ဘုန်းမောက်

August 31, 2022

နည်းပြစကော့ပါကားကို ထုတ်ပယ်လိုက်သည့် ဘုန်းမောက်အသင်းပိုင်ရှင်ကို ကလော့ပ်ဝေဖန်

နည်းပြစကော့ပါကားကို ထုတ်ပယ်ခဲ့တဲ့ ဘုန်းမောက်အသင်းပိုင်ရှင်ကို လီဗာပူးနည်းပြ ယာဂန်ကလော့ပ်က ဝေဖန်သွားပါတယ်။

လီဗာပူးအသင်းဟာ စနေနေ့က ကစားခဲ့တဲ့ ပရီးမီးယားလိဂ်ပွဲစဉ်မှာ ဘုန်းမောက်အသင်းကို ၉ ဂိုး ဂိုးမရှိနဲ့ အနိုင်ယူခဲ့တာပါ။

အဲဒီပွဲစဉ်အပြီး ဘုန်းမောက်နည်းပြ စကော့ပါကားကို အသင်းတာဝန်ရှိသူတွေက ရာထူးကနေ ထုတ်ပယ်ခဲ့တာပါ။

အဲဒီအပေါ်မှာ နည်းပြကလော့ပ်က ဝေဖန်သွားခဲ့ပြီး စကော့ပါကား ထုတ်ပယ်ခံရတဲ့သတင်း ကြားအပြီးမှာ မှန်ကန်တဲ့ အသင်းပိုင်ရှင်တွေရှိဖို့ လိုအပ်နေတယ်ဆိုတာကို သိမြင်လာခဲ့ကြောင်း ကလော့ပ်က ပြောပါတယ်။

နော်တင်ဟမ်ဖောရက်နဲ့ ဖူဟမ်တို့လို တခြားတန်းတက်အသင်းတွေက ငွေကြေးအများအပြား အသုံးပြုနေချိန်မှာ ဘုန်းမောက်အသင်းက ငွေကြေးသုံးစွဲမှု သိပ်မရှိတာဟာ နည်းပြတဦးအတွက် ခက်ခဲမှာဖြစ်ပြီး စကော့ပါကားအတွက် စိတ်မကောင်းဖြစ်မိကြောင်း နည်းပြကလော့ပ်က ပြောသွားပါတယ်။

အင်္ဂလန်ကွင်းလယ်လူဟောင်း ပါကားဟာ ဖူဟမ်အသင်းကိုလည်း ကိုင်တွယ်ဖူးပြီး ၂၀၂၁ ခုနှစ် ဇွန်လကမှ ဘုန်းမောက်ကို စတင်တာဝန်ယူခဲ့တာ ဖြစ်ပါတယ်။

3 months Ago

April 21, 2022

ဖူဟမ်အသင်း ပရီးမီးယားလိဂ် တန်းတက်ခွင့်ရရှိ

ဖူဟမ်အသင်းဟာ ချန်ပီယံရှစ်ပြိုင်ပွဲပြီးဆုံးဖို့ ၄ ပွဲအလိုမှာကတည်းက ပရီးမီးယားလိဂ်ကို တန်းတက်ကစားခွင့် ပြန်လည်ရရှိသွားပါတယ်။

မနေ့ညက ကစားခဲ့တဲ့ ပရက်စတန်နဲ့ပွဲစဉ်မှာ ဖူဟမ်အသင်းက ၃ ဂိုး ဂိုးမရှိနဲ့ အနိုင်ရခဲ့ပြီးနောက် လက်ကျန် ၄ ပွဲအလိုမှာပဲ တန်းတက်ဖို့ သေချာသွားခဲ့တာပါ။

ဖူဟမ်အသင်းဟာ ပွဲစဉ် ၄၂ ပွဲ ကစားအပြီးမှာ ၂၆ ပွဲနိုင်၊ ၈ ပွဲသရေ၊ ၈ ပွဲရှုံးထားပြီး စုစုပေါင်း ရမှတ် ၈၆ မှတ် ရရှိထားပါတယ်။

ဒုတိယနေရာက ဘုန်းမောက်အသင်းကို ၉ မှတ်ဖြတ်ထားသလို တတိယနေရာက ဟတ်ဒါဖီးလ်ကိုလည်း ၁၃ မှတ်အထိ ဖြတ်ထားနိုင်ခဲ့လို့ တန်းတက်ခွင့်ရဖို့အတွက် သေချာသွားခဲ့တာပါ။

ဖူဟမ်အသင်းဟာ ချန်ပီယံဖြစ်ဖို့လည်း အခြေအနေကောင်းနေပြီး လက်ကျန် ၄ ပွဲမှာ အနည်းဆုံး ၂ ပွဲနိုင်ရုံနဲ့ ချန်ပီယံဖြစ်ဖို့ သေချာသွားမှာပါ။

ပြီးခဲ့တဲ့ရာသီက ပရီးမီးယားလိဂ်မှာ အဆင့် ၁၈ ရခဲ့လို့ တန်းဆင်းခဲ့ရတဲ့ ဖူဟမ်အသင်းဟာ တရာသီအတွင်းမှာပဲ တန်းတက်နိုင်ခဲ့တာပါ။

ပရက်စတန်နဲ့ပွဲမှာ ၂ ဂိုးသွင်းခဲ့တဲ့ တိုက်စစ်မှူး မီထရိုဗစ်ဟာ တရာသီအတွင်းမှာ သွင်းဂိုး စုစုပေါင်း ၄၀ ပြည့်သွားခဲ့ပြီး ချန်ပီယံရှစ် ဂိုးသွင်းအများဆုံးစာရင်းမှာ ထိပ်ဆုံးကနေ ရပ်တည်နေပါတယ်။

ဒုတိယနေရာက ဘုန်းမောက်တိုက်စစ်မှူး ဆိုလန်ကီက ၂၆ ဂိုးသာရှိလို့ တိုက်စစ်မှူး မီထရိုဗစ်က ဂိုးသွင်းအများဆုံး ကစားသမားဆု ရဖို့လည်း သေချာသလောက် ရှိနေပါတယ်။

8 months Ago
More News
Up