ဘုရားကျောင်း

December 21, 2020

ရန်ကုန်ရှိ ဘုရားကျောင်းများတွင် ခရစ္စမတ်အခါသမယ ကြိုဆိုနေမှု မြင်ကွင်းများ

ရန်ကုန်တိုင်းဒေသကြီးရှိ ခရစ်ယာန် ဘုရားကျောင်းတွေမှာ လာမယ့် ဒီဇင်ဘာ ၂၅ ရက်နေ့ ကျရောက်မယ့်၀ ခရစ္စမတ်အခါသမယကို ကြိုဆိုတဲ့အနေနဲ့ ဘုရားကျောင်းမျက်နှာစာတွေ၊ သစ်ပင်တွေမှာ မီးအလှတွေနဲ့ ပြင်ဆင်ပြီး ကြိုဆိုနေကြပါတယ်။ လက်ရှိကျရောက်မယ့် ခရစ္စမတ်အခါသမယဟာ ကိုဗစ် ရောဂါဖြစ်ပွားနေတဲ့ ကာလဖြစ်တဲ့အတွက်မြန်မာနိုင်ငံ၊ ကမ္ဘာနဲ့အဝှမ်းမှာ ထူးထူးခြားခြားဖြတ်သန်းကြရမှာလည်း ဖြစ်ပါတယ်။ Photo - Ye Myo Khant / MPA
5 months Ago

July 29, 2020

ရှမ်းပြည်နယ်ရှိ ဘုရားကျောင်းများတွင် ဘုရားဝတ်ပြုခွင့် ပြန်လည်ပိတ်သိမ်း

ရှမ်းပြည်နယ်မှာ ဇူလိုင်လ ၂၄ ရက်က ဖွင့်ခွင့်ပြုလိုက်တဲ့ ဗုဒ္ဓဘာသာ၊ ခရစ်ယာန်ဘာသာ၊ အစ္စလာမ်ဘာသာနဲ့ ဟိန္ဒူဘာသာတွေရဲ့ ဘုရားကျောင်းတွေ၊ စေတီတွေမှာ ဘုရားဝတ်ပြုခွင့်ကို ဇူလိုင် ၂၈ ရက်က ပြန်လည်ပိတ်သိမ်းလိုက်ပါတယ်။ ဘာသာရေးဆိုင်ရာအဆောက်အဦတွေမှာ ကျန်းမာရေး နဲ့အညီ ရှမ်းပြည်နယ် ကိုဗစ်-၁၉ ကော်မတီက စိစစ်ဆောင်ရွက်ရမယ့်အနေအထားရှိလို့ ဗဟိုရဲ့ညွန်ကြားချက်နဲ့ ပြန်ပိတ်လိုက်တာ ဖြစ်ပါတယ်။ တောင်ကြီး ခရိုင်အထွေထွေအုပ်ချုပ်ရေးမှူး ဦးကိုကိုလွင် က “ ကိုဗစ်ညွှန်ကြားချက်နဲ့အညီ စိစစ်ဆောင်ရွက်ပြီးဖွင့်ဖို့ ဆက်လက်ဆောင်ရွက်မှာဖြစ်ပါတယ်။ လောလောဆယ် မစိစစ်ခင်မှာ ဖွင့်ထားတဲ့ ဘုရားပုထိုးတွေကို ယာယီရပ်ဆိုင်းထားတဲ့ သဘောပါ”လို့ ပြောပါတယ်။ ဘုရားကျောင်းတွေပြန်ပြီး ပိတ်သိမ်းဖို့ ရှမ်းပြည်နယ် အစိုးရအဖွဲ့က ဒီကနေ့ ညွှန်ကြားစာထုတ်ပြန်လိုက်ပါတယ်။ ရှမ်းပြည်နယ်အစိုးရအဖွဲ့ ဗမာတိုင်းရင်းသားလူမျိုးရေးရာ ဒေါက်တာအောင်သန်းမောင်က "ဘုရားကျောင်းကန်တွေမှာ သတ်မှတ်တဲ့ စည်းကမ်းမလိုက်နာတာမဟုတ်ဘူး။ တကယ်လိုက်နာ ကြတယ်။ လူတွေအရမ်းမွန်းကြပ်နေလို့ ဆရာတို့ဖွင့်ပေးလိုက်တာ။ ဒီနေ့ပြန်ပိတ်လိုက်ပြီ။ အစိုးရ ကက်ဘိနက်အစည်းအဝေးဆုံးဖြတ်ချက်အရ ပြန်ပိတ်လိုက်တာပါ။" လို့ ပြောပါတယ်။ ဇူလိုင် ၂၄ ရက်နေ့က ဖွင့်ခွင့်ပြုဖို့ ညွှန်ကြားချက်ထုတ်ပြန်ပြီး တချို့ဘုရားကျောင်းကန် စေတီပုထိုးတွေဖွင့်တာရှိသလို မဖွင့်နိုင်သေးတဲ့ နေရာတွေလည်းရှိပါတယ်။ သတင်း- ခွန်ရာဇာ
9 months Ago
Up