ဘီးလင်းတွင်

November 12, 2017

ဘီးလင်းတွင် တပ်မတော်ယာဉ်နှင့် အိမ်စီးကားတိုက်မိ၊ ၂ ဦး သေဆုံး

မွန်ပြည်နယ်၊ ဘီးလင်းမြို့နယ်၊ ကျောက်ရေတွင်းကျေးရွာ၊ နောင်ရိုးကြံစိုက်ခင်းအရှေ့၊ ရန်ကုန်-မော်လမြိုင်ကားလမ်းမကြီးပေါ်မှာ နိုဝင်ဘာ ၁၁ ရက်နေ့၊ ညပိုင်းက တပ်မတော်ယာဉ်တစီးနဲ့ အိမ်စီးကားတစီး တိုက်မိရာ ၂ ဦး သေဆုံးပြီး ၄ ဦး ဒဏ်ရာရတယ်လို့ ဘီးလင်းမြို့မရဲစခန်းက ပြောပါတယ်။ ဖြစ်စဉ်မှာ ယဉ်မောင်း အောင်မင်းစိန် မောင်းနှင်လာတဲ့ Super Custom အမျိုးအစား ယာဉ်မှာ ဘီးလင်းမြို့၊ ကျောက်ရေတွင်းကျေးရွာ၊ နောင်ရိုးကြံခင်းအရှေ့၊ မိုင်တိုင်အမှတ် (၁၂၃/၂) အနီး အရောက်မှာ အရှိန်လွန်ပြီး မျက်နှာချင်းဆိုင်က ယာဉ်မောင်း ဒုတပ်ကြပ်နိုင်လင်းဦး မောင်းနှင်လာတဲ့ FOTON အမျိုးအစား၊ စစ်စိမ်းရောင်မော်တော်ယာဉ်နဲ့ ခေါင်းချင်းဆိုင် တိုက်မိခဲ့တာ ဖြစ်ပါတယ်။ ဘီးလင်းမြို့မရဲစခန်း တာဝန်ရှိသူတဦးက “စူပါကာစတန်ကားမောင်းလာတဲ့ ဒရိုင်ဘာက ကြံခင်းအရှေ့ရောက်တော့ မောင်းလာတဲ့အရှိန်ကို မထိန်းနိုင်တော့ဘဲ လမ်းဒီဘက်ကလာတဲ့ စစ်ကားကို တည့်တည့်ဝင်တိုက်တာပါ။ ၀င်တိုက်တဲ့ ကားဒရိုင်ဘာကတော့ ပွဲချင်းပြီး ဆုံးသွားတယ်။ နောက်စစ်ကားမှာ ပါလာတဲ့ ၅ ဦးထဲက တစ်ယောက်ကတော့ ဆေးရုံပေါ် ဆေးကုသရင်းနဲ့ဆုံးသွားပါတယ်။ ၂ ဦးသေဆုံးပြီး ၄ ဦးဒဏ်ရာရတာပါ “လို့ ဒီဗွီဘီကို ပြောပါတယ်။ ယာဉ်တိုက်မှုကြောင့် Super Custom ယာဉ်မောင်း အောင်မင်းစိန်ဟာ ယာဉ်ရဲ့ စီယာတိုင်နဲ့ရင်ဘတ်စောင့်ညှပ်မိပြီး အခင်းဖြစ်နေရာမှာ သေဆုံးခဲ့ကာ တပ်မတော်ပိုင်မော်တော်ယာဉ်ပေါ်ပါ တပ်ကြပ်ကြီး ခင်မောင်ထွေးကတော့ ရရှိတဲ့ဒဏ်ရာတွေနဲ့ ဆေးရုံမှာ သေဆုံးခဲ့တာဖြစ်ပါတယ်။ ဒါ့အပြင် တပ်မတော်သား ၄ ဦးလည်း ဒဏ်ရာရရှိခဲ့လို့ ဘီးလင်းမြို့နယ်ဆေးရုံမှာ ဆေးကုသမှုခံယူနေတယ်လို့ သိရပါတယ်။ ဘီးလင်းမြို့မရဲစခန်းက ယာဉ်မောင်း အောင်မင်းစိန်ကို ယာဉ်မဆင်မခြင် မောင်းနှင်ပြီး လူသေဆုံးမှုပုဒ်မ ၃၀၄(က)၊ နာကျင်စေမှုပုဒ်မ ၃၃၇၊ အပြင်းအထန်နာကျင်စေမှု ၃၃၈ တို့နဲ့ အမှုဖွင့်အရေးယူ ထားတယ်လို့ သိရပါတယ်။ သတင်း-ယူမင်းစိုး ဓာတ်ပုံ-ရှင်သန်ရေးနှင့်နာရေးကူညီမှုအသင်း(ဘီးလင်းမြို့)
3 years Ago

