ဘိုင်ဒင်

January 22, 2021

ဘိုင်ဒင်လက်ထက်တွင် ပျော့ပျောင်းသည့် ၂ နိုင်ငံဆက်ဆံရေး ပြန်စရန် ကျူးဘားလိုလား

အမေရိကန်သမ္မတသစ် ဂျိုးဘိုင်ဒင်အနေနဲ့ အိုဘားမားလက်ထက်ကလို  ပျော့ပျောင်းတဲ့ နှစ်နိုင်ငံ ဆက်ဆံရေး ပြန်စမယ်လို့ ကျူးဘားက  မျှော်လင့်နေပါတယ်။  "ကျူးဘားပြည်သူတွေကို ထိခိုက်စေပြီး ဒီမိုကရေစီနဲ့လူ့အခွင့်အရေး မြင့်တက်အောင် ဘာမှ မလုပ်တဲ့ကျူးဘားဆိုင်ရာ ထရမ့်မူဝါဒတွေကို ပြောင်းပြန်လုပ်ပစ်မယ်"လို့ အိုဘားမား လက်ထက်က ဒုသမ္မတ ဖြစ်ခဲ့တဲ့ ဘိုင်ဒင်က မဲဆွယ်တုန်းက  ပြောဆိုထားပါတယ်။  "ဘိုင်ဒန်ရဲ့ ကတိကဝတ်တွေဟာ  သူနဲ့ အိုဘားမား ချန်ထားတဲ့ အရာကို ပြန်စတင်ဖို့ ညွှန်းနေတယ်"လို့လည်း အမေရိကန်ရေးရာ ကျူးဘားထိပ်တန်း သံတမန် ကားလို့စ်ဖာန်ဒက်ဇ် ဒယ်ကော်ဆီယိုက ပြောပါတယ်။  အမေရိကန်အစိုးရနဲ့ပတ်သက်လို့ ကျူးဘားရဲ့ ထိပ်တန်းမျှော်လင့်ချက် တစ်ခုက ဟားဗားနားက အမေရိကန်ကောင်စစ်ဝန်ရုံးကို ပြန်ဖွင့်ပေးဖို့နဲ့ ဗီဇာကိစ္စ ပြန်ဆောင်ရွက်ပေးဖို့ပါ။  ကောင်စစ်ဝန်ရုံး ဝန်ထမ်းတွေမှာ အမျိုးအမည်မသိ ရောဂါဆန်း ရခဲ့ပြီးနောက် အမေရိကန် အစိုးရက ကောင်စစ်ဝန်ရုံးကို ပိတ်ခဲ့တယ်လို့ ရိုက်တာက ဖော်ပြပါတယ်။
3 months Ago

