ဘန်ကောက်ဗုံး

September 6, 2015

ဗုံးခွဲ သံသယဖြင့် ဖမ်းထားသူ ၂ ဦးကို ချုပ်ရက်တိုးပေးရန် ထိုင်းရဲတပ်ဖွဲ့ တောင်းဆို

ထိုင်းနိုင်ငံ ဘန်ကောက်မြို့ ဗုံးကွဲမှုနဲ့ပတ်သက်ပြီး သံသယနဲ့ ဖမ်းဆီးထားတဲ့ နိုင်ငံခြားသား ၂ ဦးကို ဆက်လက် စစ်ဆေးနေပြီး ချုပ်ရက် တိုးပေးဖို့ ရဲအဖွဲ့က တရားရုံးတခုမှာ စက်တင်ဘာ ၅ ရက်နေ့ လျှောက်ထားခဲ့ပါတယ်။ ထိုင်းဥပဒေအရ သံသယနဲ့ ဖမ်းဆီးထားသူကို ရုံးမထုတ်ခင် ၈၄ ရက်အထိ ရဲက ချုပ်ထားခွင့်ရှိပါတယ်။ သံသယနဲ့ ဖမ်းထားတဲ့ တဦးက အသက် ၂၈ နှစ်အရွယ် တူရကီနိုင်ငံကူး လက်မှတ်ကိုင်ဆောင်သူ ဖြစ်ပြီး၊ နောက်တဦး ယူစူဖူ မီယာရိုင်လီ ဆိုတဲ့ တရုတ်နိုင်ငံကူး လက်မှတ်ကိုင်ဆောင်သူ ဖြစ်ပါတယ်။ ဒါပေမယ့် သူတို့ ကိုင်ထားတဲ့ နိုင်ငံကူး လက်မှတ်တွေ အတုအစစ်ဆိုတာကို ခွဲခြား စိစစ်ဖို့ လိုသေးတယ်လို့ ထိုင်းရဲတပ်ဖွဲ့ ပြောခွင့်ရသူ ပရာဝပ် တာဝမ်စာရီက ပြောပါတယ်။ ပတ်စ်ပို့ မိတ္တူတွေကို တရုတ်နဲ့ တူရကီ အာဏာပိုင်တွေထံ ပို့ထားပြီး အစစ်တွေကို စစ်ဆေးနိုင်အောင် စက်တင်ဘာ ၇-၈ ရက်နေ့တွေမှာ  ဆက်ပို့သွားမယ်လို့ ဆိုပါတယ်။ စက်တာ ၇ ရက်နေ့ကျရင်လည်း နောက်ထပ် သံသယရှိသူ တဦးကို ၀ရမ်းထုတ်ဖို့် ရှိတယ်လို့လည်း ပြောပါတယ်။ ဒါပေမ့ယ် ဘယ်နိုင်ငံသား ဖြစ်မယ်ဆိုတာကိုတော့ ရဲအဖွဲ့က မပြောသေးပါဘူး။ လောလောဆယ် ဖမ်းဆီးထားတဲ့ နိုင်ိငံခြားသား ၂ ဦးရဲ့ ဒီအန်အေ မျိုးဗီဇနဲ့ ဧရာဝဏ် နတ်ကွန်း ဗုံးကွဲမှုအပြီး စုဆောင်းထားတဲ့ ဒီအန်အေတို့ အဆက်အစပ် မရှိဖြစ်နေတယ်လို့ ရဲ အဖွဲ့က စက်တင်ဘာ ၄ ရက်နေ့က သတင်းထုတ်ပြန်ထားပါတယ်။ ဒါပေမယ့် သူတို့ ၂ ဦးရဲ့ ဒီအန်အေဟာ ဘန်ကောက်မြို့ထဲက တိုက်ခန်းတခုထဲမှာ ဖမ်းဆီးမိခဲ့တဲ့ ဖောက်ခွဲရေး ပစ္စည်းတွေနဲ့ အဆက်အစပ် ရှိတယ်လို့ ဆိုပါတယ်။
6 years Ago

August 22, 2015

ဘန်ကောက် ဗုံးခွဲသူကို ဖမ်းဆီးရန် သတင်းပေးသူ ဘတ် ၁၀ သန်း ဆုကြေးပေးမည်

ထိုင်းနိုင်ငံ ဘန်ကောက် ဧရာဝဏ် နတ်ကွန်းမှာ ဗုံးဖောက်ခွဲတဲ့သူကို ဖမ်းမိရင် ဘတ် ၁၀ သန်းအထိ ဆုကြေးငွေ ရရှိနိုင်မှာ ဖြစ်ပါတယ်။ ထိုင်းရဲတပ်ဖွဲက ဖောက်ခွဲသူကို ဖမ်းဆီးဖို့ သတင်းပေးပါက ဘတ် ၃ သန်း အထိပေးမယ်လို့ ထုတ်ပြန်ထားပါတယ်။ ဒါအပြင် အရင် ၀န်ကြီးချုပ်ဟောင်း သက်ဆင် ရှင်နာဝပ်ကလည်း ဖမ်းဆီးနိုင်တဲ့သူကို ဘတ် ၂ သန်း ပေးဖို့ ကမ်းလှမ်းလိုက်တယ်လို့ သူ့သားရဲ့ လူမှုရေးကွန်ရက် ဖေ့စ်ဘွတ်ခ်မှာ ရေးပါတယ်။ ဖမ်းဆီးရဖို့အတွက် ကြိုးပမ်းပေးတဲ့ အရာရှိကိုလည်း ဘတ် ၅ သန်းထပ်ပေးမယ်လို့ သက်ဆင်ရဲ့သားက ပြောပါတယ်။ ဗုံးဖောက်ခွဲမှုဟာ ထိုင်းနိုင်ငံရဲ့ စီးပွားရေးနဲ့ ခရီးသွားလုပ်ငန်းကို ထိခိုက်အောင် ရည်ရွယ် လုပ်ဆောင်တာ ဖြစ်တယ်လို့ အဖွဲ့တွေက ယုံကြည်တဲ့အကြောင်း ထိုင်း နိုင်ငံတော်ငြိမ်းချမ်းရေးနှင့် တရားဥပဒေ စိုးမိုးရေးကောင်စီ ပြောခွင့်ရက ပြောပါတယ်။ ပေါက်ကွဲမှုနဲ့ ပတ်သက်ပြီး စုံစမ်းစစ်ဆေးမှု ဖြစ်စဉ်က တိုးတက်နေသလို လုပ်ဆောင်နေတဲ့ စုံစမ်းမှုတွေကို ထိခိုက်နိုင်တဲ့ အတွက် အသေးစိတ်ကို အာဏာပိုင်တွေက မထုတ်ပြန်နိုင်ဘူးလို့ ပြောပါတယ်။ ဧရာဝဏ် ဗုံးခွဲသူနဲ့ ပတ်သက်တဲ့ ရုပ်ပုံကို ထုတ်ပြန်ခဲ့ပေမယ့် လူဝင်မှုကြီးကြပ်ရေး အရာရှိတွေကတော့ စစ်ဆေးရေးဂိတ်မှာ သူ့ကို မတွေ့ရှိရဘူးလို့ ပြောပါတယ်။
6 years Ago
Up