ပြင်သစ်မြို့တော် ပါရီက ရှောင်ဇေလီဇေ ရိပ်သာလမ်းနားမှာရှိတဲ့ မီးလက်စ်ဘဏ်ခွဲကို လက်နက်ကိုင် လုယက်မှုနဲ့ သံသယရှိသူ အမျိုးသား အနည်းဆုံး ၃ ဦးကို ရှာနေတယ်လို့ ပြင်သစ်ရဲတွေက ဇန်နဝါရီ ၂၂ ရက်မှာ ပြောပါတယ်။ အမျိုးသား အနည်းဆုံး ၃ ဦးဟာ ဇန်နဝါရီ ၂၂ ရက် မနက်အစောပိုင်းက ဖရင်ကလင်ရုစဗဲ့ ရိပ်သာထဲက ဘဏ်ထဲကို ဝင်လာခဲ့တယ်လို့ ပြင်သစ် နေ့စဉ်ထုတ်သတင်းစာ လယ်ပါရီစီယံက ဖော်ပြပါတယ်။ သံသယရှိသူတွေဟာ ဘဏ်ဝန်ထမ်းတွေနဲ့ ဘဏ်တွင်း ငွေစာရင်းရှင်တွေကို ချက်ချင်း ထိန်းချုပ်ခဲ့ပြီး ကြိုးနဲ့တုပ် အခန်းထဲ ပိတ်ထားခဲ့ပါတယ်။ အဲဒီနောက် ဘဏ်ရဲ့ အဓိက အလုံပိတ် ငွေတိုက်ခန်းဆီသွားပြီး အာမခံသေတ္တာတွေ၊ မီးခံသေတ္တာတွေ အတော်များများကို အချိန်ယူဖွင့်ပြီး သေတ္တာတွေကို အပြောင်ရှင်းသွားခဲ့တယ်လို့ သတင်းစာက ဆက်ရေးပါတယ်။ သံသယရှိသူတွေဟာ ဘဏ်ထဲကလူတွေကို ကြိုးတုပ်လျက်တန်းလန်း ထားခဲ့ပြီး ဘဏ်ဝင်းထဲကနေ နေ့လယ်ပိုင်းလောက်မှာ ထွက်သွားခဲ့တာပါ။ သူတို့ထွက်သွားပြီး နာရီဝက်လောက်အကြာမှာ ကြိုးတုပ်ခံရသူတချို့ ကြိုးကိုဖြည်နိုင်ခဲ့ပြီး ရဲကို ဆက်သွယ်ခဲ့ကြတယ်လို့ ရိုက်တာသတင်းဌာနက ဖော်ပြပါတယ်။

ဘရာဇီးနိုင်ငံ အရှေ့မြောက်ပိုင်း စီရာယာပြည်နယ် မီလာဂရိစ်မြို့မှာ ဒီဇင်ဘာ ၇ ရက်နေ့က  ဖြစ်ပွားခဲ့တဲ့ ဘဏ်ဓားပြပစ်ခတ်မှုအတွင်း ရဲတပ်ဖွဲ့ဝင် ၆ ဦး အပါအ၀င် လူ ၁၂ ဦး သေဆုံးခဲ့တယ်လို့ ပြည်နယ် အုပ်ချုပ်ရေးမှူးရုံးက ပြောပါတယ်။ ဒေသမီဒီယာကတော့ ကလေး ၂ ဦးအပါအ၀င် ဓားစာခံ ၅ ဦး သေဆုံးခဲ့တယ်လို့ သတင်းထုတ်ပြန်ပါတယ်။ သေဆုံးခဲ့သူ ၅ ဦးဟာ တမိသားစုထဲက ဖြစ်တယ်လို့ မီလာဂရိစ်မြို့တော်ဝန်ကို ကိုးကားပြီး G1 သတင်းဝက်ဘ်ဆိုက်က ဖော်ပြပါတယ်။ လက်နက်ကိုင် ဂိုဏ်းတခုက အဆိုပါ မိသားစုရဲ့ ကားကို အဝေးပြေးလမ်းမအနီးမှာ ပြန်ပေးဆွဲပြီး မြို့ထဲ ၀င်ရောက်ခဲ့တာဖြစ်ပါတယ်။ ဘဏ်ခွဲနှစ်ခုက ATM စက်တွေကို လုယက်တဲ့ ဓားပြဂိုဏ်းကို ရဲက တားဆီးရာကနေ ပစ်ခတ်မှု ဖြစ်ခဲ့ပါတယ်။ အဲဒီလို ပစ်ခတ်ပြီးနောက် ဓားပြဂိုဏ်းဟာ ငွေတွေမပါဘဲ ဗန်ကား နှစ်စီးနဲ့ လွတ်မြောက်သွားခဲ့တယ်လို့ G1 သတင်းဝက်ဘ်ဆိုက်က ဆိုပါတယ်။ အဲဒီနောက် စွန့်ပစ်ကားတစီးပေါ်မှာ ဘဏ်ဓားပြတဦးရဲ့ ရုပ်အလောင်းကိုတွေ့ရပြီး  သံသယရှိသူ နှစ်ဦးကို ရဲက ဖမ်းဆီးခဲ့ပါတယ်။ ဘရာဇီး ရဲတပ်ဖွဲ့ဟာ လွတ်မြောက်နေတဲ့ ဘဏ်ဓားပြဂိုဏ်းဝင်တွေကို ရဟတ်ယာဉ် အကူအညီနဲ့ ဆက်လက်ရှာဖွေနေတယ်လို့ မြို့တော်ဝန်ရုံးက သတင်းထုတ်ပြန်ထားပါတယ်။