ဘာကားတွေပြနေသလဲ(ရုပ်သံ)

June 14, 2019

ရုပ်ရှင်ဝါသနာအိုးတို့အတွက် ဘယ်ရုံမှာ ဘာကားတွေပြနေသလဲ(ရုပ်သံ)

ဒီတပတ် ဒီဗွီဘီရဲ့ Movie Crazy – DVB အစီအစဉ်မှာ ရုပ်ရှင်ဝါသနာအိုးတွေ အတွက် ပုံမှန်တင်ဆက်နေကြဖြစ်တဲ့ နိုင်ငံတကာနဲ့ ပြည်တွင်းက ကောင်းနိုးရာရာ ရုပ်ရှင် ဇာတ်ကားတွေကို ရွေးချယ်ဖော်ပြပေးလိုက်ပါတယ်။ မူဗီခရေဇီတွေကို ပထမဆုံး မိတ်ဆက်ပြောပြပေးချင်တဲ့ ရုပ်ရှင်ကတော့ ၀င်ငွေစံချိန်တင် နာမည်ကြီးဟောလိဝုဒ် Men In Black ရုပ်ရှင်ကားတွေရဲ့ လေးကားမြောက် နောက်ဆက်တွဲရုပ်ရှင်အနေနဲ့ ထွက်ရှိလာတဲ့ MIB: International ! Sci-Fi Action Comedy အမျိုးအစား ရုပ်ရှင်ကားတကားဖြစ်တဲ့ ဒီရုပ်ရှင်ကားကိုတော့ Sony Pictures Entertainment ကနေ ဖြန့်ချိလိုက်တာဖြစ်ပြီး အမရိကန်ရုပ်ရှင်ဒါ ရိုက်တာ F. Gary Gary က ရိုက်ကူးပုံဖော်ပေးထားတာ ဖြစ်ပါတယ်။ Men In Black နာမည်နဲ့ပဲ Malibu/Marvel Comics တွေကို အခြေခံပြီး ရုပ်ရှင်အနေနဲ့ ရိုက်ကူးပုံဖော်ခဲ့တဲ့ အရင်ရုပ်ရှင်ကား ၃ ကားကိုတော့ အမေရိကန်ရုပ်ရှင်ဒါရိုက်တာ Barry Sonnenfeld တယောက်တည်းက ရိုက်ကူးခဲ့တာ ဖြစ်ပါတယ်။ ပထမဆုံးရုပ်ရှင်ကို ၁၉၉၇ ခုနှစ်မှာ ရုံတင်ခဲ့ပြီး Men In Black II ကိုတော့ ၂၀၀၂ ခုနှစ်မှာ ရုံတင်ပြသခဲ့တာပါ။ တတိယမြောက်ရုပ်ရှင် Men In Black 3 ကိုတော့ ရှေ့က ကားနဲ့ ၁၀ နှစ်အကြာ ၂၀၁၂ ခုနှစ်မှာ ရုံတင်ပြသခဲ့တာ ဖြစ်ပါတယ်။ ခုထွက်ရှိလာတဲ့ ရုပ်ရှင်ကားထဲမှာတော့ MIB လန်ဒန် အခြေစိုက်ရုံးခွဲက Agent H နဲ့  Agent M တို့က ကမ္ဘာမြေပေါ်ကို ကျုးကျော်တိုက်ခိုက်နေကြတဲ့ Alien တွေကို နိုင်ငံတွေအနှံ့ လိုက်လံစုံစမ်းပြီး ရှင်းလင်းကြတာတွေကို ပရိသတ်တွေက ရှုစားကြရမှာ ဖြစ်ပါတယ်။ ဒီရုပ်ရှင်ကားထဲက အဓိက ဇာတ်ကောင်တွေအနေနဲ့ Agent H နေရာမှာ သြစ တြေးလျ သရုပ်ဆောင်မင်းသား Chris Hemsworth၊ အမေရိကန်သရုပ်ဆောင်မင်းသမီး Tessa Thompson ကတော့ Agent M အဖြစ် ပါဝင်ထားကြတာပါ။ သရုပ်ဆောင်မင်းသမီး Rebecca Ferguson ကတော့  Riza အမည်နဲ့ alien တယောက်နေရာက ပါဝင်ထားပြီး ဗြိတိန်သရုပ်ဆောင် မင်းသမီးကြီး Emma Thompson ကတော့ အမေရိကန် MIB အကြီးအကဲ Agent O အဖြစ် ပါဝင်ထားကြတာ ဖြစ်ပါတယ်။ ဒီကားထဲမှာ ပါဝင်တဲ့ ကြမ်းတမ်းတဲ့ တိုက်ခိုက်မှုတွေ၊ ဇာတ်ဝင်ခန်းမြင်ကွင်းတွေ၊ ပြကွင်းပြကွက်တွေ၊ ပြောစကား Dialog တွေက အသက် ၁၃ နှစ်အောက် ကလေးငယ်တွေ ကြည့်ရှုဖို့ မသင့်တော်တာမို့ ဒီကားကို ကြည့်မယ်ဆိုရင်တော့ မိဘအုပ်ထိန်းသူ ခွင့်ပြုချက် Guideline နဲ့မှ ကြည့်ရှုသင့်တဲ့ PG-13 အဆင့် သတ်မှတ်ထားပါတယ်။ ဒီကားကို ဘတ်ဂျက်အမေရိကန်ဒေါ်လာ သန်း ၁၁၀ အကုန်အကျခံ ရိုက်ကူးထားတာဖြစ်ပြီး အမေရိကန်နဲ့ ကနေဒါမှာတော့ ရုံတင်ပြသမယ့် ပထမ သီတင်းပတ်မှာတင် ၀င်ငွေ အမေရိကန်ဒေါ်လာ သန်း ၄၀ ရရှိနိုင်မယ်လို့ ခန့်မှန်းထားပါတယ်။ အရင်ထွက်ရှိခဲ့တဲ့ ရုပ်ရှင်ကား ၃ ကားလုံးဟာ ၀င်ငွေစံချိန်တင် ရရှိခဲ့ပြီး ပရိသတ် အားပေးမှုတွေ တခဲနက် ရရှိခဲ့တာမို့ ခုထွက်ရှိလာတဲ့ ၄ ကားမြောက် ရုပ်ရှင်ကိုလည်း