ဘန်လေ

August 22, 2021

၂၃ နှစ်အတွင်း ပထမဆုံးအကြိမ် ကျောနံပါတ် ၁ ကနေ ၁၁ အစဉ်လိုက်ဖြစ်ခဲ့သည့် ဘန်လေပွဲထွက် စာရင်း

လီဗာပူးကို ၂ ဂိုးဂိုးမရှိ နဲ့ ရှုံးနိမ့်ခဲ့တဲ့ပွဲစဉ်မှာ ဘန်လေအသင်းက ကျောနံပါတ် ၁ ကနေ ၁၁ အစဉ်လိုက် ပွဲထွက်ခဲ့ပြီး ပရီးမီးယားလိဂ်မှာ ၂၃ နှစ်အတွင်း ပထမဆုံးအကြိမ်ဖြစ်ခဲ့ပါတယ်။ 

ဘန်လေနည်းပြ ဆမ်ဒိုက်ချ်ဟာ ရှေးရိုးအစဉ်အလာကစားကွက်လို့ဆိုကြတဲ့ ၄-၄-၂ ကစားကွက်မှာ နံပါတ် ၁ ကနေ ၁၁  အထိ အစဉ်အလိုက်ဝတ်ဆင်ကြတဲ့ ကစားသမား ၁၁ ဦးကို ပွဲထွက်ကစားစေခဲ့တာပါ။ 

ပရီးမီးယားလိဂ် အသင်းတွေအပါအဝင် ဘောလုံးအသင်းတိုင်းရဲ့ ပွဲထွက်လူစာရင်းမှာ ကျောနံပါတ် ၁ ကနေ ၁၁ အစဉ်လိုက်ဝတ်ဆင်တဲ့ ကစားသမားတွေကိုအသုံးပြုလေ့မရှိကြပါဘူး။ 

လီဗာပူးနဲ့ပွဲမှာ ဘန်လေ အသင်းက ထူးထူးခြားခြား နံပါတ် ၁ ကနေ ၁၁ အစဉ်လိုက် အသုံးပြုသွားခဲ့ပြီး ၁၉၉၈ ခုနှစ်က ချာတန်အသင်းပြီးရင် ပရီးမီးယားလိဂ်မှာ ပထမဆုံးအသုံးပြုတဲ့ အသင်းဖြစ်လာခဲ့တာပါ။ 

ဘန်လေအသင်းရဲ့ ထူးခြားတဲ့ပွဲထွက်လူစာရင်းအပေါ် ပရိသတ်တွေကလည်း တွစ်တာကနေ ထုတ်ဖော်ရေးသားခဲ့ကြပြီး လှပတဲ့နေရာ ချထားမှုဖြစ်တယ်လို့ ချီးကျူးခဲ့ကြပါတယ်။ 

ဘန်လေအသင်းဟာ ဂိုးသမားနစ်ပုတ်ကို နံပါတ်တစ်၊ နောက်ခံအစွန်လူနှစ်ဦးက နံပါတ် ၂ နဲ့ ၃၊ ဗဟိုနောက်ခံလူနှစ်ဦးက နံပါတ် ၅ နဲ့ ၆၊ တောင်ပံကစားသမားနှစ်ဦးက နံပါတ် ၇ နဲ့ ၁၁၊ ကွင်းလယ်လူနှစ်ဦးက နံပါတ် ၄ နဲ့ ၈၊ တိုက်စစ်မှူးနှစ်ဦးက နံပါတ် ၉ နဲ့ ၁၀ ဝတ်ဆင်ကစားခဲ့ကြတာ ဖြစ်ပါတယ်။ 

5 months Ago

January 22, 2021

လီဗာပူးအသင်း ဘန်လေကို (၀-၁) ဂိုးဖြင့် ရှုံးပြီး  ၆၈ ပွဲ အိမ်ကွင်းရှုံးပွဲ မရှိ စံချိန်ကျိုး

