ဘော်ဒါဆောင်

A d v e r t i s e m e n t With Us

July 19, 2020

ဘော်ဒါဆောင်များ မဖွင့်သေး၍ မင်းကင်းမြို့ပေါ် ပညာသင်မည့် နယ်ကျောင်းသား/သူများ အခက်ကြုံ

စစ်ကိုင်းတိုင်း​ဒေသကြီး၊ က​လေးခရိုင် မင်းကင်းမြို့​ပေါ်မှာ ကျေးလက်ဒေသကနေ  အ​ခြေခံပညာအထက်တန်း​ လာရောက်သင်ကြားမဲ့ ကျောင်းသား/သူတွေ ဘော်ဒါဆောင်မရှိတာကြောင့် အခက်အခဲကြုံတွေ့နေတယ်လို့ သိရပါတယ်။ ကိုဗစ်-၁၉ ကပ်ရောဂါကြောင့် ဒီနှစ်မှာ​တော့ ပြီးခဲ့တဲ့နှစ်တွေကလို ​​ဘော်ဒါ​ဆောင်​တွေကို ဖွင့်ခွင့်မ​ပေး​​​သေးတာကြောင့် နယ်က(​ကျေးလက်​ဒေသ) လာ​ရောက်ပညာသင်ယူကြတဲ့ ​ကျောင်းသား/သူ​တွေဟာ လမ်းပန်းဆက်သွယ်​ရေးခက်ခဲတာအပြင် ​နေ့ချင်းပြန်တက်​ရောက်ဖို့လည်း အဆင်မ​ပြေကြတာကြောင့် အခက်အခဲဖြစ်​နေကြတာပါ။ ​မင်းကင်းမြို့မှာ တည်းခိုစရာ အ​ဆောင်သီးသန့်မရှိတာရယ်နဲ့ တည်းခိုစရာအဖြစ် အသုံးပြု​နေရတဲ့ ​ဘော်ဒါ​ဆောင်​တွေကလည်း ပိတ်ထားတာကြောင့် အခက်အခဲ ကြုံနေတာလို့ မင်းကင်းမြို့ခံ ဦးစိုးလင်း​မောင်က ပြောပါတယ်။ “အဲဒီတခုကို တာဝန်ရှိတဲ့သူ​တွေက ကိုဗစ်-၁၉ နဲ့ပတ်သက်တာဖြစ်တဲ့အတွက် ​ဟိုတယ်-အင်း ​တွေမှာ ​ဖြေ​လျော့သလိုမျိုး ​​ဘော်ဒါ​ဆောင်​တွေကိုလည်း WHO က သတ်မှတ်ချက်​တွေ၊ မြန်မာနိုင်ငံ အားကစားနဲ့ကျန်းမာ​ရေးဝန်ကြီးဌာနက သတ်မှတ်ချက်​တွေအတိုင်း လိုက်နာပြီး ဖွင့်ခွင့်​ပေးလိုက်မယ်ဆိုရင် မင်းကင်းမှာရှိတဲ့ ​ကျောင်းသား​ကျောင်းသူ​တွေအတွက် အားလုံးအဆင်​ပြေမယ်" လို့ ​ပြောပါတယ်။ မင်းကင်းမြို့ (အထက) မှာ ​ကျောင်းသား ၁၀၀၀ ​ကျော်ရှိ​ပေမဲ့ မြို့​ပေါ်က ၁၀၀ ​ကျော်သာရှိပြီး နယ်​ဒေသ​တွေက ၉၀၀ ​ကျော်​လောက်ရှိတယ်လို့ သိရပါတယ်။
8 months Ago

