့ လေပြင်းကြောင့် အကြီးအကျယ် လောင်နေတဲ့ ချုံပုတ်မီးတွေ ပိုမိုလောင်ကျွမ်းနေပြီး ထောင်ချီတဲ့ ဒေသခံတွေနဲ့ ကမ္ဘာလှည့်ခရီးသည်တွေ ဘေးကင်းရာ ရွှေ့ပြောင်းကြဖို့ သက်ဆိုင်ရာက တိုက်တွန်းထားပါတယ်။ မဲလ်ဘုန်းမြို့မှာ အပူချိန်က ၄၀ ဒီဂရီ ဆဲလ်စီးယပ်စ်ရှိနေလို့ ဘယ်လ်ဂျီယံနိုင်ငံ တဝက်လောက် အကျယ်အဝန်းရှိတဲ့ အိစ် ဂစ်ပ်စ်လန်းဒေသကို စွန့်ခွာဖို့ အာဏာပိုင်တွေက ကမ္ဘာလှည့်ခရီးသည် အယောက် ၃ သောင်းလောက်ကို တိုက်တွန်းခဲ့ပါတယ်။ အစွန်းရောက် မီးဘေးနဲ့ မီးတိုင်ကြီးတွေကြောင့် နဂိုတည်းက အန္တရာယ်ရှိတဲ့ ရာသီဥတု စနစ်ကို မီးထိုးပေးသလို ဖြစ်နေတယ်လို့ ဗစ်တိုးရီးယားပြည်နယ် အရေးပေါ် စီမံရေး ကော်မရှင်နာ မင်းကြီး အန်ဒရူးခရစ်က ပြောပါတယ်။ မီးဘေးကြောင့် ဒေသတွင်းက အဓိကလမ်းမကြီးတခုဖြစ်တဲ့ Princes Highway ကို ပိတ်ရလိမ့်မယ်လို့ သူက ပြောပါတယ်။ မီးဘေးသတိပေးချက်ကို သြစတြေးလျ အနောက်ပိုင်း ပြည်နယ်ကနေ တောင်ပိုင်းပြည်နယ်နဲ့ တက်စ်မေးနီးယားကျွန်းထိ ကျယ်ကျယ်ပြန့်ပြန့် ထုတ်ပြန်ထားရပါတယ်? ဒါဟာ မှတ်တမ်းတင်ထားသမျှအတွင်း အခက်ခဲဆုံး မီးဘေးသင့် ရာသီတွေထဲက တခု ဖြစ်ခဲ့တာပါ။ မီးကြောင့် လတ်တလော သီတင်းပတ်တွေမှာ သြစတြေးလျ နိုင်ငံတလွှား ဧက ဆယ်သန်းနီးပါး လောင်ကျွမ်းခဲ့ပြီး လူ ၈ ယောက် သေဆုံးခဲ့ပါတယ်။
1 year Ago
Up