ဘတ်ငွေ တရားမ၀င်ကိုင်ဆောင်မှုဖြင့် တာချီလိတ်ကုန်သည်ကြီးများအသင်း ဒု-ဥက္ကဋ္ဌ ဖမ်းဆီးခံရ

December 12, 2015

ဘတ်ငွေ တရားမ၀င်ကိုင်ဆောင်မှုဖြင့် တာချီလိတ်ကုန်သည်ကြီးများအသင်း ဒု-ဥက္ကဋ္ဌ ဖမ်းဆီးခံရ

ထိုင်းဘတ်ငွေ တရားမ၀င် ကိုင်ဆောင်မှုနဲ့ ဒီဇင်ဘာ ၉ ရက်နေ့က အဖမ်းခံထားရတဲ့ ရှမ်းပြည်နယ် တာချီလိတ်မြို့မှ နယ်စပ်ကုန်သည်ကြီးများ အသင်း ဒု ဥက္ကဋ္ဌ ဒေါ်နန်းစံသာ ကို ဘတ်ငွေ ၂ သိန်း အာမခံနဲ့ ထိုင်း အာဏာပိုင်တွေက ပြန်လွှတ်ပေးလိုက်ပါတယ်။ သူမဟာ မယ်ဆိုင်မြို့ လူဝင်မှု ကြီးကြပ်ရေး ဦးစီဌာန (လ၀က) စစ်ဆေးရေး ဂိတ်မှာ ဘတ်ငွေ ၁၁ သန်းနဲ့ အတူ အဖမ်းခံရပြီးနောက် အာမခံနဲ့ အခုလို ပြန်လွတ်ပေးလိုက်တာ  ဖြစ်ပါတယ်။ ထိုင်း ဥပဒေအရ နယ်စပ်မှ တဆင့် ဖြတ်သန်းသွားရာမှာ ဘတ်ငွေ ၅ သိန်း အထက် ကိုင်ဆောင်ပါက ထိုင်းအာဏာပိုင်တွေကို ကြိုတင် အသိပေး အကြောင်းကြားရကြောင်း သိရပါတယ်။ ဘတ်ငွေ ၁၁ သန်းကို မယ်ဆိုင်မြို့နယ်က ဆောက်လုပ်ရေး လုပ်ငန်းရှင် တဦးကို အကြွေးပေးဖိုအတွက် ဒီငွေတွေကို ယူဆောင်လာတာဖြစ်ကြောင်း ဒေါ်နန်းစံသာက ပြောကြောင်း ထိုင်းသတင်းတွေမှာ ဖော်ပြထားပါတယ်။
6 years Ago
Up