December 16, 2019

စစ်ဘေးသင့် ကလေးများအတွက် ဖွင့်ထားသည့် ပန်းပျိုးလက် ဘော်ဒါဆောင် အကူအညီ လိုအပ်နေ 

စစ်ဘေးစစ်ဒဏ်သင့်လို့ ဆင်းရဲဒုက္ခရောက်နေတဲ့ လူမျိုးပေါင်းစုံ ကလေးငယ်တွေ ပညာသင်ကြားနိုင်ဖို့ ဖွင့်လှစ်ထားတဲ့  ရှမ်းပြည်နယ်၊ ဆီဆိုင်မြို့နယ်၊ နောင်ထောဝ်ဒေသက ပန်းပျိုးလက် ပရဟိတဘော်ဒါဆောင်မှာ စားနပ်ရိက္ခာတွေ အရေးပေါ် အကူအညီ လိုအပ်နေပါတယ်။ အစိုးရ ထောက်ပံ့မှုမရှိတဲ့ နောင်ထောဝ် ပန်းပျိုးလက် ပရဟိတဘော်ဒါဆောင်ဟာ ကလေးတွေ ပိုမိုများပြားလာတာကြောင့် နေ့စဉ် အစားအသောက်အတွက် အခက်အခဲ ကြုံနေရတာလို့  ဘော်ဒါဆောင် တာဝန်ခံ ဒေါ်အေးမိက ပြောပါတယ်။ ပြည်တွင်း ပြည်ပက အန်ဂျီအိုနဲ့ အိုင်အန်ဂျီအိုတွေကလည်း လာရောက်ကူညီထောက်ပံ့မှု မရှိသလို အစိုးရဘက်က ကူညီပေးမှုလည်း မရှိတဲ့အတွက် ငွေရေးကြေးရေး မပြည့်စုံတာ၊ ကလေးတွေ များလာတဲ့အတွက် နေရာထိုင်ခင်း လုံလောက်မှုမရှိတာနဲ့ အစားအသောက် ခက်ခဲတာတွေ ကြုံတွေ့နေရတယ်လို့ ဆိုပါတယ်။  ရှမ်း-ကယား နယ်စပ် ပွန်ချောင်းအရှေ့ဘက်ရှိ မောက်မယ်မြို့နယ်အတွင်း စစ်ဘေးဒဏ်သင့် ကလေးငယ်တွေ ပညာသင်ကြားနိုင်ဖို့အတွက် ငြိမ်းချမ်းရေးယူထားတဲ့ ရှမ်းပြည်လူမျိုးပေါင်းစုံလွတ်မြောက်ရေးအဖွဲ့ (ရလလဖ)က ၂၀၁၂ ခုနှစ်စပြီး ပန်းပျိုးလက် ပရဟိတ ဘော်ဒါဆောင်ကို တည်ထောင်တာ ဖြစ်ပါတယ်။ ဘော်ဒါဆောင် စတင်တည်ထောင်စဉ်ကတည်းက ဆရာတော် ဦးသုမင်္ဂလ(ဒယ်အိုးဆရာတော်)က ပုံမှန် လစဉ်ထောက်ပံ့ပေးမှုအပါအဝင် စေတနာရှင်တချို့ဆီက ရတဲ့ အကူအညီတွေနဲ့ ဆက်လက်ရပ်တည်နေရပေမယ့် လုံလောက်မှု မရှိတော့ဘူးလို့ သိရပါတယ်။ လက်ရှိ ဘော်ဒါဆောင်အတွင်းမှာ ညစာကျက်ဝိုင်းသာရှိပြီး အတန်းကျောင်းကိုတော့ နောင်ထောဝ် အထက်တန်းကျောင်းမှာ သွားရောက်ပညာသင်ယူနေရတာပါ။ ဘော်ဒါ စတင်တည်ထောင်စဉ်က ကလေး ၁၀ ယောက်ကျော်သာ ရှိခဲ့ပေမယ့် တနှစ်ထက် တနှစ် တိုးလာကာ အခုဆိုရင် ကျောင်းသူ ကျောင်းသားပေါင်း  ၁၂၀ ကျော်ရှိနေပြီ ဖြစ်ပါတယ်။ ခွန်ရာဇာ
1 year Ago
Up