October 15, 2017

ဘီးလင်းတွင် ယာဉ်တိုက်မှုကြောင့် ၂ ဦးသေဆုံး၊ ၉ ဦးဒဏ်ရာရ

မွန်ပြည်နယ်၊ ဘီးလင်းမြို့နယ်၊ သပြေနီကျေးရွာတံတားအနီး၊ မိုင်တိုင်အမှတ် ၁၁၇/၅ မှာ ဒီနေ့မနက် ၁၀ နာရီခွဲက ကားနဲ့ ဆိုင်ကယ် မျက်နှာချင်းဆိုင် တိုက်မိခဲ့တာကြောင့် ၂ ဦး သေဆုံးပြီး ၉ ဦး ဒဏ်ရာရရှိခဲ့တယ်လို့ သိရပါတယ်။ “လူ ၇ ယောက်ပါတဲ့ကားလေးက အရှေ့ကမောင်းနေတာကို သူ့နောက်က ခရီးသည်တင် ယာဉ်က ကျော်တက်တာ ရှေ့ကားခေါင်းပိုင်းနဲ့ မှန်လုံအနောက်ဖင်ပိုင်းချိတ်မိတာပါ။ ကားလေးမောင်းတဲ့ ယာဉ်မောင်းက မထိန်းနိုင်ဘဲ လမ်းတဖက်ကိုရောက်ပြီး လမ်းတဖက်ကလာတဲ့ ဆိုင်ကယ်နှစ်စီးကို ဝင်ဆောင့်တာပါ။ ဆိုင်ကယ်မောင်းတဲ့ တစ်ယောက်နဲ့ ကားလေးပေါ်က တစ်ယောက်တော့ သေဆုံးပါတယ်။ ၉ ယောက်က ဒဏ်ရာရထားပါတယ်။" လို့ ဘီလင်းမြို့ရဲစခန်း တာဝန်ရှိသူတဦးက ဒီဗွီဘီကို ပြောပါတယ်။ ဖြစ်စဉ်မှာ ဘီးလင်းမြို့မှ ရန်ကုန်ဘက် မင်းထွန်းထွန်းဦးမောင်းနှင်ပြီး ခရီးသည် ၇ ဦးလိုက်ပါလာတဲ့ နစ်ဆန်းအမျိုးအစား ယာဉ်ငယ်ကို ယာဉ်မောင်းအေးသန်း မောင်းနှင်လာတဲ့ ခရီးသည်တင်မှန်လုံယာဉ်က ကျော်တက်စဉ် ချိတ်တိုက်မိခဲ့လို့ ယာဉ်ငယ်ဟာ အရှိန်မထိန်းနိုင်တော့ဘဲ မျက်နှာချင်းဆိုင်မှ နေလင်း မောင်းနှင်ပြီး ဇင်ကိုလင်း ၂၅ နှစ် လိုက်ပါလာတဲ့ ဆိုင်ကယ်နဲ့ ဦးသန်းဦး မောင်းနှင်ပြီး ဦးနန်းဝင်းလိုက်ပါလာတဲ့ ဆိုင်ကယ်တို့အား ဝင်တိုက်မိခဲ့တာဖြစ်ပါတယ်။ ယာဉ်တိုက်မှုကြောင့် ဆိုင်ကယ်မောင်းနှင်သူ နေလင်း အခင်းဖြစ်နေရာမှာ သေဆုံးသွားခဲ့ပြီး ခရီးသည်တင် ယာဉ်ကတော့ လမ်းဝဲဘက်ချောက်အတွင်း ထိုးကျတိမ်းမှောက်ခဲ့ပြီး ယာဉ်ပေါ်ပါ ဦးသောင်းရွှေ ၇၉ နှစ် သေဆုံးခဲ့ကြောင်းသိရပါတယ်။ ဆိုင်ကယ်နှစ်စီးက လူ ၃ ဦးနဲ့ ယာဉ်ငယ်ပေါ်က ၆ ဦး ထိခိုက်ဒဏ်ရာတွေ ရခဲ့တယ်လို့ ဆိုပါတယ်။ ဖြစ်စဉ်နှင့်ပတ်သက်လို့ ယာဉ်ငယ်မောင်း မင်းထွန်းထွန်းဦးနဲ့ မှန်လုံယာဉ်မောင်း အေးသန်းတို့ ၂ ဦးကို ဘီးလင်းမြို့မရဲစခန်းက ယာဉ်(ပ)၅၄/၂၀၁၇ ၊ ရာဇသတ်ကြီးဥပဒေပုဒ်မ ၃၀၄-က/၃၃၈/၃၃၇ ဖြင့်အမှုဖွင့်ဆောင်ရွက်ထားကြောင်း ရဲမှတ်တမ်းများအရ သိရပါတယ်။ သတင်း-ယူမင်းစိုး
4 years Ago
Up