ပရိ် သတ်တွေက စိတ်ဝင်စားနေကြတာပါ။ လတ်တလောမှာတော့ ဒီရုပ်ရှင်ကား Trailer ကို ယူကျု့ပေါ်မှာ ၀င်ရောက် ကြည့်ရှုကြတဲ့ အကြိမ်ရေ သန်း ၂၀ ကျော် ရှိနေခဲ့ပြီ ဖြစ်ပါတယ်။ ကြာမြင့်ချိန် မိနစ် ၁၂၀ ရှိတဲ့ ဒီရုပ်ရှင်ကားကိုတော့ လာမယ့် ဇွန်လ ၁၄ ရက်နေ့မှာ ရုံတင်ပြသတော့မှာ ဖြစ်ပါတယ်။ နောက်ထပ် မိတ်ဆက်ပြောပြပေးချင်တဲ့ ရုပ်ရှင်ကတော့ Action Crime Comedy အမျိုးအစား ဟောလိဝုဒ်ရုပ်ရှင်ကားတကားဖြစ်တဲ့ Shaft ! ဒီကားကိုတော့ နာမည်ကြီးရုပ်ရှင်ထုတ်လုပ်ရေးကုမ္ပဏီ New Line Cinema နဲ့ Warner Bros. Pictures တို့က ပူးပေါင်းတင်ဆက်လိုက်တာဖြစ်ပြီး အမေရိကန် ရုပ်ရှင် ထုတ်လုပ်သူနဲ့ ဒါရိုက်တာ Tim Story က ရိုက်ကူးပုံဖော်ပေးထားတာ ဖြစ်ပါတယ်။ ဒီကားကတော့ ရုံတင်ဝင်ငွေ စံချိန်တင်ရရှိခဲ့တဲ့ Shaft နာမည်နဲ့ပဲ ထွက်ရှိခဲ့တဲ့ ရုပ်ရှင်ကား Series တွေရဲ့ ၄ ကားမြောက် ရုပ်ရှင်အနေနဲ့ ထွက်ရှိလာခဲ့တာ ဖြစ်ပါတယ်။ ဒီကားထဲမှာတော့ အရင်ရုပ်ရှင်ထဲမှာ အလွတ်တန်းကြေးစားစုံထောက် John Shaft II အနေနဲ့ ပါဝင်ခဲ့တဲ့ ဟောလိဝုဒ်နာမည်ကြီး သရုပ်ဆောင်မင်းသား Samuel L. Jackson နဲ့အတူ တခြားသရုပ် ဆောင်မင်းသားမင်းသမီးတွေ ဖြစ်ကြတဲ့ Jessie Usher၊  Regina Hall နဲ့ Richard Roundtree တို့ကလည်း အတွဲညီညီ ပါဝင်ထားကြတာ ဖြစ်ပါတယ်။ အသားအရောင်၊ လိင်၊ လူမျိုးရေးခွဲခြားမှုမရှိပဲ အမှန်တရားအတွက် ကြမ်းကြမ်း ရမ်းပစ်ခတ်တိုက်ခိုက်မှုတွေနဲ့  Shaft Family ရဲ့ မျိုးဆက် ၃ ဆက်ကို ဒီကားထဲမှာ ပရိ သတ်တွေက ရှုစားကြရမှာပါ။ John Shaft II ရဲ့ သားဖြစ်တဲ့ John Shaft Jr. ဟာ FBI Agent တယောက်ဖြစ်ပြီး သူ့ရဲ့ သူငယ်ချင်းဖြစ်သူဟာ သံသယဖြစ်စရာကောင်းတဲ့ ဖြစ် ရပ်တခုကြောင့် ထူးဆန်းစွာပဲ သေဆုံးခဲ့ချိန်မှာတော့ ဖခင်ဖြစ်သူနဲ့ Shaft မိသားစုအကူ အညီနဲ့ စုံစမ်းဖော်ထုတ်ကြတာတွေကို ဒီကားထဲမှာ ရင်တထိတ်ထိတ်နဲ့ အပစ်အခတ် အက်ရှင်ဇာတ်လမ်းဇာတ်ကွက်တွေနဲ့ ရှုစားကြရမှာ ဖြစ်ပါတယ်။ ဒီကားထဲမှာ ပါဝင်တဲ့ ကြမ်းတမ်းတဲ့ တိုက်ခိုက်မှုတွေ၊ ဇာတ်လမ်းဇာတ်ကွက်တွေ၊ ပြောစကား Dialog တွေက အသက် ၁၇ နှစ်အောက် ကလေးငယ်တွေ ကြည့်ရှုဖို့ မသင့် တော်တာမို့ ဒီကားကို ကြည့်မယ်ဆိုရင်တော့ မိဘအုပ်ထိန်းသူ ခွင့်ပြုချက် Guideline နဲ့ မှ ကြည့်ရှုသင့်တဲ့ Restricted R အဆင့် သတ်မှတ်ထားပါတယ်။ ဒီရုပ်ရှင်ကားကိုတော့ ဘတ်ဂျတ် အမေရိကန်ဒေါ်လာ သန်း ၃၀ အကုန်အကျခံ ရိုက်ကူးထားတာဖြစ်ပြီး ဒီကားကို အမေရိကန်နဲ့ ကနေဒါမှာ ရုံတင်ပြသမယ့် ပထမသီ တင်းပတ်မှာတင် Box Office မှာ ၀င်ငွေ အမေရိကန်ဒေါ်လာသန်း ၂၀ နဲ့ ၂၂ သန်းကြား ရရှိနိုင်မယ်လို့ ခန့်မှန်းထားတာ ဖြစ်ပါတယ်။ ကြာမြင့်ချိန် ၁၀၅ မိနစ်ရှိတဲ့ ဒီကားကိုတော့ လာမယ့် ဇွန်လ ၁၄ ရက်နေ့မှာ ရုံတင် ပြသသွားမှာ ဖြစ်ပါတယ်။ မူဗီခရေဇီတွေကို နောက်ထပ်မိတ်ဆက်ပြောပြပေးချင်တဲ့ ရုပ်ရှင်ကတော့ မြန်မာ အချစ်ဒရာမာရုပ်ရှင်ကားတကားဖြစ်တဲ့ ကောင်းကင်တစ်ခု အလိုရှိသည် ! ဒီကားကိုတော့ ပါဝါကင်းရုပ်ရှင်ထုတ်လုပ်ရေးက တင်ဆက်လိုက်တာဖြစ်ပြီး