ဘီပီအိုင်စက်ရုံမှူးအမှုရုပ်သိမ်းလွှာ ပယ်ချခံရ

A d v e r t i s e m e n t With Us

October 27, 2020

Music zone KTV ဆိုင်ပိုင်ရှင်နှင့် မန်နေဂျာတို့၏ အာမခံလျှောက်ထားမှု ပယ်ချခံရ

သဘာဝဘေးအန္တရာယ်ဆိုင်ရာ စီမံခန့်ခွဲမှုဥပဒေနဲ့ ဖမ်းဆီးတရားစွဲခံထားရတဲ့ Music zone KTV ဆိုင်ပိုင်ရှင်နဲ့ မန်နေဂျာတို့ရဲ့ အာမခံလျှောက်ထားမှုကို တရားရုံးက ပယ်ချလိုက်ပါတယ်။ ကိုဗစ်ကာလမှာ အစိုးရရဲ့ထုတ်ပြန်ချက်ကိုမလိုက်နာဘဲ KTV ဆိုင်ဖွင့်ခဲ့တဲ့ သင်္ဃန်းကျွန်းမြို့နယ်က Music zone KTV ဆိုင်ပိုင်ရှင် ဦးဇော်မင်းနဲ့ ဆိုင်မန်နေဂျာတို့ကို သဘာဝဘေးအန္တရာယ်ဆိုင်ရာ စီမံခန့်ခွဲမှုဥပဒေ ပုဒ်မ ၂၅ နဲ့ တရားစွဲဆိုခဲ့ပြီးအောက်တိုဘာ ၂၇ ရက်နေ့က သင်္ဃန်းကျွန်းမြို့နယ်တရားရုံးမှာ ဒုတိယအကြိမ်ရုံးထုတ်ခဲ့ပါတယ်။ ရုံးချိန်းမှာ KTV ဆိုင်ပိုင်ရှင်နဲ့ မန်နေဂျာတို့ဘက်က အာမခံလျှောက်ထားခဲ့ပေမယ့် ရုံးတော်ကပယ်ချခဲ့တယ်လို့ စွပ်စွဲခံရသူဘက်က လိုက်ပါဆောင်ရွက်ပေးနေတဲ့ တရားလွှတ်တော် ရှေ့နေ ဦးဇော်သိန်းထွန်းက ပြောပါတယ်။ နောက်အပတ်ရုံးချိန်းကို နိုဝင်ဘာလ ၁၀ ရက်နေ့ချိန်းဆိုခဲ့ပြီး အဲ့ဒီနေ့မှာ တရားရုံးက မှုခင်းစီမံခန့်ခွဲမှုလုပ်ကာ စတင်စစ်ဆေးမှာဖြစ်ပါတယ်။ Music zone KTV ဆိုင်ပိုင်ရှင်နဲ့ မန်နေဂျာတို့ဟာ အောက်တိုဘာ ၃ ရက်နေ့က သင်္ဃန်းကျွန်းမြို့နယ်ရဲစခန်းမှာ လာရောက်အဖမ်းခံခဲ့တာပါ။  သူတို့နှစ်ဦးကို မြို့နယ်ကျန်းမာရေးဦးစီးမှူးက တရားလိုပြုလုပ်တရားစွဲဆိုထားတာလည်း ဖြစ်ပါတယ်။ အဲဒီ KTV နဲ့စပ်ဆက်ပြီး ပြည်တွင်းမှာ လူပေါင်း ၉၀ ကျော်လောက် ရောဂါကူးစက်မှု ခံခဲ့ရတာပါ။
4 months Ago

November 7, 2019

ဘီပီအိုင်စက်ရုံမှူးအမှုရုပ်သိမ်းလွှာ ပယ်ချခံရ

အဂတိလိုက်စားမှုစွပ်စွဲချက်နဲ့ ထိန်းသိမ်းခံနေရတဲ့  အင်းစိန် ဘီပီအိုင် ဆေးဝါးစက်ရုံမှူး ဒေါက်တာအောင်ဇော်တင်ထားတဲ့ အမှုရုပ်သိမ်းလွှာကို ရန်ကုန်တိုင်းတရားလွှတ်တော်က ဒီကနေ့ ပယ်ချလိုက်ပါတယ်။ ဥပဒေအကြံပေး ဦးခင်မောင်မြင့် က “ဒီကနေ့ အာမခံကိစ္စနဲ့ပတ်သက်လို့တော့ အမှုက အာမခံပေးဖို့ ခိုင်မာအောင် စစ်ဆေးရဦးမှာဖြစ်တဲ့အတွက် ပေါ်ပေါက်အောင်စစ်ဆေးပြီးမှ တရားရုံး က ဆင်ခြင်တုံတရားနဲ့ အာမခံပေးသင့် မပေးသင့် ဆုံးဖြတ်မှာဖြစ်တယ်”လို့ ပြောတယ်။  ဒေါက်တာအောင်ဇော်ရဲ့ ဆန္ဒအရ ဒေါက်တာအောင်ဇော်ဘက်က လိုက်ပါ ဆောင်ရွက်ပေးနေ တဲ့ ရှေ့နေအဖွဲ့ကလည်း အခုရုံးချိန်းမှာ ရှေ့နေပါဝါ ရုပ်သွားပြီဖြစ်ပါတယ်။ နောက်အပတ်ရုံးချိန်းတွေမှာ တခြားရှေ့နေအဖွဲ့နဲ့ ဒေါက်တာအောင်ဇော်က အမှုကို ဆက်လက်ရင်ဆိုင်မှာပါ။  ဆေးဝါးပစ္စည်းထုပ်ပိုးရာမှာ အသုံးပြုတဲ့  ကော်စေ့ ၂၆ တန်ကို လုပ်ထုံး၊ လုပ်နည်းနဲ့ မညီဘဲ ဝယ်ယူခဲ့တာဟာ နိုင်ငံဘဏ္ဍာဆုံးရှုံးတယ်ဆိုပြီး  အဂတိလိုက်စားမှုတိုက်ဖျက်ရေးကော်မရှင်က ဒေါက်တာအောင်ဇော်ကို အဂတိလိုက်စားမှုတိုက်ဖျက်ရေးဥပေဒပုဒ်မ ၅၆ နဲ့ အင်းစိန်မြို့မရဲစခန်းမှာ စက်တင်ဘာ ၆ ရက်က အမှုဖွင့်ခဲ့တာဖြစ်ပါတယ်။ ဒေါက်တာအောင်ဇော်ကို အရေးယူတာဟာ ဥပဒေနဲ့အညီခိုင်လုံတဲ့ အထောက်အထား ပေါ်ပေါက်ခဲ့တဲ့အတွက် အရေးယူခဲ့ခြင်းဖြစ်တယ်လို့  အဂတိတိုက်ဖျက်ရေး ကော်မရှင်က ထုတ်ပြန်ထားပါတယ်။ Photo - Mar Naw / MPA 
1 year Ago
Up