ဘီယာဆိုင်

May 21, 2020

နယူးဇီလန်တွင် ဘားနှင့်ဘီယာဆိုင်များ ပြန်ဖွင့်

COVID-19 ကပ်ဘေးကြောင့် လအနည်းငယ် ဆိုင်တွေပိတ်ထားခဲ့ပြီးနောက် မေလ ၂၁ ရက်က နယူးဇီလန်မှာ ပထမဆုံးအကြိမ် ဘားဆိုင်တွေနဲ့ ဘီယာဆိုင်တွေကို ပြန်ဖွင့်ပေးနေပါပြီ။ နိုင်ငံတွင်းမှာ ပြီးခဲ့တဲ့အပတ်ကစလို့ တခြားလုပ်ငန်းတွေ ပြန်ဖွင့်ပေးခဲ့ပေမဲ့ ၊ အရက်ရောင်း တဲ့ ဆိုင်တွေကတော့ ပိတ်ထားခဲ့ရပါသေးတယ်။ အစိုးရကလည်း တောင်ကိုရီးယားမှာလို နိုက်ကလပ်တွေကနေ ကူးစက်မှုနှုန်းမြင့်တက်မှာကို စိုးရိမ်ကြောင်း ထောက်ပြခဲ့ပါတယ်။ နယူးဇီလန်ဟာ ကိုရိုနာဗိုင်းရပ်စ်ကပ်ဘေးကို တင်းကျပ်တဲ့စည်းမျဉ်းတွေနဲ့ တိုက်ဖျက်ခဲ့လို့ ခရီးသွားလုပ်ငန်းက အထိခိုက်ဆုံး စီးပွားရေးကဏ္ဍ ဖြစ်ခဲ့ပါတယ်။ ဒီလို တင်းကျပ်တဲ့ အစီအမံတွေကြောင့်ပဲ နယူးဇီလန်ဟာ COVID-19 အတည်ပြု လူနာ ဦးရေ ၁၅၀၀ ကျော်ပဲ ရှိခဲ့သလို သေဆုံးသူကလည်း ၂၁ ဦးပဲ ရှိခဲ့တယ်လို့ ရိုက်တာ သတင်းက ဖေါ်ပြပါတယ်။

9 months Ago

March 26, 2020

1.5K

မန္တလေးတွင် ဘီယာဆိုင်အပါအဝင် စားသောက်ဆိုင်များ ပါဆယ်စနစ်ဖြင့် စတင်ရောင်းချ

မန္တလေးမြို့မှာ COVID-19 ကိုရိုနာဗိုင်းရပ်စ် ရောဂါ ကူးစက်ပြန့်ပွားမှုထိမ်းချုပ်နိုင်ဖို့အတွက် လက်ဖက်ရည်ဆိုင်တွေ၊ စားသောက်ဆိုင်တွေနဲ့ ဘီယာအရောင်းဆိုင်တွေပါမကျန် ပါဆယ်စနစ်နဲ့ ဖောက်သည်တွေကို စတင်ရောင်းချပေးနေပါတယ်။ ကိုရိုနာဗိုင်းရပ်စ်ရောဂါမကူးစက်စေဖို့ မန္တလေးတိုင်းဒေသကြီးအတွင်းရှိ စားသောက်ဆိုင်တွေ အားလုံးမှာ လူစုလူဝေးမဖြစ်စေဖို့အတွက် ပါဆယ်စနစ်နဲ့ ရောင်းချပုံ ပြောင်းပြီး ရောင်းချဖို့ မန္တလေးတိုင်းအစိုးရအဖွဲ့က ကြေညာလိုက်ပြီးနောက် ဆိုင်တွေမှာပါဆယ်စနစ်နဲ့ စတင်ရောင်းချနေတာပါ။ မတ်လ ၂၄ ရက်နေ့က မန္တလေးတိုင်းအစိုးရအဖွဲ့တာဝန်ရှိသူတွေ စားသောက်ဆိုင် လုပ်ငန်းရှင်တွေ၊ ဆန်ကုန်သည်ကြီးများအသင်းကတာဝန်ရှိသူတွေ၊ တိုင်းပြည်သူ့ကျန်းမာရေးဌာန အရာရှိတွေ၊ လွှတ်တော်ကိုယ်စားလှယ်တွေ၊ မန္တလေးတိုင်းရဲတပ်ဖွဲ့က တာဝန်ရှိသူတွေ၊ နယ်လုံဝန်ကြီးနဲ့ ခရိုင်အုပ်ချုပ်ရေးမှူးတွေ တွေ့ဆုံပြီး ကြေညာချက်ထုတ်ပြန်ခဲ့တာဖြစ်ပါတယ်။

11 months Ago