လွန်း ထားထား(ဆေးတက္ကသိုလ်)ရဲ့ ၀တ္ထုကို ဒါရိုက်တာ ကိုဇော်(အရုဏ်ဦး)က ပုံဖော်ရိုက်ကူး ပေးထားတာပါ။ အချစ်နဲ့ မေတ္တာတရားကြား ပူလောင်မှုနဲ့ အေးချမ်းမှုတွေကို နှို်င်းယှဉ်ရိုက်ကူးပြ ထားတဲ့ ဒီရုပ်ရှင်ကားထဲမှာတော့ ချစ်သူစုံတွဲတွေကြားမှာ သံသယ၊ ပကာသန၊ အာဃာ တတရားတွေ စွက်လာချိန်မှာ ဘယ်လိုတွေ  ပူလောင်ကြရသလဲ၊ ဘာတွေဆက်ဖြစ်လာ မလဲ ဆိုတာတွေကို လေးပွင့်ဆိုင် အချစ်ဒရာမာ ဇာတ်လမ်းတပုဒ်အနေနဲ့ ပရိသတ်တွေ က ရှုစားကြရမှာ ဖြစ်ပါတယ်။ ဒီကားထဲမှာတော့ သရုပ်ဆောင် မင်းသားမင်းသမီးတွေ ဖြစ်ကြတဲ့ ခန့်စည်သူ၊ အောင်ရဲလင်း၊ အိချောပိုနဲ့ ပက်ထရစ်ရှာတို့ ခေါင်းဆောင်ပါဝင်ထားကြတာဖြစ်ပြီး တခြား သရုပ်ဆောင်တွေလည်း အားဖြည့် ပါဝင်ထားကြတာ ဖြစ်ပါတယ်။ ဒီရုပ်ရှင်ကားကိုတော့ ပြီးခဲ့တဲ့ ၃ နှစ်လောက်ကတည်းက ရိုက်ကူးထားခဲ့တာ ဖြစ်ပြီး အခုနှစ်မှ ရုံတင်ခွင့် ရရှိခဲ့တာ ဖြစ်ပါတယ်။ ကောင်းကင်တစ်ခု အလိုရှိသည် ရုပ်ရှင်ကားရဲ့ အထူးပွဲပြသမှုကိုတော့ ပြီးခဲ့တဲ့ ဇွန်လ ၂ ရက်နေ့က ရန်ကုန်မြို့၊ သမ္မတရုပ်ရှင်ရုံမှာ ပြုလုပ်ခဲ့တာဖြစ်ပြီး လတ်တလောမှာတော့ အမိုက်စား ဒိုင်ယာလော့ဂ်တွေနဲ့ ဒီရုပ်ရှင်ကား Trailer ဟာ ဖေ့စ်ဘွတ်ခ်ပေါ်မှာ ၀င်ရောက်ကြည့်ရှုကြတဲ့ အကြိမ်ရေ ၁ သန်းကျော် ရှိနေခဲ့တာပါ။ ဒီရုပ်ရှင်ကားကိုတော့ လာမယ့် ဇွန်လ ၁၃ ရက်နေ့ ရုံတင်ပြသတော့မှာ ဖြစ်ပါ တယ်။ ဒီတခါ ရုပ်ရှင်ချစ် ပရိသတ်တွေကို မိတ်ဆက်ပြောပြပေးချင်တာကတော့ Horror Zombie Comedy အမျိုးအစား ရုပ်ရှင်ကားတကားဖြစ်တဲ့ The Dead Don’t Die ! ဒီကားကိုတော့ ဟောလိဝုဒ်ရုပ်ရှင်ထုတ်လုပ်ရေးကုမ္ပဏီ Focus Features က တင်ဆက်လိုက်တာဖြစ်ပြီး အမေရိကန်ရုပ်ရှင် ဒါရိုက်တာ Jim Jarmusch က ရိုက်ကူးပုံ ဖော်ပေးထားတာ ဖြစ်ပါတယ်။ အမေရိကန်နိုင်ငံ၊ Ohio ပြည်နယ်ထဲက Centerville မြို့လေးဟာ မငြိမ်သက် မ ငြိမ်းချမ်းနိုင်တော့ပဲ သချိင်္ုင်းထဲက ထွက်လာတဲ့ Zombie တွေကြောင့် အထိတ်တလန့် ကျီးလန့်စာစား ဖြစ်နေကြတဲ့ ကာလတခုကို ရိုက်ကူးတင်ဆက်ထားတာ ဖြစ်ပါတယ်။ ဒါ ဟာ ဘာကြောင့်ဖြစ်ရတာလဲ။ ခုလိုအခြေအနေမှာ မြို့ငယ်လေးက တာဝန်ကျ ရဲအရာရှိ တွေအနေနဲ့ ဒီကိစ္စကို ဘယ်လိုဖြေရှင်းကြမလဲဆိုတာတွေကို ပရိသတ်တွေက ဒီကားထဲမှာ ရှုစားကြရမှာ ဖြစ်ပါတယ်။ ဒီကားထဲမှာတော့ ဟောလိဝုဒ်နာမည်ကြီး သရုပ်ဆောင်မင်းသားမင်းသမီးတွေ ဖြစ်ကြတဲ့ Bill Murray၊ Adam Driver၊ Tilda Swinton၊ Chloë Sevigny တို့နဲ့အတူ အဆိုတော် သရုပ်ဆောင်မင်းသမီး Selena Gomez ကလည်း ပါဝင်ထားခဲ့တာ ဖြစ်ပါ တယ်။ ဒီရုပ်ရှင်ကားကို ပြီးခဲ့တဲ့ မေလ ၁၄ ရက်နေ့က Cannes Film Festival မှာ ကန ဦး ပြသခဲ့တာဖြစ်ပြီး ပရိသတ်တွေကြား စိတ်ဝင်စားမှုတွေ မြင့်တက်ခဲ့တဲ့ ဇာတ်ကားတကား ဖြစ်ပါတယ်။ ဒီကားထဲမှာ ပါဝင်တဲ့ ကြမ်းတမ်းတဲ့ သွေးထွက်သံယိုမြင်ကွင်းတွေ၊ တိုက်ခိုက်မှု ဇာတ်ဝင်ခန်းတွေ၊ ပြောစကား Dialog တွေက အသက် ၁၇ နှစ်အောက် ကလေးငယ်တွေ ကြည့်ရှုဖို့ မသင့်တော်တာမို့ ဒီကားကို ကြည့်မယ်ဆိုရင်တော့ မိဘအုပ်ထိန်းသူ ခွင့်ပြုချက် Guideline