ဘန်တနာ

April 26, 2019

ဘန်တနာနှင့် ထိုးကြိတ်ခဲ့ရသည့်အကြောင်းအရင်း အဒီဘာယော ဖွင့်ဟ

အသင်းဖော်ဟောင်း ဘန်တနာဟာ ကလပ်ရဲ့ စည်းမျဉ်းစည်းကမ်းတွေကို လိုက်နာမှုမရှိလို့ ထိုးကြိတ်တဲ့အထိ ရန်ပွဲတွေ ဖြစ်ခဲ့ရတာလို့ နှစ်အတန်ကြာမှာ အာဆင်နယ်ကစားသမားဟောင်း အဒီဘာယောက ထုတ်ဖော်ပြောကြားလိုက်ပါတယ်။ အဒီဘာယောက သူဟာ လွတ်လွတ်လပ်လပ်နေတတ်တဲ့ သူတယောက်ဖြစ်ကြောင်း၊ ကလပ်အသင်းတိုင်းကို အလည်သွားလေ့ရှိပြီးတော့ အဝတ်လဲခန်းတွေထဲမှာလည်း ဟင်နရီ၊ ဘားကင့်တို့လို ကစားသမားတွေနဲ့တောင် ကခုန်ခဲ့ဖူးတယ်လို့ ဆိုပါတယ်။ ဘန်တနာနဲ့ ဖြစ်ခဲ့တဲ့ ပြဿနာမှာတော့ ဘန်တနာဟာ အာဆင်နယ်အသင်းက စီစဉ်ပေးထားတဲ့ ဝတ်စုံနဲ့ ဖိနပ်ကို မဝတ်ဆင်ဘဲ သူ့ရဲ့ကိုယ်ပိုင် ဂူချီဖိနပ်ကိုဝတ်ပြီး အဝတ်လဲခန်းထဲကို ဝင်လာခဲ့တယ်လို့ ဆိုပါတယ်။ အဲ့ဒီနောက်မှာ အဒီဘာယောက ဘန်တနာကို မလုပ်ဖို့ ပြောပေမယ့် ဂရုမစိုက်ခဲ့တဲ့အပြင် နောက်ရက်မှာလည်း အလားတူ လုပ်ရပ်မျိုး ထပ်လုပ်ခဲ့တာကြောင့် ထိုးကြိတ်ခဲ့တာဖြစ်ကြောင်း ပြောပါတယ်။ အဒီဘာယောက ဗန်ပါစီနဲ့လည်း မျက်လုံးချင်း လုံးဝမဆိုင်သလို သဘောထား မတိုက်ဆိုင်မှုတွေလည်း ရှိခဲ့ပါတယ်။ အာဆင်နယ်ပရိသတ်တွေကတော့ အဒီဘာယော မန်စီးတီးအသင်းကို ပြောင်းရွှေ့ခဲ့တာအပြင် ဂိုးသွင်းပြီး အောင်ပွဲခံခဲ့တဲ့ ပုံစံကြောင့် မုန်းတီးခဲ့ကြပေမယ့် အဒီဘာယောကတော့ အာဆင်နယ်နဲ့ ပတ်သက်လာရင် ဘာမှရင်ခုန်စရာမရှိဘူးလို့ ဆိုပါတယ်။
3 years Ago

September 13, 2018

တက္ကစီယာဉ်မောင်းကို ထိုးနှက်ခဲ့သည့် တိုက်စစ်မှူး ဘန်တနာ ပရိသတ်ကို တောင်းပန်

အာဆင်နယ်တိုက်စစ်မှူးဟောင်း ဘန်တနာဟာ တက္ကစီယာဉ်မောင်းကို လက်သီးနဲ့ထိုးခဲ့တာနဲ့ ပတ်သက်ပြီး တောင်းပန်ကြောင်း ကြေညာချက်ထုတ်ခဲ့ပါတယ်။ အသက် ၃၀ ရှိ ဒိန်းမတ်တိုက်စစ်မှူး ဘန်တနာဟာ နော်ဝေကလပ် ရိုစင်ဘော့အသင်းမှာ ကစားနေတာပါ။ တနင်္ဂနွေနေ့ညက ဒိန်းမတ်နိုင်ငံ ကိုပေဟေဂင်မြို့မှာ တက္ကစီယာဉ်မောင်းနဲ့ ပြဿနာဖြစ်ခဲ့ပြီး မေးရိုးကျိုးအောင် ထိုးနှက်ခဲ့တာကြောင့် ရဲတပ်ဖွဲ့ရဲ့ ဖမ်းဆီးထိန်းသိမ်းခြင်း ခံခဲ့ရတယ်လို့ သိရပါတယ်။ မမျှော်လင့်ဘဲ ပြဿနာဖြစ်ပွားခဲ့တဲ့အတွက် ဝမ်းနည်းမိပြီး အသင်းဖော်တွေ၊ ပရိသတ်တွေ အားလုံးကို တောင်းပန်လိုတယ်လို့ ဘန်တနာက ပြောကြားခဲ့ပါတယ်။ ဒီကိစ္စကြောင့် ဘန်တနာကို စွဲချက်တင်ထားပြီး သူ့ရဲ့ရှေ့နေကနေတဆင့် ဖြေရှင်းသွားမှာ ဖြစ်တယ်လို့ သိရပါတယ်။ အာဆင်နယ်တိုက်စစ်မှူးဟောင်း ဘန်တနာဟာ ပြီးခဲ့တဲ့နှစ်က နော်တင်ဟမ်ဖောရက်စ် အသင်းကနေ နော်ဝေကလပ် ရိုစင်ဘော့အသင်းကို ပြောင်းရွှေ့ခဲ့တာဖြစ်ပြီး စုစုပေါင်း ပွဲ ၇၀ မှာ ၃၂ ဂိုး သွင်းယူထားပါတယ်။
3 years Ago
Up