ဘိုလီးဗီးယားကြားဖြတ်အစိုးရက သမ္မတဟောင်း အီဗိုမိုရေးစ်ရဲ့ ဝန်ကြီးဟောင်း နှစ်ယောက်ကို မက္ကဆီကိုနိုင်ငံမှာ ခိုလှုံဖို့ ခွင့်ပြုလိုက် ပါတယ်။
သတ္တုတွင်းဝန်ကြီးဟောင်း ဆီဇာနာဗာရိုနဲ့ စိုက်ပျိုးရေး ဒုဝန်ကြီးဟောင်း ဒါမီယံဒိုရာဒိုတို့ဟာ တခြားဝန်ကြီးဟောင်း ၇ ယောက်နဲ့အတူ လာပဲ့ဇ်မြို့တော်က မက္ကဆီကို သံရုံးဝင်းထဲမှာ ခိုလှုံနေခဲ့တာပါ။
ဘိုလီးဗီးယားဝန်ကြီးဟောင်းတွေကို ဘိုလီးဗီးယားဆိုင်ရာ မက္ကဆီကို သံအမတ်ကြီးနဲ့အတူ လာပဲ့ဇ်မြို့ အဒ်မွန်ဒိုခံတပ်ဆီကို အသွား အယ်လ်အော်တို နိုင်ငံတကာ လေဆိပ်ကို ရောက်လာချိန်မှာ ဘိုလီးဗီးယားရဲတွေက ဖေဖော်ဝါရီ ၁ ရက်မှာ ဖမ်းခဲ့တာပါ။
သမ္မတဟောင်းရဲ့ အစိုးရအဖွဲ့ဝင်တွေကို ဖမ်းဆီးတာဟာ မှားတယ်လို့ ကြားဖြတ်အစိုးရက ပြောခဲ့ပြီး နာရီအတော်များများအကြာမှာ ပြန်လွှတ်ပေးခဲ့ပါတယ်။
အဲဒီနောက် သူတို့ နိုင်ငံရေး ခိုလှုံခွင့်ယူမယ့် မက္ကဆီကိုနိုင်ငံဆီ သွားဖို့ လေဆိပ်ကို ပြန်ပို့ပေးခဲ့တယ်လို့ ဒေသခံမီဒီယာက အစီရင်ခံပါတယ်။
ဘိုလီးဗီးယားအာဏာပိုင်တွေက သံတမန်ဝန်ထမ်းတွေကို နှောင့်ယှက် ခြိမ်းခြောက်ခဲ့တယ်လို့ ကျန်ခဲ့တဲ့သီတင်းပတ်တွေက မက္ကဆီကိုအစိုးရက မကျေမနပ် ပြောဖူးပါတယ်။
မက္ကဆီကိုအစိုးရက ဘိုလီးဗီးယားနိုင်ငံသား ၉ ယောက်ကို နိုင်ငံရေး ခိုလှုံခွင့် ပေးခဲ့တဲ့အပေါ် မက္ကဆီကိုအစိုးရနဲ့ ဘိုလီးဗီးယား ကြားဖြတ်အစိုးရတို့ကြား အငြင်းအခုံ ဖြစ်ခဲ့ပါတယ်။
3 years Ago
