ဘယ်လာရုစ်

October 27, 2020

ဘယ်လာရုစ်နိုင်ငံတွင် ဆန္ဒပြသူ ဒါဇင်ချီ ဖမ်းဆီးထိန်းသိမ်းခံရ 

ဘယ်လာရုစ်နိုင်ငံမှာ အောက်တိုဘာ ၂၆ ရက်က စက်ရုံလုပ်သားတွေ၊ ကျောင်းသားတွေနဲ့ ပင်စင်စားတွေ စုဝေးပြီး သမ္မတလူကာရှန်ကို ဆန့်ကျင် ဆန္ဒပြခဲ့ပြီး ရဲတွေက ဆန္ဒပြသူ ဒါဇင်ချီပြီး ထိန်းသိမ်းလိုက်ပါတယ်။ နိုင်ငံတဝန်း သပိတ်မှောက်ပွဲနဲ့အတူ အတိုက်အခံတွေက သမ္မတ လူကာရှန်ကို ရာထူးက နုတ်ထွက်ပေးဖို့ ကြိုးပမ်း ဖိအားပေးနေပါတယ်။  သမ္မတလူကာရှန်ကိုက ရာထူးကနုတ်ထွက်ပေးဖို့ လက်မခံတာကြောင့် အတိုက်အခံတွေက နိုင်ငံအနှံ့ သပိတ်မှောက်ပွဲတွေ ဆင်နွှဲပြီး အစိုးရယန္တရားတွေ ရပ်တန့်အောင် ကြိုးပမ်းနေတာပါ။  အတိုက်အခံဟာ အရင်ကလည်း နိုင်ငံပိုင်စက်ရုံတွေမှာ သပိတ်မှောက်ပွဲတွေ ဖန်တီးနိုင်ခဲ့ပေမယ့် ရေရှည် မထိန်းသိမ်းနိုင်ခဲ့ပါဘူး။  နိုင်ငံပိုင်လုပ်ငန်း အတော်များများမှာ သပိတ်မှောက်ခဲ့ကြတယ်လို့ ဘယ်လာရုစ်မီဒီယာက ဖော်ပြနေပေမဲ့ ဘယ်လာရုစ်ဝန်ကြီးချုပ်ရဲ့ ပြောခွင့်ရ အမျိုးသမီးကတော့ နိုင်ငံပိုင်လုပ်ငန်းတွေ အတော်များများ ပုံမှန်အတိုင်း လည်ပတ်နေတယ်လို့  တုံ့ပြန်ခဲ့ပါတယ်။  သပိတ်မှောက်ပွဲတွေကြောင့် အုပ်ချုပ်ရေးယန္တရား ရပ်လုနီးပါး ဖြစ်လာမယ်ဆိုရင် ရုရှားအနေနဲ့ မဟာမိတ် လူကာရှန်ကိုကို  နောက်ထပ်ကူညီမလားဆိုတာ စမ်းသပ်မှု တစ်ခုလည်း ဖြစ်တယ်လို့ ရိုက်တာက ရေးသားပါတယ်။  
6 months Ago

September 30, 2020

ဘယ်လာရုစ် နိုင်ငံရေးအကျဉ်းသားများလွတ်မြောက်ရေး ကူညီမည်ဟု ပြင်သစ်သမ္မတ ကတိပြု

ပြင်သစ်သမ္မတ အီမန်နျူရယ်မာခွန်းက ဘယ်လာရုစ်အာဏာပိုင်တွေနဲ့ ညှိနှိုင်းပြီး နိုင်ငံရေး အကျဉ်းသားတွေကို လွှတ်ပေးရေးကူညီဖို့  ကတိပြုခဲ့တယ်လို့ အတိုက်အခံ ခေါင်းဆောင် ဆစ်ခန်နော့ဟိုစကာက စက်တင်ဘာ ၂၉ ရက်မှာ ပြောပါတယ်။ လစ်သူရေးနီးယားနိုင်ငံ ခရီးစဉ်အတွင်း ပြင်သစ်သမ္မတ မာခွန်းဟာ ဘယ်လာရုစ် အတိုက်အခံ ခေါင်းဆောင်နဲ့  တွေ့ဆုံခဲ့ပါတယ်။ သြဂုတ် ၉ ရက် ဘယ်လာရုစ်သမ္မတ ရွေးကောက်ပွဲအပြီးမှာတော့ အတိုက်အခံခေါင်းဆောင် ဆစ်ခန်နော့ဟိုစကာဟာ အိမ်နီးချင်း လစ်သူယေးနီးယားကို ထွက်ပြေးခဲ့ပါတယ်။   ရွေးကောက်ပွဲဟာ မသမာဘူးလို့ အတိုက်အခံတွေကဆိုပြီး မြို့တော်မင့်စ်မှာ ပြည်သူ သောင်းနဲ့ချီ သီတင်းပတ် ၇ ပတ်ဆက်တိုက် သမ္မတ လူကာရှန်ကိုကို ရာထူးက နုတ်ထွက်ပေးဖို့  ဆန္ဒပြတောင်းဆိုခဲ့ပါတယ်။ ပြင်သစ်သမ္မတ မာခွန်းက တရားဥပဒေနဲ့မညီတဲ့ ဖမ်းဆီးတာတွေ မလုပ်ဖို့နဲ့  ထိန်းသိမ်းထားတဲ့ နိုင်ငံရေးအကျဉ်းသားတွေ လွှတ်ပေးဖို့ ဘယ်လာရုစ် အာဏာပိုင်တွေကို တိုက်တွန်းခဲ့ပါတယ်။ ဒါ့အပြင် ဘယ်လာရုစ်ကို ဒဏ်ခတ်ပိတ်ဆို့ဖို့ ပြင်သစ်နဲ့ လစ်သူရေးနီးယားနှစ်နိုင်ငံ သဘောတူခဲ့တယ်လို့လည်း လစ်သူရေးနီးယား သမ္မတ ဂီတန်းနက်စ်နော်စီဒါက ပြောခဲ့ပါတယ်။
7 months Ago
More News
Up