ဘာလော့တယ်လီ

October 30, 2020

အသင်းလက်မဲ့ ဘာလော့တယ်လီအတွက် ဝမ်းနည်းကြောင်း နည်းပြမန်ချီနီ ပြော

အသင်းလက်မဲ့ ဖြစ်နေရတဲ့ တိုက်စစ်မှူး ဘာလော့တယ်လီရဲ့ အခြေအနေကို မြင်ရတာက ဝမ်းနည်းစရာကောင်းတယ်လို့ အီတလီနည်းပြ မန်ချီနီက ပြောပါတယ်။  ဘာလော့တယ်လီဟာ မနှစ်က ဘရက်စီယာအသင်းမှာ ကစားခဲ့ပြီးနောက် အသင်းလက်မဲ့ဖြစ်နေတာပါ။  မန်စီးတီးနဲ့ အင်တာမီလန်အသင်းတွေမှာ နည်းပြ မန်ချီနီနဲ့ လက်တွဲခဲ့ဖူးတဲ့ ဘာလော့တယ်လီဟာ အီတလီလက်ရွေးစင်မှာရွေးချယ်ခံခဲ့ရပေမယ့် လက်ရှိအချိန်မှာ ကလပ်အသင်းသစ်ရှာမတွေ့ဘဲ ဖြစ်နေတာပါ။  “ဘာလော့တယ်လီရဲ့ အခြေအနေနဲ့ ပတ်သက်ပြီး အလွန်ဝမ်းနည်းမိကြောင်းနဲ့ အသက် ၃၀ အရွယ်ရှိလာတဲ့ သူဟာ နည်းစနစ်ပိုင်းရော အတွေ့အကြုံပိုင်းမှာ အကောင်းဆုံးအချိန်ဖြစ်နေရမှာဖြစ်ပြီး အဲဒီလိုသာဖြစ်ခဲ့ရင် အီတလီအသင်းအတွက်လည်း အားကိုးရမှာဖြစ်တယ်” လို့ မန်ချီနီက ပြောပါတယ်။   ဘာလော့တယ်လီဟာ မနှစ်က ဘရက်စီယာအတွက် ၁၆ ပွဲ ကစားခဲ့ပြီး ၅ ဂိုးသွင်းယူခဲ့ပေမဲ့ အသင်းက တန်းဆင်းသွားခဲ့ရပြီး စာချုပ်သက်တမ်းလည်း ကုန်ဆုံးခဲ့တာဖြစ်ပါတယ်။ 
1 year Ago

July 11, 2020

ဘာလော့တယ်လီ၏ ကိုယ်အလေးချိန် ၁၇ ပေါင် တက်လာဟု ဘရက်စီယာအသင်း ထုတ်ပြန်

စီးရီးအေကလပ် ဘရက်စီယာအသင်းဟာ တိုက်စစ်မှူး ဘာလော့တယ်လီရဲ့ ကိုယ်အလေးချိန်ဟာ ပေါင် ၂၂၀ ရှိလာကြောင်း တရားဝင် သတင်းထုတ်ပြန်လိုက်ပါတယ်။  အီတလီ တိုက်စစ်မှူး ဘာလော့တယ်လီဟာ အသင်းနဲ့ အဆင်မပြေဖြစ်နေပြီး  စီးရီးအေပွဲတွေ ပြန်လည်စတင်ပြီးနောက်ပိုင်း တစ်ပွဲမှ ကစားခွင့်မရခဲ့တာ ဖြစ်ပါတယ်။  ဘရက်စီယာအသင်းအနေနဲ့ ဘာလော့တယ်လီရဲ့ ကိုယ်အလေးချိန် တက်လာမှုကြောင့် သူ့ကို ပွဲထွက်ခွင့်မပေးတာဆိုတဲ့ အဓိပ္ပာယ်နဲ့ သူ့ရဲ့ ကိုယ်အလေးချိန်ကို ဖော်ပြခဲ့တာလို့ သိရပါတယ်။  ဘာလော့တယ်လီဟာ ပုံမှန်အားဖြင့် ၁၉၄ ပေါင် အလေးချိန်ရှိပြီး ကိုဗစ်ကာလအတွင်းမှာ ၁၇ ပေါင်ကျော် တက်လာခဲ့တာပါ။ လက်ရှိအချိန်မှာ ကီလို ၉၉ ဒသမ ၈ ကီလို ရှိကြောင်း ဘရက်စီယာအသင်းက ဖော်ပြခဲ့ပြီး ပေါင် ၂၂၀ ခန့်ရှိနေတာ ဖြစ်ပါတယ်။ ဘာလော့တယ်လီဟာ နိုက်စ်အသင်းမှာ ကစားစဉ်ကလည်း ကိုယ်အလေးချိန်တက်မှုနဲ့ ရင်ဆိုင်ခဲ့ရပြီး အသင်းနဲ့ ပြဿနာဖြစ်ခဲ့ဖူးပါတယ်။ ဘာလော့တယ်လီနဲ့ ဘရက်စီယာအသင်းတို့ကြားမှာ ကိုဗစ်-၁၉ ကာလက လော့ဒေါ့င်း အစီအစဉ်တွေနဲ့ပတ်သက်ပြီး သဘောထားကွဲလွဲနေကြလို့ နှစ်ဖက်စလုံးက တရားစွဲဆိုဖို့ ပြင်ဆင်နေကြတယ်လို့လည်း သတင်းထွက်ပေါ်နေပါတယ်။ 
2 years Ago
More News
Up