ဘာစီလိုနာဥက္ကဋ္

November 27, 2020

ဘာစီလိုနာဥက္ကဋ္ဌနေရာ အရွေးခံရပါက နေမာကို ပြန်မခေါ်ဟု တိုနီဖရီချာပြော

နေမာဟာ အကောင်းဆုံးကစားသမား ၃၀ ဦးစာရင်းမှာတောင် မပါဝင်တဲ့သူဖြစ်တယ်လို့ ဘာစီလိုနာအသင်း ဥက္ကဋ္ဌလောင်း တိုနီဖရီချာက ပြောပါတယ်။  အသင်းဥက္ကဋ္ဌဟောင်း ဘာတိုမြူက နေမာကို ပြန်လည်ခေါ်ယူဖို့ ကြိုးပမ်းခဲ့ပေမဲ့ ဥက္ကဋ္ဌလောင်းစာရင်းမှာ ပါဝင်နေတဲ့ တိုနီဖရီချာကတော့ နေမာကို ပြန်လည်ခေါ်ယူမှာ မဟုတ်ကြောင်း အတည်ပြုသွားခဲ့တာပါ။  နေမာရဲ့ စွမ်းဆောင်ရည်က ဥရောပရဲ့အကောင်းဆုံးကစားသမား ၃၀ ဦးစာရင်းမှာတောင် မပါဝင်နိုင်တဲ့အတွက်  မိမိသာ ဥက္ကဋ္ဌနေရာ ရွေးကောက်ခံရပါက နေမာကို ပြန်ခေါ်မှာမဟုတ်ဘူးလို့ တိုနီဖရီချာက ပြောပါတယ်။  အသင်းအတွက် အရေးကြီးဆုံးက ဘာစီလိုနာအသင်း ကိုယ်တိုင်သာဖြစ်ပြီး တခြားဘယ်သူ့အပေါ်မှာ တည်မီမနေဘူးလို့လည်း ဥက္ကဋ္ဌရာထူး အတွက်ဝင်ပြိုင်မယ့် တိုနီဖရီချာကပြောပါတယ်။  နေမာဟာ  ဘာစီလိုနာအတွက် ၉၃ ပွဲမှာ ၇၃ ဂိုးသွင်းယူပေးခဲ့ပြီး ၂၀၁၇ ခုနှစ်က ပီအက်စ်ဂျီအသင်းဆီပေါင် သန်း ၂၀၀ ခန့်နဲ့ ပြောင်းရွှေ့ခဲ့တာဖြစ်ပါတယ်။ 
1 year Ago

October 29, 2020

ဘာစီလိုနာဥက္ကဋ္ဌနှင့်ဘုတ်အဖွဲ့ဝင်များ နုတ်ထွက်ခဲ့မှု ပရိသတ်များ ထောက်ခံ

ဘာစီလိုအသင်းဥက္ကဋ္ဌ ဘာတိုမြူနဲ့ ဘုတ်အဖွဲ့ဝင်တွေ ရာထူးကနေ နုတ်ထွက်ခဲ့ကြတာကို အသင်းပရိသတ်တွေက ထောက်ခံခဲ့ကြပါတယ်။  ဥက္ကဋ္ဌ ဘာတိုမြူနဲ့ ဘုတ်အဖွဲ့ဝင်တွေဟာ အောက်တိုဘာ ၂၇ ရက် ရက်စွဲနဲ့ ရာထူးကနေ နုတ်ထွက်စာ တင်ခဲ့တာဖြစ်ပါတယ်။  ဘာတိုမြူအနေနဲ့ ဘောလုံးအသင်းဥက္ကဋ္ဌလို ဘယ်တုန်းကမှ မလုပ်ဆောင်ခဲ့ကြောင်းနဲ့  နိုင်ငံရေးနဲ့ ဘောလုံးအားကစားကို မရောနှောသင့်ကြောင့် ၆၅ နှစ်အရွယ် ဘာစီလိုနာပရိသတ်တဦးက ပြောပါတယ်။  အသက် ၄၉ နှစ်ရှိ ဘာစီလိုနာပရိသတ်တစ်ဦးကလည်း  ဘုတ်အဖွဲ့ဝင်တွေအနေနဲ့ ရာထူးကနေ နုတ်ထွက်ရမယ့်အချိန်ဖြစ်တယ်လို့ ထောက်ခံစကားဆိုခဲ့ပါတယ်။ 
1 year Ago
Up