ဘားအံ

April 9, 2021

ဘားအံတွင် PSI စလောင်းများကို အကြမ်းဖက်စစ်ကောင်စီက လိုက်လံသိမ်းဆည်း

ကရင်ပြည်နယ် ဘားအံမြို့မှာ ဧပြီ ၉ ရက်နေ့က  အကြမ်းဖက်စစ်ကောင်စီရဲ့ အုပ်ချုပ်ရေးအဖွဲ့နဲ့ ရဲတပ်ဖွဲ့က  PSI ဂြိုဟ်တု စလောင်းတပ်ဆင်ထားတဲ့နေအိမ်တွေနဲ့ အရောင်းဆိုင်​တွေကို လိုက်လံဖြုတ်ယူသိမ်းဆည်းတာတွေ ပြုလုပ်နေတယ်လို့ ရပ်ကွက်နေ ပြည်သူတွေက ပြောပါတယ်။

“ဒီနေ့ပဲ အုပ်ချုပ်ရေးနဲ့ရဲတွေက လိုက်လံသိမ်းဆည်းတာ။ ကျမတို့ ပြည်သူတွေက ကိုယ်ပိုင်ချွေးနဲစာနဲ့ ဝယ်ထားတာ။ မသိရင် သူတို့က ပေးထားတဲ့အတိုင်းပဲ။ စလောင်းအရောင်းဆိုင်တွေပါမကျန် သိမ်းဆည်းတယ်" လို့ အသိမ်းဆည်းခံရတဲ့ ပြည်သူတစ်ဦးက ပြောပါတယ်။

PSI စလောင်းကနေ နိုင်ငံတကာသတင်းတွေအပြင် မြန်မာနိုင်ငံမှာ လတ်တလောဖြစ်ပွားနေတဲ့ စစ်အာဏာရှင်£တော်လှန်ရေး ဆန္ဒပြသတင်းတွေကို အချိန်နဲ့တပြေး ညီ ထုတ်လွှင့်နေတဲ့ DVB၊  Mizzima Channel ရုပ်သံလိုင်းတွေကနေ ပြည်သူတွေ သတင်းကြည့်ခွင့်၊ သိပိုင်ခွင့်မရအောင် သတင်းအမှောင်ချဖို့ စစ်ကောင်စီက ဆောင်ရွက်နေတာပါ။

PSI စလောင်းကနေ့ ပြည်တွင်းသတင်းတွေနဲ့ နိုင်ငံတကာသတင်းတွေတင်ဆက်ပေးနေတဲ့ DVB ရုပ်သံသတင်းတွေကို ဧပြီ ၉ ရက် ညနေ့ပိုင်းကစတင်ပြီး PSI စလောင်းကနေ ကြည့်ရှု့ခွင့်မရတော့တာပါ။

2 days Ago

March 25, 2021

ဘားအံ G-Z စစ်ကြောင်းကို စစ်တပ်နှင့်ရဲက ကျည်အစစ်ဖြင့်ပစ်ခတ် အနည်းဆုံး ၂ ဦးဒဏ်ရာရ

 ကရင်ပြည်နယ်၊ ဘားအံမြို့၊ ကားကြီးကွင်းအဝင်ပေါက်နားမှာ မတ်လ ၂၅ ရက် မနက်  ၇ နာရီလောက်က စစ်အာဏာရှင်ကိုဆန့်ကျင်ဆန္ဒပြတဲ့  G-Z လူငယ်စစ်ကြောင်းကို  စစ်တပ်နဲ့ရဲက ကျည်ဆန်အစစ်နဲ့ ပစ်ခတ်ခဲ့လို့  လူငယ်  ၂ ဦး သေနတ်ထိမှန်ခဲ့ပါတယ်။

G-Z လူငယ်စစ်ကြောင်းဟာ ဘားအံ-ကော့ကရိတ်ကားလမ်းမကြီးပေါ်မှာ ငြိမ်းချမ်းစွာ ဆန္ဒပြနိုင်ဖို့ အဟန့်အတားပြုလုပ်နေတုန်း တပ်နဲ့ရဲတွေရောက်ရှိလာပြီး ကျည်အစစ်၊ မျက်ရည်ယိုဗုံး၊ အသံဗုံးတွေပစ်ခတ်ပြီး အင်အားသုံး ပစ်ခတ် လိုက်လံဖြိုခွင်း ဖမ်းဆီးခဲ့တာပါ။

ဒီလို အကြမ်းဖက်ပစ်ခတ်ခဲ့တဲ့အတွက် ဆီးခုံထိမှတ်သူ ၁ ဦး၊ ပေါင်ထိမှန်သူ ၁ ဦးရှိပြီး ကျန်တဲ့ ဒဏ်ရာရသူ စာရင်းကိုတော့  ဒီဗွီဘီက ဆက်လက်စုံစမ်းနေဆဲ ဖြစ်ပါတယ်။

မတ်လ၂၄ ရက် နေ့လည်ပိုင်းနဲ့ ညပိုင်းတွေမှာ ဆန္ဒပြသူတွေကို ရပ်ကွက်အတွင်း တပ်နဲ့ရဲတွေက အတင်းအဓမ္မဝင်ရောက် နေအိမ်တွေမှာ လိုက်လံရှာဖွေ ဖမ်းဆီးမှုတွေကို ပြုလုပ်ခဲ့ပါတယ်။

ကရင်ပြည်နယ်က မြို့နယ်တိုင်းမှာ အာဏာရှင်တော်လှန်ရေး ဆန္ဒပြစစ်ကြောင်းတွေကို တပ်နဲ့ရဲက အင်အားသုံး အကြမ်းဖက်ပစ်ခတ်ဖြိုခွင်းပြီး ဖမ်းဆီးတာတွေကြောင့် ဖမ်းဆီးခံရသူ ၃၀၀ ကျော်ရှိသလို၊ သေဆုံးသူ ၁ ဦး၊ ထိခိုက်ဒဏ်ရာရသူနဲ့ ဖမ်းဆီးခံရသူတွေအပြင် ပျောက်ဆုံးနေသူတွေရှိပါတယ်။

2 weeks Ago
More News
Up