ကိုဗစ်-၁၉ တိုက်ဖျက်ရေးအစီအမံသစ်များ သမ္မတသစ် ဘိုင်ဒင်ကြေညာ

အမေရိကန်သမ္မတအဖြစ် ပထမဆုံးတာဝန်ထမ်းဆောင်တဲ့  ဇန်နဝါရီ ၂၁ ရက်မှာ    ဂျိုးဘိုင်ဒင်က ကိုဗစ်-၁၉ ကပ်ရောဂါတိုက်ဖျက်ရေး အစီအမံသစ်တွေကို ကြေညာခဲ့ပါတယ်။ အရင် သမ္မတ ဒေါ်နယ်ထရမ့် လက်ထက်က       ကိုဗစ်-၁၉ တိုက်ဖျက်ရေး အစီအစဉ်ကို ပြည်နယ်တစ်ခုချင်း တာဝန်ပေးထားတာကြောင့် တစ်နိုင်ငံလုံး အတိုင်းအတာနဲ့ မူဝါဒဟာကွက်တွေ ရှိခဲ့ပါတယ်။ အိမ်ဖြူတော်အခမ်းအနားမှာ သမ္မတသစ် ဘိုင်ဒင်က ကာကွယ်ဆေး ဖြန့်ချိရေးအပိုင်းဟာ အခုထက်ထိ အားနည်းချက်တွေ ရှိနေတယ်လို့ ပြောဆိုခဲ့ပါတယ်။ ဘိုင်ဒင် လက်မှတ်ရေးထိုးတဲ့ သမ္မတအမိန့်တွေအရ ကိုဗစ်-၁၉ ပိုးရှိမရှိ စစ်ဆေးမှု တိုးမြှင့် လုပ်ဆောင်ဖို့ ကိုဗစ်စမ်းသပ်ရေး ဘုတ်အဖွဲ့ကို တည်ထောင်သွားမှာ ဖြစ်ပါတယ်။ နောက်ပြီး ကာကွယ်ဆေးထောက်ပို့ရေး အစီအစဉ်လျှော့ကျတာတွေကို ဖြေရှင်းဖို့၊ နိုင်ငံတကာ ခရီးသွားတွေအတွက် လုပ်ငန်းစဉ်တွေ ချမှတ်ဖို့နဲ့ အထိနာနေတဲ့ လူနည်းစု အသိုက်အဝန်းတွေဆီ  ရင်းမြစ်တွေ တိုက်ရိုက်ပေးပို့ဖို့  ပါဝင်ပါတယ်။ အမျိုးသားအစောင့်တပ်နဲ့ ပတ်သက်တဲ့ ကပ်ရောဂါတိုက်ဖျက်ရေး ကျန်ကျစရိတ်တွေကို         ပြည်နယ်တွေနဲ့ လူမျိုးစုတွေကို  ပြန်ပေးသွားဖို့ ဖက်ဒရယ်အရေးပေါ် စီမံခန့်ခွဲရေး အေဂျင်စီကို သမ္မတသစ် ဘိုင်ဒင်က ညွှန်ကြားသွားမှာလည်း ဖြစ်ပါတယ်။  ပထမဆုံးသမ္မတ တာဝန်ထမ်းဆောင်တဲ့ ရက် ၁၀၀ အတွင်း ကိုဗစ်ကာကွယ်ဆေး အလုံးရေ သန်း၁၀၀ ထိုးပေးသွားမယ်လို့  ဘိုင်ဒင်ဟာ ကတိပြုထားပါတယ်။ 
3 months Ago

January 8, 2021

ဘိုင်ဒင်၏ရွေးကောက်ပွဲအနိုင်ရမှု သမ္မထရမ့် ပထမဆုံး အသိအမှတ်ပြု

အမေရိကန်သမ္မတ ဒေါ်နယ်ထရမ့်က  ဘိုင်ဒင်ရဲ့ ရွေးကောက်ပွဲအနိုင်ရမှုကို ပထမဆုံးအကြိမ်  အသိမှတ်ပြုခဲ့ပြီး ကွန်ဂရက်လွှတ်တော် အဆောက်အအုံကို ဝင်ရောက်စီးနင်းခဲ့တဲ့ အကျဉ်းတန် တိုက်ခိုက်မှုကို ဇန်နဝါရီ ၇ ရက်မှာ  ပြစ်တင်ရှုတ်ချလိုက်ပါတယ်။  သမ္မတ ထရမ့်က အဓိကရုဏ်းသမားတွေဟာ အမေရိကန်ဒီမိုကရေစီဌာနီကို ဖျက်ဆီးခဲ့ တယ်လို့ ပြောဆိုသလို  ချောချောမွေ့မွေ့ အာဏာလွှဲရေးကို အခုချိန်မှာ သူ အလေးထား သွားမယ်လို့လည်း ဆိုခဲ့ပါတယ်။  ရွေးကောက်ပွဲမှာ သူအနိုင်ရတယ်လို့ လချီ ပြောဆိုလာတဲ့ ထရမ့်အဖို့  ဒီကြေညာချက်ဟာ လုံး၀ ကပြောင်းကပြန် ဖြစ်သွားပါတယ်။  ကွန်ဂရက်လွှတ်တော်အဆောက်အအုံတိုက်ခိုက်ခံရအပြီးမှာ  ထိပ်တန်းဒီမိုကရက်တွေက သမ္မတ ထရမ့်ကို ရာထူးက ဖယ်ရှားဖို့ တောင်းဆိုခဲ့ပြီးနောက်  ထရမ့်ရဲ့  အခုလို မှတ်ချက်စကား ထွက်ပေါ်လာတယ်လို့လည်း  ရိုက်တာက ဖော်ပြပါတယ်။ 
3 months Ago
Up