နဲ့မှ ကြည့်ရှုသင့်တဲ့ Restricted R အဆင့် သတ်မှတ်ထားပါတယ်။ လတ်တလောမှာတော့ ဒီရုပ်ရှင်ကား Trailer ဟာ ယူကျုဘ်ပေါ်မှာ ၀င်ရောက် ကြည့်ရှုကြတဲ့ အကြိမ်ရေ ၁၀ သန်းနီးပါး ရှိနေခဲ့တာ ဖြစ်ပါတယ်။ ကြာမြင့်ချိန် ၁၀၃ မိနစ်ရှိတဲ့ ဒီရုပ်ရှင်ကားကိုတော့ လာမယ့် ဇွန်လ ၁၄ ရက်နေ့ ရုံတင်ပြသသွားမှာ ဖြစ်ပါတယ်။ မူဗီခရေဇီတွေကို နောက်ဆုံးမိတ်ဆက်ပြောပြပေးချင်တဲ့ ရုပ်ရှင်ကတော့ သိပ်မကြာခင်ကမှ နာမည်ကြီးရုပ်ရှင်ပွဲတော်တခုဖြစ်တဲ့ Cannes Film Festival မှာ အမြင့်ဆုံး ဆုဖြစ်တဲ့ Palme d'Or ဆုရရှိထားတဲ့ ကိုရီးယားရုပ်ရှင် Parasite ! ဒီကားကိုတော့ တောင်ကိုရီးယားရုပ်ရှင်ထုတ်လုပ်ရေးကုမ္ပဏီ CJEntertainment က တင်ဆက်လိုက်တာဖြစ်ပြီး ကိုရီးယားရုပ်ရှင် ဒါရိုက်တာ Bong Joon-ho က ရိုက်ကူး ပုံဖော်ပေးထားတာ ဖြစ်ပါတယ်။ ဒီရုပ်ရှင်ကားထဲမှာတော့ ရှုပ်ထွေးပေပွနေတဲ့ မြေအောက်ခန်းမှာ နေထိုင်ရတဲ့ ကို ရီးယားနိုင်ငံရဲ့ ဆင်းရဲသား မိသားစုတခုက ပေါက်ဖွားလာတဲ့ သားဖြစ်သူက ငွေကြေး ချမ်းသာတဲ့ မိသားစုတစုမှ သမီးဖြစ်သူကို စာသင်ပေးရတဲ့ ဆရာအလုပ်ကို ရရှိခဲ့ပြီးချိန်မှာ မျှော်လင့်မထားတဲ့ အလှည့်အပြောင်းတွေ၊ ဇာတ်လမ်းဇာတ်ကွက်တွေနဲ့ ပုံဖော်ဖန်တီး ထားခဲ့တာ ဖြစ်ပါတယ်။ ဒီကားထဲမှာတော့ ကိုရီးယားသရုပ်ဆောင်မင်းသားမင်းသမီးတွေ ဖြစ်ကြတဲ့ Song Kang-hoe၊ Lee Sun-kyun၊ Cho Yeo-jeong၊ Choi Woo-shik နဲ့ Park So-dam တို့က ခေါင်းဆောင် ပါဝင်ထားခဲ့ကြတာ ဖြစ်ပါတယ်။ လတ်တလောပြသနာတခုလိုဖြစ်နေတဲ့ ကမ္ဘာတစ်ဝန်း ချမ်းသာတဲ့ လူတန်းစားနဲ့ ဆင်းရဲတဲ့ လူတန်းစား ၂ စုအကြားက ကြီးမားတဲ့ ကွာဟချက်ကြောင့် ဖြစ်ပေါ်လာတဲ့ တင်းမာမှုတွေကို ဒါရိုက်တာ  Bong Joon-ho က ခိုင်ခိုင်မာမာထုတ်ဖော်ပြသနိုင်ခဲ့တယ် လို့ ရုပ်ရှင်ဝေဖန်ရေးသမားများတွေက ချီးကျူးခဲ့ကြတာပါ။ မနှစ်ကလည်း ဂျပန်ရုပ်ရှင်ကားတကားဖြစ်တဲ့ Shoplifters ရုပ်ရှင်က Palme d'Or ဆုကို ပထမဆုံးရရှိခဲ့ဖူးတာမို့ ခုထပ်ပြီးရရှိတဲ့ ကိုရီးယားရုပ်ရှင် Parasite ဟာ ဒုတိ ယမြောက်ရရှိတဲ့ အာရှရုပ်ရှင်ကားတကား ဖြစ်လာခဲ့တာ ဖြစ်ပါတယ်။ IMDb မှာ Rating 8.7 အထိ ရရှိထားတဲ့ ဒီရုပ်ရှင်ကားကိုတော့ ဘတ်ဂျတ် အမေ ရိကန်ဒေါ်လာ ၁၂ သန်းနီးပါး အကုန်အကျခံရိုက်ကူးထားတာဖြစ်ပါတယ်။ ကြာမြင့်ချိန် ၁၃၂ မိနစ်ရှိတဲ့ ဒီရုပ်ရှင်ကားကိုတော့ ကိုရီးယားနိုင်ငံမှာ ပြီးခဲ့တဲ့ မေ လ ၃၁ ရက်နေ့ကတည်းက ရုံတင်ပြသနေပြီး Box Office မှာ ၀င်ငွေစံချိန်တင်ရရှိနေတာ မို့ ပရိသတ်တွေအတွက် တင်ဆက်ပေးလိုက်တာ ဖြစ်ပါတယ်။ Movie Crazy-DVB အစီအစဉ်ကို အပတ်စဉ် ဗုဒ္ဓဟူးနေ့ ညတိုင်း ၇.၄၅ နာရီ၊ ၁၀.၄၅ နာရီတွေမှာ DVB TV channel ကနေ ပုံမှန်တင်ဆက်ပေးနေတာဖြစ်ပြီး မ ကြည့်ရှုလိုက်ရသူတွေအတွက် ကြာသပတေးနေ့မနက် ၉.၁၅ နာရီ၊ နေ့လည် ၁၂.၄၅ နာရီ၊ ၃.၁၅ နာရီ၊ သောကြာနေ့ နေ့လယ် ၂.၄၅ နာရီ၊ စနေနေ့ မနက် ၁၁.၄၅ နာရီနဲ့ တနင်္လာနေ့မနက် ၉.၄၅ နာရီတို့မှာ ပြန်လည်ထုတ်လွှင့်ပြသပေးနေတာ ဖြစ်ပါတယ်။ ဒီအစီအစဉ်မှာ Movie Crazy တွေအတွက် နိုင်ငံတကာနဲ့ မြန်မာရုပ်ရှင်ကားတွေ အကြောင်းကို ကောင်းနိုးရာရာ ရွေးချယ်တင်ဆက်ပေးနေတာဖြစ်ပြီး Movie Crazy-DVB ဆိုတဲ့ Facebook စာမျက်နှာကနေတဆင့်လည်း Like, Share နဲ့ Comment တွေပေးပြီးတော့ အားပေးနိုင်ပါတယ်။
