ဘယ်လာရင်

A d v e r t i s e m e n t With Us

September 12, 2020

ဘယ်လာရင်ကို အငှားစာချုပ်ဖြင့်ခေါ်ယူရန် ဘာစီလိုနာ‌ ကြိုးပမ်း

ဘာစီလိုနာအသင်းဟာ အာဆင်နယ်နောက်ခံလူ ဘယ်လာရင်ကို အငှားစာချုပ်နဲ့ ခေါ်ယူသွားဖို့ ကြိုးပမ်းနေတယ်လို့ သိရပါတယ်။  ညာနောက်ခံလူနေရာမှာ ဆီမီဒို တဦးတည်းကိုသာ အသုံးပြုသွားဖို့ ရှိနေတာကြောင့် ဘယ်လာရင်ကို ပြန်လည်ခေါ်ယူဖို့ နည်းပြကိုးမန်းက ဆန္ဒရှိနေတယ်လို့ မာကာသတင်းစာက ဖော်ပြပါတယ်။  ဘဏ္ဍာရေးအခြေအနေအရ ဘယ်လာရင်ကို အပြီးသတ်ခေါ်ယူဖို့မရှိဘဲ အငှားစာချုပ်နဲ့သာ ခေါ်ယူဖို့ ဘာစီလိုနာဘက်က ဆန္ဒရှိနေတယ်လို့ ဆိုပါတယ်။  အာဆင်နယ်အသင်းဘက်ကတော့ အပြောင်းအရွှေ့ဈေးကွက်မှာ ငွေကြေးလိုအပ် နေတဲ့အတွက် အပြီးသတ်ရောင်းချတာမျိုးကို ပိုပြီး စိတ်ဝင်စားနိုင်တယ်လို့ သိရပါတယ်။ ၂၀၁၁ ခုနှစ်ကတည်းက ဘာစီလိုနာလူငယ်အသင်းကနေ အာဆင်နယ်ကို ပြောင်းရွှေ့ခဲ့တဲ့ ဘယ်လာရင်ဟာ အာဆင်နယ်နဲ့ ၂၀၂၃ ခုနှစ်အထိ စာချုပ်သက်တမ်း ရှိသေးတယ်လို့ သိရပါတယ်။
6 months Ago

July 8, 2020

 နိုင်ပွဲ ၁ ပွဲ သစ်ပင် ၃၀၀၀ နှုန်း နိုဝင်ဘာလ စတင်စိုက်ပျိုးမည်ဟု ဘယ်လာရင် ပြော

ကတိပေးထားတဲ့အတိုင်း လာမယ့်နိုဝင်ဘာလမှာ သစ်ပင်တွေ စိုက်ပျိုးသွားဖို့ စီစဉ်ထားတယ်လို့ အာဆင်နယ်နောက်ခံလူ ဘယ်လာရင်က အသိပေးလိုက်ပါတယ်။  ဘယ်လာရင်ဟာ ဘောလုံးပွဲစဉ်တွေ ပြန်လည်စတင်ချိန်က အာဆင်နယ်အသင်းနိုင်ပွဲ တစ်ပွဲရလျှင် သစ်ပင် ၃ ထောင် စိုက်ပျိုးသွားမယ်လို့ တွစ်တာကနေတဆင့် ကတိပေးထားခဲ့တာပါ။  ဘယ်လာရင်ဟာ One Tree Planted ဆိုတဲ့ အဖွဲ့အစည်းနဲ့ ပူးပေါင်းပြီး ကာဗွန်ဓာတ်ငွေ့တွေ လျှော့ချနိုင်ဖို့ ရည်ရွယ်ပြီး လူမှုရေးလုပ်ငန်း တခုအနေနဲ့ လုပ်ဆောင်ခဲ့တာပါ။  ငယ်စဉ်ကတည်းက အဘိုးဖြစ်သူနဲ့အတူ ဥယျာဉ်ထဲမှာ သစ်ပင်စိုက်ပြီး ဆော့ကစားခဲ့တာကြောင့် သစ်ပင်စိုက်ပျိုးတာတွေနဲ့ ရင်းနှီးပြီးသားဖြစ်တယ်လို့ ဘယ်လာရင်က ပြောပါတယ်။  အာဆင်နယ်အသင်းဟာ ဘောလုံးပွဲတွေ ပြန်လည်စတင်ပြီးနောက် မန်စီးတီးနဲ့ ဘရိုက်တန်အသင်းတွေကို ရှုံးနိမ့်ခဲ့ပြီး နောက်ဆုံး ၅ ပွဲမှာ ၄ ပွဲစလုံး အနိုင်ရထားပြီး လက်စတာနဲ့ ပွဲမှာ သရေကျထားတာပါ။ ဒါကြောင့် ဘယ်လာရင်အနေနဲ့ သူ့ရဲ့ကတိအတိုင်း နိုင်ပွဲတပွဲအတွက် အပင် ၃၀၀၀ နဲ့ ၄ ပွဲအတွက် သစ်ပင် ၁၂,၀၀၀ စိုက်ပျိုးသွားရမှာဖြစ်ပါတယ်။  သစ်စေ့တွေ စိုက်ပျိုးနေတဲ့ ဓာတ်ပုံနဲ့အတူ လာမယ့် နိုဝင်ဘာရောက်ရင်  မိုးသစ်တောထဲမှာ စိုက်ပျိုးသွားမယ်လို့ ဘယ်လာရင်က တွစ်တာကနေ အသိပေးခဲ့ပါတယ်။
8 months Ago
More News
Up