ဘရာဇီးကလပ်

August 14, 2022

အသက်အန္တရာယ်ခြိမ်းခြောက်ခံရသဖြင့် ဘရာဇီးကလပ်နှင့် ဝီလျံလမ်းခွဲ

ချဲလ်ဆီးနဲ့ အာဆင်နယ်ကစားသမားဟောင်း ဝီလျံဟာ အသက်အန္တရာယ်ခြိမ်းခြောက်ခံရမှုကြောင့် ဘရာဇီးကလပ် ကိုရင်တီယန်နဲ့ လမ်းခွဲလိုက်ပါတယ်။ 

အသက် ၃၄ နှစ်ရှိ ဝီလျံဟာ ပြီးခဲ့တဲ့နှစ်ကတည်းက အာဆင်နယ်ကနေ ကိုရင်တီယန်ကို ပြောင်းရွှေ့ကစားခဲ့ပြီး စုစုပေါင်း ၄၅ ပွဲမှာ တစ်ဂိုးသာ သွင်းနိုင်ခဲ့ပါတယ်။

နောက်ဆုံး ၉ ပွဲမှာ ၅ ပွဲရှုံးနိမ့်ခဲ့ပြီး ဖလာမင်ဂိုနဲ့ ရှုံးထွက်ကွာတားဖိုင်နယ်မှာလည်းရှုံးနိမ့်ခဲ့တဲ့အပေါ် ဝီလျံအပေါ် အပြစ်ပုံချကြပြီး ခြိမ်းခြောက်မှုတွေခံခဲ့ရတာပါ။ 

“ကိုရင်တီယန် အသင်းရှုံးပွဲကြုံတိုင်းနဲ့ ကျနော်ကစားပုံမကောင်းတဲ့အချိန်တိုင်းမှာ ကျနော့် မိသားစုကို ဆိုရှယ်မီဒီယာကနေ ခြိမ်းခြောက်မှုတွေနဲ့ စော်ကားမှုတွေခံရတယ်။ ကျနော့ ဇနီးနဲ့ကလေးတွေအပြင် ကျနော့်အဖေနဲ့ အစ်မအထိပါ အသက်အန္တရာယ်ခြိမ်းခြောက်ခံနေရတယ်” လို့ ဝီလျံက ပြောပါတယ်။

ကိုရင်တီယန်အသင်းဥက္ကဋ္ဌကလည်း ဝီလျံဘက်က  စာချုပ်ဖျက်သိမ်းခွင့်တောင်းဆိုထား ကြောင်းအတည်ပြုခဲ့ပြီး မျှော်လင့်ထားသလိုမဖြစ်ခဲ့လို့ ဝီလျံအတွက် ဝမ်းနည်းမိတယ်လို့ဆိုပါတယ်။ ဝီလျံဟာ ပရီးမီးယားလိဂ်ကလပ် ဖူဟမ်အသင်းဆီ ပြောင်းရွှေ့လာဖို့ရှိပါတယ်။

2 days Ago

May 22, 2020

အက်သလက်တီကို မင်နဲရိုးအသင်း တင်းကျပ်သည့်စည်းကမ်းများဖြင့် လေ့ကျင့်ခန်းပြန်စ

ဘရာဇီးကလပ် အက်သလက်တီကို မင်နဲရိုးအသင်းဟာ တင်းကျပ်တဲ့ စည်းကမ်းတွေနဲ့ လေ့ကျင့်ခန်း ပြန်လည်စတင်ခဲ့ပါတယ်။  ဘရာဇီးနိုင်ငံဟာ တောင်အမေရိကမှာ ကိုရိုနာဗိုင်းရပ်စ်ရောဂါ ကူးစက်မှု အများဆုံးနိုင်ငံဖြစ်ပါတယ်။ ဒီနေ့မနက်ပိုင်းအထိ လူပေါင်း ၃ သိန်း ၁ သောင်းကျော် ကူးစက်ခံထားရပြီး သေဆုံးသူ ၂ သောင်းကျော်ရှိဖြစ် ဖြစ်ပါတယ်။ အက်သလက်တီကို မင်နဲရိုးအသင်းကတော့ မေ ၂၀ ရက်နေ့က လေ့ကျင့်ခန်းပြန်ဆင်းခဲ့တာပါ။  ကစားသမား ၅ ဦးစီကို သီးခြားစီခွဲ လေ့ကျင့်စေခဲ့တာဖြစ်ပြီး အသုံးအဆောင်ပစ္စည်းတွေကိုလည်း အိမ်ကနေယူဆောင်လာဖို့ အသင်းက စည်းကမ်းသတ်မှတ် ထားပါတယ်။  အစားအသောက်တွေကအစ အသင်းကနေ ကျွေးမွေးခြင်းမရှိတော့ဘဲ ကိုယ့်အစီ အစဉ်နဲ့ကိုယ် တာဝန်ယူစေခဲ့ပြီး တဆင့်ချင်းစီသွားရမယ်လို့ အသင်းဆရာဝန် ဒေါက်တာ ရိုဒရီဂို လက်စ်မာက ပြောပါတယ်။  ဘရာဇီးလိဂ်ပြိုင်ပွဲကို ပြီးခဲ့တဲ့ မတ်လ ၁၅ ရက်ကတည်းက ရပ်နားထားခဲ့တာပါ။ ဘရာဇီးသမ္မတ ဂျားဘော်လ်ဆန်နာရိုကတော့ ပြိုင်ပွဲကို အမြန်ဆုံးပြန်လည်ကျင်းပဖို့ ဆန္ဒရှိပေမယ့် ဗိုင်းရပ်စ်ကူးစက်မူ များပြားနေတာကြောင့် မျှော်မှန်းထားတာထက် နောက်ကျပြီးမှ ပြန်လည်စတင်နိုင်ဖို့ ရှိနေပါတယ်။ 
2 years Ago
Up