3 years Ago

May 30, 2019

ရုပ်ရှင်ဝါသနာအိုးတို့အတွက် ဘယ်ရုံမှာ ဘာကားတွေပြနေသလဲ(ရုပ်သံ)

ဒီတပတ် ဒီဗွီဘီရဲ့ Movie Crazy – DVB အစီအစဉ်မှာ ရုပ်ရှင်ဝါသနာအိုးတွေ အ တွက် ပုံမှန်တင်ဆက်နေကြဖြစ်တဲ့ နိုင်ငံတကာနဲ့ ပြည်တွင်းက ကောင်းနိုးရာရာ ရုပ်ရှင် ဇာတ်ကားတွေကို ရွေးချယ်ဖော်ပြပေးလိုက်ပါတယ်။ မူဗီခရေဇီတွေကို ပထမဆုံးမိတ်ဆက်ပြောပြပေးချင်တဲ့ ရုပ်ရှင်ကတော့ လူကြီးလူ ငယ်မရွေး စိတ်ဝင်စားကြမယ့် Hollywood Action Adventure Monster ရုပ်ရှင်အမျိုး အစားရုပ်ရှင်ကားတကားဖြစ်တဲ့ Godzilla: King of the Monsters ! နာမည်ကြီးရုပ်ရှင်ထုတ်လုပ်ရေး ကုမ္ပဏီ Warner Bros. နဲ့ Legendary Pictures တို့ ပူးပေါင်းတင်ဆက်လိုက်တဲ့ ဒီရုပ်ရှင်ကားကိုတော့ အမေရိကန်ရုပ်ရှင်ဒါရိုက် တာ Michael Dougherty က ရိုက်ကူးပုံ ဖော်ပေးထားတာ ဖြစ်ပါတယ်။ Godzilla လို့ ပြောလိုက်တာနဲ့ ပရိသတ်တွေက ကြမ်းကြမ်းရမ်းရမ်း တိုက်ခိုက်မှု တွေနဲ့ ရုပ်ရှင်ကားတွေကို တခါပြန်ပြီး အမှတ်ရကြမှာပါ။ ဒီကားကတော့ ၂၀၁၄ ခုနှစ်က ထွက်ရှိခဲ့တဲ့ Godzilla ရုပ်ရှင်ရဲ့ နောက်ဆက်တွဲအနေနဲ့ ထွက်ရှိလာခဲ့တာဖြစ်ပါတယ်။ ဒီကားထဲမှာတော့ ဒဏ္ဍာရီထဲက ဧရာမသတ္တ၀ါကြီးတွေလို့ ယူဆထားကြပြီး ဟိုးအရင် ကမ္ဘာဦးကာလကတည်းက ရှိခဲ့တဲ့ Godzilla နဲ့ Titans တွေဖြစ်ကြတဲ့ Mothra ၊ Rodan နဲ့ ခေါင်းသုံးလုံး နဂါးသတ္တ၀ါကြီး King Ghidorah တို့ ထိပ်တိုက်တွေ့ဆုံတိုက် ခိုက် ကြတာတွေကို ရှုစားကြရမှာ ဖြစ်ပါတယ်။ နောက်ပြီး Godzilla လိုအကောင်ကြီးတွေကို လိုက်ပြီး စုံစမ်းထောက်လှမ်းနေတဲ့ လျှို့ဝှက်အဖွဲ့ဖြစ်တဲ့ Monarch နဲ့ရော ဘယ်လိုတွေ ထိပ်တိုက်တွေ့ဆုံမလဲဆိုတာကလည်း စိတ်ဝင်စားစရာ ကောင်းနေပါတယ်။ ဒီကားထဲမှာ ဟောလိဝုဒ်နာမည်ကြီး သရုပ်ဆောင်မင်းသားမင်းသမီးတွေ ဖြစ်ကြ တဲ့ Kyle Chandler ၊ Vera Farmiga ၊ Millie Bobby Brown ၊ Bradley Whitford ၊ Sally Hawkins တို့နဲ့အတူ တခြားသရုပ်ဆောင်တွေလည်း အများကြီး ပါဝင်ထားကြတာ ဖြစ်ပါတယ်။ ဒီရုပ်ရှင်ကားကို ဘတ်ဂျတ် အမေရိကန်ဒေါ်လာ သန်း ၂၀၀ အကုန်အကျခံ ရိုက် ကူးထားတာဖြစ်ပြီး ရုံတင်ပြသမယ့် ပထမသီတင်းပတ်မှာတင် ၀င်ငွေ အမေရိကန်ဒေါ် လာ သန်း ၅၀ ရရှိနိုင်မယ်လို့ ခန့်မှန်းထားတာ ဖြစ်ပါတယ်။ ဒီကားထဲမှာ ပါဝင်တဲ့ ကြမ်းကြမ်းရမ်းရမ်း တိုက်ခိုက်မှုတွေ၊ သွေးထွက်သံယိုမြင် ကွင်းတွေ၊ ဇာတ်ဝင်ခန်းတွေ၊ ပြောစကား Dialog တွေဟာ အသက် ၁၃ နှစ်အောက် က လေးငယ်တွေ ကြည့်ရှုဖို့ မသင့်တော်တာမို့ ဒီကားကို ကြည့်မယ်ဆိုရင်တော့ မိဘအုပ်ထိန်းသူ ခွင့်ပြုချက်နဲ့မှ ကြည့်ရှုသင့်တဲ့ PG-13 အဆင့် သတ်မှတ်ထားပါတယ်။ ကြာမြင့်ချိန် ၁၃၂ မိနစ်ရှိတဲ့ ဒီရုပ်ရှင်ကားကိုတော့ တရုတ်နိုင်ငံမှာ ပြီးခဲ့တဲ့ မေလ ၁၃ ရက်နေ့က ရုံတင်ပြသခဲ့ပြီး