လီဗာပူးအသင်းရဲ့ ၆၈ ပွဲ အိမ်ကွင်းရှုံးပွဲမရှိစံချိန်ဟာ  မနေ့ညက ပရီးမီးယားလိဂ်ပွဲစဉ်မှာတော့ ဘန်လေအသင်းကို ၁ ဂိုး ဂိုး မရှိနဲ့  အံ့သြသင့်ဖွယ်ရှုံးနိမ့်ကာ ပျက်စီးသွားခဲ့ပြီ ဖြစ်ပါတယ်။  ဒီပွဲမတိုင်ခင် အဓိကပြိုင်ဘက်တွေဖြစ်တဲ့ မန်ချက်စတာ ၂ သင်းက အသီးသီးအနိုင်ရရှိခဲ့တာ ကြောင့် လီဗာပူးအနေနဲ့ ပရီးမီးယားလိဂ်ချန်ပီယံဆုအတွက် တိုက်ပွဲမှာ ခြေတစ်လှမ်းစာ နောက်ကျသွားခဲ့ပြီလည်း ဖြစ်ပါတယ်။  ဒီပွဲမှာ ဘန်လေအသင်းအတွက် တစ်လုံးတည်းသော ဂိုးကို ပွဲချိန် ၈၃ မိနစ် မှာ တိုက်စစ်မှူး အက်ရှ်လေဘန်းစ်က သွင်းယူပေးခဲ့ပါတယ်။ အလီဆန်နဲ့ ထိခိုက်မိလို့ ရရှိခဲ့တဲ့ ပင်နယ်တီကို သူကိုယ်တိုင်ဂိုးအဖြစ်ပြောင်းလဲ ပေးခဲ့တာပဲ ဖြစ်ပါတယ်။ ဆာလာနဲ့ ဖေမီနိုကို အရန်ခုံမှာ ထားရှိခဲ့တဲ့ လစ်ဗာပူးအသင်းဟာ အိုရီဂီ၊ ရှာကွီရီနဲ့မာနေး တို့ရဲ့တိုက်စစ်နဲ့ ဘန်လေအသင်း ကိုရင်ဆိုင်ခဲ့တာပါ။ တိုက်စစ်မှူး အိုရီဂီရဲ့ ဂိုးသမား နဲ့တစ်ယောက်ချင်းအတွေ့မှာကန်သွင်းမှုက ဘားတန်းထိထွက်ခဲ့သလို ဒုတိယပိုင်းမှာ ဆာလာနဲ့ဖေမီနို တို့ကို လူစားလဲကစားစေခဲ့ပေမယ့် လိုအပ်တဲ့သွင်းဂိုးတွေမရခဲ့တာဖြစ်ပါတယ်။  ဒီပွဲဟာ ၂၀၁၇ ခုနှစ် ဧပြီ ၂၃ ရက်နောက်ပိုင်း လီဗာပူးအသင်းရဲ့ပထမဆုံးသော အိမ်ကွင်းရှုံးပွဲဖြစ် ပါတယ်။   ခရစ္စတယ်ပဲလေ့စ်အသင်းကို ၂ ဂိုး ၁ ဂိုး နဲ့ ရှုံးနိမ့်ခဲ့တာဖြစ်ပြီး ဒီရှုံးပွဲနဲ့ ဘန်လေအသင်းကို ရှုံးပွဲတို့ကြား ၁၃၆၉ ရက်ခြားခဲ့ပါတယ်။။  ၄ နှစ်ကြာ ၆၈ ပွဲကြာ ရှုံးပွဲမရှိ စံချိန်ကြောင့် လီဗာပူးအသင်းဟာ အင်္ဂလိပ်ပရီးမီးယားလိဂ်မှာ ဒုတိယ မြောက်အကြာဆုံး အိမ်ကွင်းရှုံးပွဲမရှိစံချိန်ကိုရရှိသွားခဲ့ပြီး ပထမနေရာမှာရပ်တည်နေတဲ့ ချဲလ်ဆီးရဲ့ ၈၆ ပွဲကြာစံချိန်ကို လိုက်မမှီနိုင်တော့ပါဘူး။ လီဗာပူးအသင်းဟာ ဇယားထိပ်ဆုံးမှာ ဦးဆောင်နေတဲ့ ယူနိုက်တက်အသင်းနဲ့ ၆ ပွဲကွာသွားခဲ့ပြီး ဒုတိယနေရာက မန်စီတီးအသင်းနဲ့ ၄ မှတ်ကွာခဲ့  ပြီဖြစ်ပါတယ်။ မန်စီတီးအသင်းဟာ တစ်ပွဲကစားရဖို့ကျန်ရှိနေဆဲပါ။ 
12 months Ago
More News
Up