ဘရန့်ဖို့ဒ်

A d v e r t i s e m e n t With Us

January 6, 2021

စပါးအသင်းက ဘရန့်ဖို့ဒ်ကို (၂-၀) ဂိုးဖြင့်နိုင်ပြီး ကာရာဘောင်ဖလား ဗိုလ်လုပွဲတက်ရောက် 

ဒီမနက်အစောပိုင်းကန်သွားတဲ့ ကာရာဘောင်ဖလားရဲ့ဆီမီးဖိုင်နယ်ပွဲစဉ်မှာ စပါးအသင်းဟာ ဘရန့်ဖို့ဒ်အသင်းကို ၂ ဂိုးဂိုးမရှိနဲ့နိုင်ပြီး နောက်ဆုံးဗိုလ်လုပွဲကို တက်ရောက်သွားပါတယ်။ စပါးအသင်းအတွက် အဖွင့်ဂိုးကို ပထမပိုင်း ပွဲချိန် ၁၂ မိနစ်မှာ ဆစ်ဆိုကိုက သွင်းယူပေးခဲ့ပြီး ဒုတိယအနိုင်ဂိုးကိုတော့ ဒုတိယပိုင်း ပွဲချိန် မိနစ် ၇၀ မှာ ဆွန်ဟောင်မင်က သွင်းယူပေးနိုင်တဲ့အတွက်  ဗိုလ်လုပွဲကို တက်ရောက်သွားတာပါ။ ဗိုလ်လုပွဲမှာတော့ ဇန်နဝါရီ ၆ ရက်မှာ ကန်မယ့် ဆီမီးဖိုင်နယ်ပွဲစဉ်ဖြစ်တဲ့ မန်ချက်စတာ ၂ သင်း ယှဉ်ပြိုင်မှုကနေ အနိုင်ရရှိခဲ့တဲ့အသင်းနဲ့ စပါးအသင်းတို့ ယှဉ်ပြိုင်ကစားရမှာ ဖြစ်ပါတယ်။  ကာရာဘောင်ဖလား ဗိုလ်လုပွဲကို ဧပြီလမှာ ကျင်းပမှာဖြစ်တာကြောင့် မော်ရင်ဟိုရဲ့စပါးအသင်းအနေနဲ့ ပရီးမီးယားလိဂ်၊  အက်ဖ်အေဖလားနဲ့ ယူရိုပါလိဂ်ဖလားတို့ကို အာရုံစိုက်ဖို့ကြားထဲမှာ အချိန်တော့ရရှိနေဦးမှာပါ။ နည်းပြ မော်ရင်ဟိုဟာ သူ့အသင်းကို တစ်ရာသီအပြည့်ပထမဆုံးစကိုင်တဲ့ရာသီမှာတင် ဗိုလ်လုပွဲတစ်ခုဆီ ရောက်အောင်ပို့ဆောင်ပေးနိုင်ခဲ့တာကို ဂုဏ်ယူပေမဲ့ ကာရာဘောင် ဗိုလ်လုပွဲကို ခဏမေ့ထားပြီး အနီးကပ်ဆုံးပြိုင်ပွဲတွေကိုပဲ အာရုံစိုက်သွားမယ်လို့ မော်ရင်ဟိုက ပြောပါတယ်။ ဝင်ဘာလေကွင်းမှာ ဗိုလ်လုပွဲသွားမခင် ပွဲကြပ်ကာလတစ်ခုကို ဖြတ်သန်းရတော့မှာဖြစ်လို့ ကာရာဘောင်ပြိုင်ပွဲကို ခဏမေ့ထားသင့်တယ်လို့လည်း စပါးနည်းပြမော်ရင်ဟိုကပြောပါတယ်။ “ဗိုလ်လုပွဲဆိုပေမယ့် ကျနော်တို့ ဒါပွဲကို  ၃ လအကြာမှ ကန်ရမှာဖြစ်ပါတယ်။ ဒါ့ကြောင့် ကျနော်တို့အနေနဲ့ ဗိုလ်လုပွဲကို စောင့်မျှော်ရင်း နောင်လာမယ့် အနီးကပ်ပွဲစဉ်တွေကို အာရုံစိုက်ရပါမယ်။ ကျနော်တို့  အက်ဖ်အေ၊ ပရီးမီးယားလိဂ်နဲ့ ယူရိုပါလိဂ်ပွဲတွေကို ကစားရဖို့ရှိပါတယ်။ ဒါ့ကြောင့် အခုချိန်မှာ ဗိုလ်လုပွဲကို မေ့ထားရပါမယ်။” ဒါပေမဲ့ ဧပြီလရောက်ပြီဆိုရင်တော့ ဒီဖလားအတွက် တိုက်ပွဲဝင်ဖို့ ကျနော်တို့ အဆင်သင့်ဖြစ်နေရပါမယ်လို့လည်း နည်းပြမော်ရင်ဟိုက ပြောပါတယ်။
2 months Ago

September 9, 2020

ဘရန့်ဖို့ဒ်တိုက်စစ်မှူး ဝက်ကင်စ်ကို ပေါင် ၃၃ သန်းဖြင့် အက်စတွန်ဗီလာ ခေါ်ယူ

အက်စတွန်ဗီလာအသင်းဟာ ချန်ပီယံရှစ်ကလပ် ဘရန့်ဖို့ဒ်တိုက်စစ်မှူး အိုလိုင်ဝက်ကင်စ်ကို စံချိန်တင် ပြောင်းရွှေ့ကြေးနဲ့ခေါ်ယူဖို့ သဘောတူညီမှုရသွားပါတယ်။ အသက် ၂၄ နှစ်ရှိ အင်္ဂလန်သား ဝက်ကင်စ်ဟာ ပြီးခဲ့တဲ့နှစ်ချန်ပီယံရှစ်ပြိုင်ပွဲမှာ သွင်းဂိုး ၂၆ဂိုး ရခဲ့ပြီး ဘရန့်ဖို့ဒ်အသင်းက အမှတ်ပေးဇယားအဆင့် ၃ နေရာမှာ ရပ်တည်နိုင်ခဲ့တာပါ။  ဗီလာအသင်းက ကနဦးအနေနဲ့ ပေါင် ၂၈ သန်း ပေးချေမှာဖြစ်ပြီး ထပ်ဆောင်းဆုကြေးတွေနဲ့ ပေါင်းမယ်ဆိုရင် ပေါင် ၃၃ သန်းအထိ ပေးချေရနိုင်တယ်လို့ သိရပါတယ်။  ဗီလာအသင်း သမိုင်းတလျှောက် တန်ဖိုးအမြင့်ဆုံး ခေါ်ယူမှုဖြစ်ခဲ့ပြီး ချန်ပီယံရှစ်က ကစားသမားတွေထဲမှာ ဒုတိယမြောက် တန်ဖိုးအမြင့်ဆုံး ဖြစ်ခဲ့ပါတယ်။
6 months Ago
More News
Up