အမေရိကန်မှာတော့ လာမယ့် မေလ ၃၁ ရက်နေ့မှာ ရုံတင်ပြသတော့မှာ ဖြစ်ပါတယ်။ နောက်ထပ် မိတ်ဆက်ပြောပြပေးချင်တဲ့ ရုပ်ရှင်ကတော့ စိတ္တဇဆန်ဆန် Psycho- logical Thriller အမျိုးအစား ရုပ်ရှင်ကားတကားဖြစ်တဲ့ Ma ! ဒီကားကိုတော့ နာမည်ကြီး ရုပ်ရှင်ကုမ္ပဏီ Universal Pictures က တင်ဆက် လိုက်တာဖြစ်ပြီး ၂၀၁၆ ခုနှစ်က ထွက်ရှိခဲ့ပြီး Box Office မှာ ၀င်ငွေစံချိန်တင်အောင် မြင်ခဲ့တဲ့ The Girl on the Train ရုပ်ရှင်ကားရဲ့ ဖန်တီးရှင် အမေရိကန်ရုပ်ရှင်ဒါရိုက်တာ Tate Taylor က ရိုက်ကူးပုံဖော်ပေးထားတာ ဖြစ်ပါတယ်။ Sue Ann ဆိုတဲ့ အမျိုးသမီးတယောက်ဟာ အမေရိကန်နိုင်ငံ၊ Ohio ပြည်နယ်ထဲ က မြို့ငယ်လေးတမြို့က အိမ်ကြီးထဲမှာ တယောက်တည်း နေထိုင်ပါတယ်။ တရက်မှာတော့ သူဟာ ဆယ်ကျော်သက်အုပ်စုတစုနဲ့ မိတ်ဆွေဖွဲ့ဖြစ်ကြပြီး သူ့အိမ်မှာ ပါတီလုပ်ဖို့ ဖိတ်လိုက်တယ်။ ဒါပေမယ့် ထူးဆန်းတဲ့ ဒီအိမ်ထဲမှာ စည်းမျဉ်းတချို့လည်း ရှိနေပါတယ်။ အိမ်ထဲမှာ မကျိန်ဆဲဖို့၊ အိမ်ရဲ့ အပေါ်ထပ်လှေကားကို မတက်ဖို့ စတဲ့စည်းကမ်းတွေ ဖြစ်ပါတယ်။ ဆယ်ကျော်သက် ကေလးတွေက ဒီစည်းကမ်းတွေ ဖောက်ဖျက်မိတဲ့အခါမှာတော့ ဘာတွေဆက်ဖြစ်ကြမလဲ။ ဒီအမျိုးသမီးကြီးရဲ့ ရည်ရွယ်ချက်ကရော ဘာဖြစ်မလဲ။ အိမ်ကြီးထဲမှာ ဘယ်လို ထိတ်လန့်သွေးပျက်စရာ ခြောက်ခြားစရာ အဖြစ်အပျက်တွေ ကြုံတွေ့ကြရမလဲဆိုတာကိုတော့ ရုံတင်ပြသချိန်မှာ စောင့်မျှော်ကြည့်ရှုကြရမှာ ဖြစ်ပါတယ်။ ဒီကားထဲမှာတော့ ရွှေကမ္ဘာလုံးဆုအပါအ၀င် ရုပ်ရှင်ထူးချွန်ဆုတွေ အများကြီးရရှိ ထားတဲ့ ဟောလိဝုဒ်လူမည်းသရုပ်ဆောင် မင်းသမီး Octavia Spencer က ခေါင်း ဆောင်ပါဝင်ထားပြီး တခြားသရုပ်ဆောင်တွေဖြစ်ကြတဲ့ Juliette Lewis ၊ Diana Silvers ၊ Luke Evans စတဲ့ သရုပ်ဆောင်တွေလည်း ပါဝင်ထားကြတာ ဖြစ်ပါတယ်။ ဘတ်ဂျတ်အမေရိကန်ဒေါ်လာ ၅ သန်း အကုန်အကျခံရိုက်ကူးထားတဲ့ ဒီရုပ်ရှင် ကားကိုတော့ ရုံတြင်ပြသမယ့် ပထမသီတင်းပတ်မှာတင် ၀င်ငွေအမေရိကန်ဒေါ်လာ သန်း ၂၀ နီးပါး ရရှိနိုင်မယ်လို့ ခန့်မှန်းထားပါတယ်။ ဒီကားထဲမှာ ပါဝင်တဲ့ သွေးပျက်ထိတ်လန့်စရာကောင်းတဲ့ ဇာတ်ဝင်ခန်းမြင်ကွင်း တွေ၊ ပြကွင်းပြကွက်တွေ၊ ပြောစကား Dialog တွေဟာ အသက် ၁၇ နှစ်အောက် က လေးငယ်တွေ ကြည့်ရှုဖို့ မသင့်တော်တာမို့ ဒီကားကို ကြည့်မယ်ဆိုရင်တော့ မိဘအုပ် ထိန်းသူခွင့်ပြုချက် Guideline နဲ့မှ ကြည့်ရှုသင့်တဲ့ Restricted R အဆင့် သတ်မှတ် ထားပါတယ်။ ကြာမြင့်ချိန် ၉၉ မိနစ်ရှိတဲ့ ဒီရုပ်ရှင်ကားကိုတော့ လာမယ့် မေလ ၃၁ ရက်နေ့မှာ ရုံ တင်ပြသတော့မှာ ဖြစ်ပါတယ်။ မူဗီခရေဇီတွေကို နောက်ထပ် မိတ်ဆက်ပြောပြပေးချင်တဲ့ ရုပ်ရှင်ကတော့ လူငယ် အချစ်ဒရာမာအမျိုးအစား မြန်မာရုပ်ရှင်ကားတကားဖြစ်တဲ့ ဧည့်သည် ! ဒီကားကိုတော့ 7th Sense ရုပ်ရှင်ထုတ်လုပ်ရေးက တင်ဆက်လိုက်တာဖြစ်ပြီး မိုးနီလွင်ရဲ့ ဇာတ်လမ်း၊ ဇာတ်ညွှန်းကို ဒါရိုက်တာ ညွန့်မြန်မာ ညီညီအောင်က ရိုက်ကူးပုံ ဖော်ပေးထားတာ ဖြစ်ပါတယ်။ ဒီကားထဲမှာတော့ နေလ၊ မြူမိုး၊ နှင်းနုစတဲ့ လူငယ် ဇာတ်ကောင်တွေရဲ့ ဆွတ်ပျံ့ လွမ်းမောစရာ အချစ်ဇာတ်လမ်းကို လှလှပပ ပုံဖော်ရိုက်ကူးထားခဲ့တာ ဖြစ်ပြီး ဘယ်လို အလှည့်အပြောင်းတွေ၊ ဇာတ်လမ်းဇာတ်ကွက်တွေနဲ့ ပုံဖော်ဖန်တီးထားမလဲဆိုတာကိုတော့ ပရိသတ်တွေက မကြာခင်မှာ ရှုစားကြရတော့မှာ ဖြစ်ပါတယ်။ ဒီကားထဲမှာ ရွှေထူး၊ ရွှေမှုံရတီ၊ နေခြည်ဦးတို့နဲ့အတူ ဧည့်သည်သရုပ်ဆောင်အဖြစ် ဖြိုးငွေစိုးကလည်း ပါဝင်အားဖြည့်ထားခဲ့ပြီး တခြားသရုပ်ဆောင်တွေလည်း အများ ကြီးပါဝင်ထားကြတာ ဖြစ်ပါတယ်။ ဒီရုပ်ရှင်ကားဟာ ရွှေမှုံရတီနဲ့ ရွှေထူးတို့ ပထမဆုံးဆုံတဲ့ ရုပ်ရှင်ကားကြီးလည်း ဖြစ်သလို ရွှေထူးရဲ့ သရုပ်ဆောင်မှုတွေအပေါ်လည်း ကောင်းမွန်တဲ့ ဝေဖန်မှတ်ချက်တွေ ရရှိထားတဲ့ ရုပ်ရှင်ကားတကား ဖြစ်ပါတယ်။ Beauty Blogger တယောက်အနေနဲ့ လူသိများတဲ့ နေခြည်ဦးကတော့ ဒါဟာ သူ့ ရဲ့ ဒုတိယမြောက် ရုံတင်မယ့် ရုပ်ရှင်ကားဖြစ်လာပြီး ပထမဆုံးရုံတင်ခဲ့တဲ့ ရန်သူရုပ်ရှင်နဲ့ တင် အမှတ်ပေးခံခဲ့ရတဲ့ သူ့အတွက် နောက်ထပ်မှတ်တိုင်တခုပဲ ဖြစ်နေပါတယ်။ ဧည့်သည်ရုပ်ရှင်ကားရဲ့ အထူးပွဲပြသမှုကိုတော့ ပြီးခဲ့တဲ့ မေလ ၂၂ ရက်နေ့က ရန် ကုန်မြို့၊ Junction City ရုပ်ရှင်ရုံမှာ ပြုလုပ်ခဲ့တာဖြစ်ပြီး ပရိသတ်တွေကြားမှာ ရေပန်းစား နေခဲ့တာပါ။ ဖေ့စ်ဘွတ်ခ်အင်တာနက်လူမှုကွန်ရက်စာမျက်နှာပေါ်မှာတော့ ဒီရုပ်ရှင်ကား Trailer ဟာ ၀င်ရောက်ကြည့်ရှုကြတဲ့ အကြိမ်ရေ ၃ သန်းနီးပါး ရှိနေခဲ့ပါတယ်။ ဒီရုပ်ရှင်ကားကိုတော့ လာမယ့် မေလ ၃၀ ရက်နေ့မှာ ရုံတင်ပြသတော့မှာ ဖြစ်ပါ တယ်။ နောက်ထပ် မိတ်ဆက်ပြောပြပေးချင်တဲ့ ရုပ်ရှင်ကတော့ ထူးထူးခြားခြား ဟင်ဒီစ ကားပြော Supernatural Horror အမျိုးအစား ရုပ်ရှင်ကားတကားဖြစ်တဲ့ Khamoshi ! ဒီကားကိုတော့ အိန္ဒိယ-အမေရိကန်ရုပ်ရှင် ဒါရိုက်တာ Chakri Toleti က ရိုက်ကူး ပုံဖော်ပေးထားတာဖြစ်ပြီး Pooja ရုပ်ရှင်ထုတ်လုပ်ရေးက တင်ဆက်လိုက်တာ ဖြစ်ပါ တယ်။ ဒီကားကတော့ ၂၀၁၆ ခုနှစ်မှာ ထွက်ရှိခဲ့တဲ့ Hush အမည်ရတဲ့ ဟောလိဝုဒ်ရုပ် ရှင်ကားကို ဟင်ဒီဘာသာစကားပြောရုပ်ရှင်အနေနဲ့ ပြန်ရိုက်ထားတာ ဖြစ်ပါတယ်။ ဒီကားထဲမှာတော့ သစ်တောတခုထဲက စွန့်ပစ်ထားတဲ့ အိမ်ကြီးထဲမှာ ကြောင်လေးတကောင်နဲ့အတူ နေထိုင်တဲ့ နားမကြား၊ စကားမပြောတတ်တဲ့ ကောင်မလေးတယောက်က အိမ်တံခါးဝကို ရောက်လာတဲ့ ထူးဆန်းတဲ့ လူသတ်သမားလက်ကနေ လွတ်မြောက်အောင် ဘယ်လိုတိုက်ခိုက် ရုန်းကန်ရမလဲ ဆိုတာတွေကို ရင်တထိတ်ထိတ်နဲ့ ရှုစားကြရမှာ ဖြစ်ပါတယ်။ လူသတ်သမားကရော ဘယ်က ပေါ်လာခဲ့တာလဲ။ ဒီနောက်ကွယ်မှာရော ဘယ်လိုအကြောင်းအရာတွေ ရှိနေမလဲဆိုတာကိုတော့ ရုံတင်ပြသတဲ့ အ ချိန်မှာ ပရိသတ်တွေက ကြည့်ရှုနိုင်မှာ ဖြစ်ပါတယ်။ ဒီကားထဲမှာတော့ အိန္ဒိယသရုပ်ဆောင်မင်းသားမင်းသမီးတွေ ဖြစ်ကြတဲ့ Prabhu Deva၊ Tamannaah၊ Bhumika Chawla တို့နဲ့အတူ တခြားသရုပ်ဆောင်တွေလည်း ပါဝင်ထားကြတာ ဖြစ်ပါတယ်။ ထူးခြားတာကတော့ ဒီရုပ်ရှင်ကားကို လန်ဒန်မှာ တကားလုံးကို အချိန် ၂၅ ရက်တည်းနဲ့ ရိုက်ကူးပြီးစီးခဲ့တာ ဖြစ်ပါတယ်။ ဒီကားကို အိန္ဒိယမှာတော့ လာမယ့် မေလ ၃၁ ရက်နေ့မှာ ကနဦးပြသမှာဖြစ်ပြီး တကမ္ဘာလုံးမှာတော့ ဇွန်လ ၁၄ ရက်နေ့မှာ ရုံတင်ပြသတော့မှာ ဖြစ်ပါတယ်။ မူဗီခရေဇီတွေကို နောက်ဆုံးမိတ်ဆက်ပြောပြပေးချင်တဲ့ ရုပ်ရှင်ကတော့ မြန်မာ အိမ်ထောင်ရေးနဲ့ ဘ၀သရုပ်ဖော်ဒရာမာ ပရိသတ်တွေ အကြိုက်တွေ့ကြမယ့် စရိုက် ! ဒီရုပ်ရှင်ကားကိုတော့ အောင်ခေတ်မင်းရုပ်ရှင်ထုတ်လုပ်ရေးက တင်ဆက်လိုက် တာဖြစ်ပြီး မိုက်မိုက်(ပြည်)ရဲ့ ဇာတ်လမ်းကို မိုးနီလွင်က ဇာတ်ညွှန်းခွဲပြီး ဒါရိုက်တာ သြရသက ရိုက်ကူးပုံဖော်ပေးထားတာ ဖြစ်ပါတယ်။ ဒီရုပ်ရှင်ကားကတော့ ဒေါင်ဒေါင်မြည်တဲ့အသည်းအမည်နဲ့ ထွက်ရှိခဲ့ဖူးတဲ့ ရုပ်ရှင်ကားကို အသစ်တဖန်ပြန်လည်ရိုက်ကူးထားတာဖြစ်ပြီး ခက်ခဲကြမ်းတမ်းတဲ့ အခြေခံလူ တန်းစားတွေရဲ့ ဘ၀တွေထဲက ထူးခြားတဲ့ စရိုက်တွေနဲ့ အကြောင်းအရာတွေကို ရိုက်ကူးတင်ဆက်ထားခဲ့တာ ဖြစ်ပါတယ်။ အိမ်ထောင်ရေးကံမကောင်းတဲ့၊ ရပ်ကွက်ထဲ ထီကနဲဆို ထမီစွန်တောင်ဆွဲ ရန်ဖြစ်လုံးထွေးသတ်ပုတ်နေကျ မုန့်ဟင်းခါးသည် ဘဲဥမ၊ သမီးဖြစ်သူ ပိုက်ဆံပုံးထဲက ပိုက်ဆံနှိုက်၊ အိမ်မှာ ဖဲဝိုင်းထောင်၊ ယောက်ျားတွေ တရုန်းရုန်းနဲ့ ရှိနေတတ်တဲ့ မိခင်မုဆိုးမ မရင်လှ၊ ဒါတွေကို ဘေးအိမ်က မြင်နေကျ၊ ဘဲဥမကို လိမ္မာလာအောင် ဆုံးမသွန်သင်ချင်တဲ့ ရိုးရိုးအေးအေး ကျောင်းဆရာ လူပျိုကြီး ညိုထွန်းလူ၊ အပြောကောင်းကောင်းနဲ့ ရှုပ်ပွေတတ်တဲ့ ကားစပယ်ယာ တင်မောင်ဝင်းစတဲ့ ဇာတ်ကောင်တွေနဲ့ ဖန်တီးရိုက်ကူးထားတာ  ဖြစ်ပါတယ်။ ဒီကားထဲမှာ ၀ါရင့်နာမည်ကြီးသရုပ်ဆောင်တွေ ဖြစ်ကြတဲ့ လူမင်း၊ ထွန်းအိန္ဒြာဗို၊ ခိုင်သင်းကြည်နဲ့ လူငယ်သရုပ်ဆောင် ကျော်ထက်အောင်တို့က ခေါင်းဆောင်ပါဝင်ထား ကြတာ ဖြစ်ပါတယ်။ အရင်က ရုပ်ရှင်ကားထဲမှာတော့ ဘဲဥမအဖြစ် ၀ါရင့်သရုပ်ဆောင်မင်းသမီးကြီး ၀ါဝါ၀င်းရွှေက သရုပ်ဆောင်ခဲ့တာဖြစ်ပြီး သူ့ရဲ့ မူရင်းရုပ်ရှင်နာမည်ပျောက်ပြီး ဘဲဥမရုပ်ရှင် ဆိုပြီး နာမည်ကြီးခဲ့တာ ဖြစ်ပါတယ်။ စရိုက်ရုပ်ရှင်ကားရဲ့ အထူးပွဲပြသမှုကိုတော့ ပြီးခဲ့တဲ့ မေလ ၂၅ ရက်နေ့က ရန် ကုန်မြို့၊ သမ္မတရုပ်ရှင်ရုံမှာ ပြုလုပ်ခဲ့တာပါ။ လတ်တလောမှာတော့ ဒီရုပ်ရှင်ကား Trailer ဟာ ဖေ့စ်ဘွတ်ခ်အင်တာနက်စာ မျက်နှာပေါ်မှာ ၀င်ရောက်ကြည့်ရှုကြတဲ့ အကြိမ်ရေ သန်းနဲ့ချီ ရှိနေခဲ့တာ ဖြစ်ပါတယ်။ ဒီကားကိုတော့ လာမယ့် မေလ ၃၀ ရက်နေ့မှာ ရုံတင်ပြသသွားမှာ ဖြစ်ပါတယ်။ Movie Crazy-DVB အစီအစဉ်ကို အပတ်စဉ် ဗုဒ္ဓဟူးနေ့ ညတိုင်း ၇.၄၅ နာရီ၊ ၁၀.၄၅ နာရီတွေမှာ DVB TV channel ကနေ ပုံမှန်တင်ဆက်ပေးနေတာဖြစ်ပြီး မ ကြည့်ရှုလိုက်ရသူတွေအတွက် ကြာသပတေးနေ့မနက် ၉.၁၅ နာရီ၊ နေ့လည် ၁၂.၄၅ နာရီ၊ ၃.၁၅နာရီ၊ သောကြာနေ့ နေ့လည် ၂.၄၅ နာရီ၊ စနေနေ့ မနက် ၁၁.၄၅ နာရီနဲ့ တ နင်္လာနေ့မနက် ၉.၄၅ နာရီတို့မှာ ပြန်လည် ထုတ်လွှင့်ပြသပေးနေတာ ဖြစ်ပါတယ်။ ဒီအစီအစဉ်မှာ Movie Crazy တွေအတွက် နိုင်ငံတကာနဲ့ မြန်မာရုပ်ရှင်ကား တွေ အကြောင်းကို ကောင်းနိုးရာရာ ရွေးချယ်တင်ဆက်ပေးနေတာဖြစ်ပြီး Movie Crazy-DVB ဆိုတဲ့ Facebook စာမျက်နှာကနေတဆင့်လည်း Like, Share နဲ့ Comment တွေပေးပြီး တော့ အားပေးနိုင်ပါတယ်။
3 years Ago
More News
Up