ဘင်္ဂလားဒေ့ရှ်နိုင်ငံဘက် ထွက်ပြေးတိမ်းရှောင်သွားသူတွေထဲက စိစစ်အတည်ပြုထားတဲ့ ၃၄၅၀ ဦးကို လွှဲပြောင်းပေးမယ်ဆိုရင် လက်ခံဖို့ အဆင်သင့်ရှိနေတယ်လို့ သမ္မတရုံး ပြောရေးဆိုခွင့်ရှိသူ ညွန်ကြားရေးမှူးချုပ် ဦးဇော်ဌေးက သတင်းစာရှင်းလင်းပွဲမှာ ပြောထားပါတယ်။
ရခိုင်ပြည်နယ်၊ မောင်တောဒေသမှာ ၂၀၁၇ ခုနှစ် အကြမ်းဖက်ဖြစ်စဉ်ကြောင့် ဘင်္ဂလားဒေ့ရှ်ဘက်ကို လူတွေ သိန်းနဲ့ချီ နေရပ်စွန့်ခွာသွားခဲ့တာပါ။
နေရပ်ပြန်လိုသူတွေကို ပြန်လည်လက်ခံဖို့ ၂၀၁၈ ဇန်နဝါရီ ၂၃ ရက်မှာ တကြိမ်၊ ၂၀၁၈ နိုဝင်ဘာ ၁၅ ရက်မှာ တကြိမ်၊ ၂၀၁၉ သြဂုတ် ၂၂ ရက်မှာ တကြိမ် မြန်မာဘက်က စီစဉ်ထားခဲ့ပေမယ့် တဦးမှ ပြန်လည်ဝင်ရောက်လာခဲ့တာ မရှိပါဘူး။
ဒါပေမဲ့ အောက်တိုဘာ ၂၂ ရက်မှာတော့ မောင်တောမြို့နယ်၊ တောင်ပြိုလက်ဝဲမြို့ နှစ်နိုင်ငံ ချစ်ကြည်ရေးတံတားကနေ အိမ်ထောင်စု ၆ စု၊ လူဦးရေ ၂၉ ဦး ပြန်လည်ဝင်ရောက်လာခဲ့ပါတယ်။
