ဘာသာပေါင်းစုံဆုတောင်းပွဲ

June 19, 2022

မဲလ်ဘုန်းမြို့တွင် ဒေါ်အောင်ဆန်းစုကြည် မွေးနေ့ ဘာသာပေါင်းစုံဆုတောင်းပွဲပြုလုပ် (ဓာတ်ပုံ)

ဒေါ်အောင်ဆန်းစုကြည်နဲ့တကွ သြစတြေးလျနိုင်ငံသား ရှောင်တာနာအပါအဝင် နိုင်ငံရေးအကျဥ်းသားအားလုံး အမြန်ဆုံးလွတ်မြောက်ရေးအတွက် သြစတြေးလျနိုင်ငံ မဲလ်ဘုန်းမြို့ရှိ မြန်မာအသိုင်းအဝိုင်းက စုပေါင်းတောင်းဆိုခဲ့ကြပါတယ်။ 

ဇွန် ၁၉ ရက်နေ့ ကျရောက်တဲ့ နိုင်ငံတော် အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ရဲ့ ၇၇ နှစ်ပြည့်မွေးနေ့ကို မဲလ်ဘုန်းမြို့မှာ NUG/CRPH Support Group Australia က ဦးစီးကျင်းပပြီး ဘာသာပေါင်းစုံ ဆုတောင်းပွဲကိုလည်း ပြုလုပ်သွားတာပါ။ 

ဒီပွဲမှာ မြန်မာ့အရေး ထောက်ခံအားပေးသူ ဒေသအခြေစိုက် လွှတ်တော်အမတ်တွေလည်း တက်ရောက်ပြီး အာဏာရ လေဘာပါတီက မြန်မာ့ဒီမိုကရေစီအရေး အရင်ကထက် ပိုထိရောက်အောင် လုပ်ဆောင်ပေးသွားဖို့ ပြောဆိုသွားပါတယ်။ 

ဒီပွဲကို အနီးတဝိုက်က မြန်မာနိုင်ငံသား ၁၀၀ ကျော် လာရောက်ကြပြီး မြန်မာအစားအစာတွေနဲ့ ဧည့်ခံသလို  ဒေါ်အောင်ဆန်းစုကြည်အတွက် အမှတ်တရ မွေးနေ့ဆုတောင်း ရေးသားတာတွေနဲ့ တေးသီချင်း သီဆိုဖျော်ဖြေမှုတွေ ပြုလုပ်သွားကြပါတယ်။

8 months Ago

March 9, 2021

မိုးကုတ်မြို့၌ ကျဆုံးသွားသော အာဇာနည်များအတွက် ဘာသာပေါင်းစုံဆုတောင်းပွဲ ပြုလုပ်

စစ်အာဏာရှင်ကိုဆန့်ကျင်တော်လှန်ရင်း ကျဆုံးသွားတဲ့ အာဇာနည်တွေအတွက် မန္တလေးတိုင်းဒေသကြီး၊ မိုးကုတ်မြို့နယ်မှာ မတ်လ ၈ ရက်ညက မိုးကုတ်မှုံကွင်းမှာ ဘာသာပေါင်းစုံ ဆုတောင်းပွဲ ပြုလုပ်ခဲ့ပါတယ်။

မိုးကုတ်မြို့ပေါ် ရပ်ကွက်တွေထဲမှာလည်း ရပ်ကွက်အလိုက် မီးထွန်းပြီး ဆုတောင်းပွဲ ပြုလုပ်ကြပါတယ်။ သံပုံးတီးပြီး စစ်အာဏာရှင်ဆန့်ကျင်ရေး ဆန္ဒပြမှုတွေကို မိသားစုအလိုက် ညဘက် ၈ နာရီမှာ ပြုလုပ်ကြပါတယ်။

2 years Ago
Up