ဘိုင်ယန်မြူးနစ်

October 12, 2022

ဘိုင်ယန်မြူးနစ်က ဟယ်ရီကိန်းကို ခေါ်ယူရန် စိတ်ဝင်စားနေ

ဂျာမန်ထိပ်သီးကလပ် ဘိုင်ယန်မြူးနစ်အသင်းဟာ ဘာစီလိုနာကို ပြောင်းရွှေ့သွားတဲ့ လီဝန်ဒေါစကီးနေရာမှာ စပါးတိုက်စစ်မှူး ဟယ်ရီကိန်းနဲ့ အစားထိုးဖို့ ဆန္ဒရှိနေပါတယ်။

ဘိုင်ယန်မြူးနစ်အသင်းက ထိပ်တန်းအသင်းကြီးတသင်းဖြစ်ကြောင်း စပါးတိုက်စစ်မှူး ဟယ်ရီကိန်းက မှတ်ချက်ပေးသွားပါတယ်။

ဖရန့်ဖတ်နဲ့ ချန်ပီယံလိဂ်ပွဲစဉ်တွေမတိုင်ခင် သတင်းစာရှင်းလင်းပွဲမှာတော့ ဘိုင်ယန်မြူးနစ်အသင်းနဲ့ အပြောင်းအရွှေ့ကိစ္စအပေါ် ဟယ်ရီကိန်းက ပြန်လည်ဖြေကြားခဲ့တာပါ။

“ဘိုင်ယန်က ထိပ်တန်းအသင်းကြီးတသင်းဆိုတာ သေချာပြောနိုင်ပါတယ်။ ဒါပေမဲ့ ကျနော့်ရဲ့ အာရုံစူးစိုက်မှုတွေက တော်တင်ဟမ်အပေါ်မှာ အကောင်းဆုံး ခြေစွမ်းပြသနိုင်ဖို့ ပစ်မှတ်ထားပါတယ်” လို့ ဟယ်ရီကိန်းက ပြောပါတယ်။

ဟယ်ရီကိန်းဟာ ပြီးခဲ့တဲ့နှစ်တုန်းကလည်း မန်စီးတီးရဲ့ စိတ်ဝင်စားမှု ခံခဲ့ရပါသေးတယ်။

2 months Ago

September 14, 2022

ချန်ပီယံလိဂ်အုပ်စုပွဲစဉ်များတွင် လီဗာပူး နိုင်ပွဲပြန်ရပြီး စပါးနှင့် ဘာစီလိုနာတို့ ရှုံးပွဲတွေ့

ဒီနေ့ မနက်အစောပိုင်းက ယှဉ်ပြိုင်သွားတဲ့ ချန်ပီယံလိဂ် အုပ်စုဒုတိယပွဲစဉ်တွေမှာ လီဗာပူးနဲ့ ဘိုင်ယန်မြူးနစ်အသင်းတို့နိုင်ပွဲရခဲ့ပြီး စပါးအသင်းနဲ့ ဘာစီလိုနာအသင်းတွေကတော့ ရှုံးပွဲတွေ့ခဲ့ပါတယ်။

လီဗာပူးအသင်းဟာ အုပ်စုပထမပွဲတုန်းက နာပိုလီကို ၄ ဂိုး ၁ ဂိုးနဲ့ ရှုံးနိမ့်ခဲ့ရပေမဲ့  ဒီမနက်ကန်သွားတဲ့ အိုင်းယက်နဲ့ ဒုတိယပွဲစဉ်မှာ ၂ ဂိုး ၁ ဂိုးနဲ့ နိုင်ပွဲပြန်ရခဲ့တာပါ။

လီဗာပူးအတွက် ပွဲချိန် ၁၇ မိနစ်ကတည်းက ဆာလာကဦးဆောင်ဂိုးသွင်းခဲ့ပေမယ့် ကူဒက်စ်က ၂၇ မိနစ်မှာ ချေပဂိုးပြန်သွင်းခဲ့လို့ လီဗာပူးတို့ ခက်ခက်ခဲခဲကစားခဲ့ရပြီး ၈၉ မိနစ်ရောက်မှ အနိုင်ဂိုးရခဲ့တာပါ။ ဒီဂိုးကို နောက်ခံလူမာတစ်က ဆီမီကတ်စ်ရဲ့ ဖြတ်တင်ဘောကနေ ခေါင်းတိုက်သွင်းယူခဲ့တာပါ။ 

အင်္ဂလန်ကလပ် စပါးအသင်းကတော့ ပေါ်တူဂီမြေမှာ စပို့တင်းလစ္စဘွန်းကို ၂ ဂိုး ဂိုးမရှိနဲ့ ရှုံးနိမ့်ခဲ့ပါတယ်။ အဖွင့်ပွဲစဉ်မှာအနိုင်ရထားတဲ့ စပါးဟာ ပွဲချိန်မိနစ် ၉၀ နဲ့ ၉၃ မိနစ်မှာ ၂ ဂိုးဆက်တိုက် ပေးခဲ့ရပြီးရှုံးပွဲတွေ့ခဲ့ရတာပါ။

တခြားပွဲစဉ်တွေမှာတော့ ဂျာမန်ကလပ်သုံးသင်း နိုင်ပွဲကိုယ်စီရခဲ့ကြပါတယ်။ ဘိုင်ယန်မြူးနစ်က ဘာစီလိုနာကို ၂ ဂိုးဂိုးမရှိ၊ လီဗာကူဆင်က အက်သလက်တီကိုမက်ဒရစ်ကို ၂ ဂိုး ဂိုးမရှိ၊ ဖရန့်ဖတ်က မာဆေးကို တစ်ဂိုးဂိုးမရှိရလဒ်တွေနဲ့အနိုင်ရခဲ့ပါတယ်။

ဘယ်လ်ဂျီယံကလပ် ဘရုဂျက်ကတော့ ပေါ်တိုကို အဝေးကွင်းမှာ ၄ ဂိုးဂိုးမရှိနဲ့ အနိုင်ယူခဲ့ပြီး အီတလီကလပ် အင်တာမီလန်ကလည်း ချက်ကလပ်ပလာဇန်ကို ၂ ဂိုး ဂိုးမရှိနဲ့ အနိုင်ယူခဲ့ပါတယ်။

3 months Ago
More News
Up