ဘာလော့တယ်လီ

A d v e r t i s e m e n t With Us

July 10, 2019

တိုက်စစ်မှူး ဘာလော့တယ်လီကို ခေါ်ယူရန် ဝက်စ်ဟမ်း ကြိုးပမ်း

ဝက်စ်ဟမ်းအသင်းဟာ အီတလီတိုက်စစ်မှူးဟောင်း ဘာလော့တယ်လီကို ခေါ်ယူဖို့ ကြိုးပမ်းနေပါတယ်။ အသက် ၂၈ နှစ်ရှိ ဘာလော့တယ်လီဟာ မနှစ်က ပြင်သစ်ကလပ် မာဆေးအသင်းမှာ တနှစ်စာချုပ်နဲ့ ပါဝင်ကစားပြီး လက်ရှိအချိန်မှာတော့ အသင်းလက်မဲ့ ဖြစ်နေတာပါ။ ဘာလော့တယ်လီဟာ မာဆေးအသင်းမှာ စုစုပေါင်း ၁၂ ပွဲကစားခဲ့ပြီး ၈ ဂိုး သွင်းယူနိုင်ခဲ့ပါတယ်။ ဝက်စ်ဟမ်းအသင်းဟာ တိုက်စစ်မှူး အာနော်တိုဗစ်ကို တရုတ်ကလပ် ရှန်ဟိုင်းအသင်းဆီ ရောင်းချလိုက်တဲ့အတွက် တိုက်စစ်မှူးတဦး လိုအပ်နေတာပါ။ ဘုန်းမောက်က ဝီလ်ဆင်၊ ဆယ်လ်တာဗီဂို တိုက်စစ်မှူး မက်ဆီဂိုမက်ဇ်တို့ကို ချိတ်ဆက်ခဲ့ပေမယ့်လည်း အဆင်မပြေဖြစ်ခဲ့တာကြောင့် ဘာလော့တယ်လီကို ပစ်မှတ်ထားလာတာဖြစ်ပြီး အလွတ်ပြောင်းရွှေ့ကြေးနဲ့ ခေါ်ယူခွင့်ရမှာ ဖြစ်ပါတယ်။ ဘာလော့တယ်လီဟာ မန်စီးတီး၊ လီဗာပူးအသင်းတွေနဲ့အတူ ပရီးမီးယားလိဂ် ၄ ရာသီအတွင်းမှာ ပွဲစဉ် ၇၀ ကစားခဲ့ပြီး ၂၁ ဂိုး သွင်းယူနိုင်ခဲ့ပါတယ်။
2 years Ago

March 4, 2019

နောက်ပြန်ကန်ချက်ဖြင့် ဂိုးသွင်းယူပြီးနောက် ဗွီဒီယိုရိုက် အောင်ပွဲခံခဲ့သည့် ဘာလော့တယ်လီ

မာဆေးတိုက်စစ်မှူး ဘာလော့တယ်လီဟာ နောက်ပြန်ကန်ချက်နဲ့ ဂိုးသွင်းယူပြီးနောက် ကင်မရာသမားဆီက ဖုန်းယူပြီး အောင်ပွဲခံတဲ့ ဗွီဒီယိုကို အင်စတာဂရမ်ပေါ်မှာ တခါတည်းတင်ခဲ့ပါတယ်။ အီတလီတိုက်စစ်မှူး ဘာလော့တယ်လီဟာ ပွဲချိန် ၁၂ မိနစ်မှာပဲ သအူဗင်ရဲ့ ထောင့်ကန်ဘောကနေ နောက်ပြန်ကန်ချက်နဲ့ ဂိုးသွင်းနိုင်ခဲ့တာပါ။ ဂိုးသွင်းယူအပြီးမှာ ဂိုးတိုင်အနောက်က ကင်မရာသမားဆီ ချက်ချင်းပြေးသွားပြီး သူ့ရဲ့ဖုန်းကိုယူကာ အောင်ပွဲခံတာတွေကို ဗွီဒီယိုရိုက်ပြီး အင်စတာဂရမ်ပေါ် တင်ခဲ့တာဖြစ်ပါတယ်။ အဲဒီပွဲစဉ်မှာ မာဆေးအသင်းက စိန့်အက်တီယန်အသင်းကို ၂ ဂိုး ဂိုးမရှိနဲ့ အနိုင်ရခဲ့ပါတယ်။ ဘာလော့တယ်လီအနေနဲ့ ဂိုးသွင်းယူနိုင်ခဲ့ရင် ဗွီဒီယိုရိုက်ပြီး အင်စတာဂရမ်ပေါ်တင်ကာ အောင်ပွဲခံဖို့ ကြိုတင်ပြင်ဆင်ထားခဲ့တာလည်း ဖြစ်ပါတယ်။ သူဟာ အင်စတာဂရမ်အကောင့်မှာ ပရိသတ် ၈ ဒသမ ၃ သန်းရှိပြီး သူ့ရဲ့ ထူးခြားတဲ့ အောင်ပွဲခံမှုကို ပရိသတ်တွေက သဘောကျခဲ့ကြပါတယ်။ ဂိုးသွင်းယူအပြီးမှာ ကွင်းဘေးက ဖုန်းယူပြီး ဓာတ်ပုံနဲ့ ဗွီဒီယိုရိုက်ပြီး အောက်ပွဲခံခဲ့တဲ့ပုံစံကို ဘာလော့တယ်လီ ပထမဆုံးလုပ်ဆောင်တာတော့ မဟုတ်ပါဘူး။ အီတလီနဲ့ ရိုးမားတိုက်စစ်မှူးဟောင်း တော့တီလည်း ဂိုးသွင်းယူအပြီးမှာ အလားတူ အောင်ပွဲခံခဲ့ဖူးပါတယ်။
2 years Ago
More News
Up