ဘိန်းဖြူ

November 24, 2021

ဘိန်းဖြူမှောင်ခိုသွင်းမှုဖြင့် ထောင်ဒဏ်ချမှတ်ခံရသည့် ချက်မော်ဒယ် ပြန်လွတ်

၂၀၁၉ မှာ ပါကစ္စတန် နိုင်ငံအတွင်း ဘိန်းဖြူ ၈.၅ ကီလို မှောင်ခိုသွင်းမှုနဲ့ ထောင်ဒဏ် ၈ နှစ် ၈လ ချမှတ်ခံခဲ့ရတဲ့ ချက်သမ္မတနိုင်ငံက မော်ဒယ် အလှမယ်ဟာ နိုဝင်ဘာ ၂၀ ရက်က ပြန်လွတ်လာပြီလို့ သူ့ရှေနေက နိုဝင်ဘာ ၂၃ ရက်မှာ ပြောပါတယ်။

ချက်မော်ဒယ် ထရေဇာ လှူစ်ကိုဗာဟာ ဒီလအစောပိုင်းက အယူခံခုံရုံးမှာ အပြစ်မရှိကြောင်း ဆုံးဖြတ်ပေးတာခံယူအပြီး လာဟိုးမြို့က ကော့လက်ခ်ပတ် ထောင်ကနေ သူ့ကို ပြန်လွှတ်ပေးခဲ့တာပါ။

မော်ဒယ်လ်ဟာ ၂၀၁၈ ဇန်နဝါရီမှာ ဘိန်းဖြူ မှောင်ခိုမှုအတွက် လာဟိုးလေဆိပ်မှာ အဖမ်းခံခဲ့ရပြီး သူ့အဝတ်ထည့် အိတ်ထဲမှာ မူးယစ်ဆေးတွေ လာထည့်သွားတာလို့ အခိုင်အမာ ပြောပါတယ်။ 

သူ့အမှုကို နိုဝင်ဘာ ၁ ရက်က လာဟိုးမြို့ အယူခံတရားရုံးမှာ အသစ်ပြန်လည် ကြားနာခဲ့ပါတယ်။ တရားလိုဟာ အမှုကို ကျိုးကြောင်းဆီလျော်စွာ သံသယရှိတာက လွဲရင် သက်သေပြဖို့ ကန့်ကွက်ခဲ့လို့ အယူခံတရားရုံးက သူ့ကို အနိုင်ပေးခဲ့ပါတယ်။

2 months Ago

October 16, 2021

ဩစီဒေါ်လာ သန်း ၁၄၀ တန်ဖိုးရှိ ဘိန်းဖြူများ ဖမ်းဆီးမိ

သြစတြေးလျရဲတပ်ဖွဲ့ဟာ ဩစီဒေါ်လာ သန်း ၁၄၀ လောက် တန်ဖိုးရှိတဲ့ ဘိန်းဖြူကုန်ကူးမှုကို ဖမ်းဆီးရမိခဲ့ပြီး မလေးရှား နိုင်ငံသားတစ်ဦးကိုလည်း တရားမ၀င် မူးယစ်ဆေးဝါးတင်သွင်းမှုနဲ့ ပတ်သက်ပြီး ဖမ်းဆီးလိုက်ပါတယ်။ 

အလေးချိန် ၄၅၀ ကီလိုဂရမ် (၉၉၀ ပေါင်) ရှိတဲ့ ပစ္စည်းထုပ်ကို မလေးရှားနိုင်ငံကနေ ကြွေပြားတွေ တင်ဆောင်လာတဲ့ ပင်လယ်ကုန်သေတ္တာတစ်ခုထဲမှာ တွေ့ရှိရတာဖြစ်ပြီး မဲလ်ဘုန်းမြို့ရှိ စီးပွားရေးလုပ်ငန်းတစ်ခုကို လိပ်စာတပ်ထား တယ်လို့ ရဲတွေက ပြောပါတယ်။ 

အဲဒီပစ္စည်းက မလေးရှားက လာတယ် ဆိုတာ သိသာထင်ရှားနေပြီး ဘိန်းဖြူရဲ့ မူလဇာစ်မြစ်ကို စုံစမ်းနေဆဲပါလို့လည်း ဆိုပါတယ်။

ဖမ်းဆီးရတဲ့လူကို ရဲတွေက လုပ်ထုံးလုပ်နည်းအရ နာမည်ထုတ်မပြောပေမဲ့ အဲဒီလူကို နယ်စပ်က ထိန်းချုပ်ထားတဲ့ မူးယစ်ဆေးဝါးကို စီးပွားဖြစ်ပမာဏ တင်သွင်းမှုနဲ့ လက်ဝယ်ထားဖို့ ကြိုးစားမှုတွေနဲ့ စွဲချက်တင်ထားပါတယ်။

အဲဒီလူဟာ မနေ့က တရားရုံးကို ရောက်လာပြီး ၂၀၂၂ ခုနှစ် ဇန်နဝါရီလအထိ ရမန်ယူထားတယ်လို့ ပြောပါတယ်။

“တကယ့်ကို စနစ်တကျဖွဲ့စည်းထားတဲ့ နိုင်ငံဖြတ်ကျော် ရာဇ၀တ်အုပ်စုတွေက သြစတြေးလျဟာ အကျိုးအမြတ်ရှိတဲ့ မူးယစ်ဆေးဝါးစျေးကွက်တစ်ခုဆိုတာ သိနေတော့ သူတို့အကျိုးအတွက် ငွေရမယ့် ဘယ်ပစ္စည်းကိုမဆို ရောင်းဝယ်ဖောက်ကားကြတယ်။ အမြင့်ဆုံးပြစ်ဒဏ်ကတော့ ထောင်ဒဏ်တသက်တကျွန်း ချမှတ်ခြင်းပဲ ဖြစ်တယ်”လို့  ရဲက ပြောပါတယ်။

အခုဖမ်းဆီးရမိမှုဟာ သြစတြေးလျရဲတပ်ဖွဲ့ဟာ နိုင်ငံတွင်း စုံစမ်းခဲ့ဖူးသမျှတွေထဲ ဘိန်းဖြူအများဆုံးသယ်ပို့မှုဖြစ်တယ်လို့ သိရပါတယ်။

3 months Ago
More News
Up