ဘင်္ဂလားဒေ့ရ်ှနယ်ခြားစောင့်တပ်ဖွဲ့ဝင်

June 26, 2015

ဖမ်းဆီးထားသည့် ဘင်္ဂလားဒေ့ရ်ှနယ်ခြားစောင့်တပ်သားကို မြန်မာ ပြန်လွှဲပေး

မြန်မာနယ်ခြားစောင့်တပ်က ဖမ်းဆီးထိန်းသိမ်းထားတဲ့ ဘင်္ဂလားဒေ့ရ်ှလုံခြုံရေး တပ်ဖွဲ့ဝင်တဦးကို တဖက်နိုင်ငံ ပြန်လွှဲပေးလိုက်ပြီလို့ မြန်မာနိုင်ငံခြားရေးဌာနက ထုတ်ပြန် ကြေညာပါတယ်။ မြန်မာဘက်ခြမ်း ရခိုင်ပြည်နယ် မောင်တောမြို့အနီး မြန်မာ့ရေပိုင်နက်ထဲကို ကျူးကျော် ၀င်ရောက်မှုနဲ့ ဖမ်းဆီးထားတဲ့ ဘင်္ဂလားဒေရှ့် နယ်ခြားစောင့်တပ်သား နာရခ် အဗ္ဗဒူ ရာဇတ်ကို ဇွန်လ ၂၅ ရက်နေ့က လွှဲပေးလိုက်တာပါ။ ရခိုင်ပြည်နယ်အစိုးရအဖွဲ့ဝင် ဦးတင်မောင်ဆွေက  “မနေ့ညနေပိုင်းက လွှဲပေးပြီးသွားပြီ။ နယ်စပ်ကနေ ဟိုဘက်က နယ်စပ်နဲ့ ချိတ်ဆက်ပြီးတော့ ပြန်လွှတ်ပေးလိုက်ပါပြီ။ ကျနော်တို့ နိုင်ငံခြားရေးဝန်းကြီးဌာန အချင်းချင်းပြောဆိုပြီးတော့ အောက်ခြေမှာ လွှဲပြောင်းပေးလိုက်တာပါ” လို့ ဒီဗွီဘီကို ပြောပါတယ်။ ရခိုင်ပြည်နယ် မောင်တောမြို့နယ် နတ်မြစ်ဝ  မြန်မာ့ပိုင်နက်အတွင်းကို ဇွန်လ ၁၇ ရက်နေ့က ကျူးကျော်ဝင်ရောက်လာပြီး စတင်ပစ်ခတ်ခဲ့တဲ့အတွက် မြန်မာ့နယ်ခြားစောင့် ရဲတပ်ဖွဲ့က ဖမ်းဆီးထိန်းသိမ်းခဲ့တာဖြစ်ပြီး ဒီပစ်ခတ်မှုမှာ မြန်မာနယ်ခြားစောင့်တပ်ဖွဲ့ဝင်တဦးနဲ့ ဘင်္ဂလားဒေ့ရှ် နယ်ခြားစောင့်တပ်ဖွဲ့ဝင်တဦး ဒဏ်ရာရသွားခဲ့ပါတယ်။ မြန်မာနိုင်ငံခြားရေးဌာနရဲ့ ထုတ်ပြန်ချက်မှာတော့ နှစ်နိုင်ငံ ရှိရင်းစွဲ ချစ်ကြည်ရင်းနှီးမှုနဲ့ အိမ်နီးချင်းကောင်း ပီသမှုအပေါ်အခြေခံပြီး မြန်မာအာဏာပိုင်တွေကဘင်္ဂလားဒေ့ရ်ှဘက်ကို  ပြန်လည် လွှဲပြောင်း ပေးအပ်ခဲ့တာဖြစ်တာလို့ ဖော်ပြထားပါတယ်။
6 years Ago

June 23, 2015

ဘင်္ဂလားဒေ့ရှ် သံအမတ်ကြီးကို မြန်မာနိုင်ငံခြားရေးဌာန ဆင့်ခေါ်အသိပေး

ဘင်္ဂလားဒေ့ရှ် နယ်ခြားစောင့်တပ်ဖွဲ့ဝင်တဦးကို ဖမ်းဆီးထားတဲ့ကိစ္စနဲ့ ပတ်သက်ပြီး  မြန်မာနိုင်ငံဆိုင်ရာ ဘင်္ဂလားဒေ့ရှ် သံအမတ်ကြီး မစ္စတာ မူဟာမတ် ဆူဖီ ရာမာန်ကို ဆင့်ခေါ် အသိပေး ရှင်းလင်းခဲ့တယ်လို့  မြန်မာနိုင်ငံခြားရေးဝန်ကြီးဌာနက ကြေညာပါတယ်။ မြန်မာနိုင်ငံခြားရေးဝန်ကြီးဌာန အမြဲတမ်းအတွင်းဝန် ဦးအောင်လင်းက ဇွန် ၂၀ ရက်မှာ  နိုင်ငံခြားရေးဝန်ကြီးဌာနကို ခေါ်ယူတွေ့ဆုံခဲ့တာ ဖြစ်ပါတယ်။ တွေ့ဆုံရာမှာ ရခိုင်ပြည်နယ် မောင်တောမြို့နယ် ရေတွင်းကျွန်းချောင်းဝနဲ့  ရွက်ညိုတောင်ချောင်းဝအကြား နတ်မြစ်ရဲ့ မြန်မာ့ရေပိုင်နက်မှာ ယူနီဖောင်းမပြည့်မစုံဝတ် ဘင်္ဂလားဒေ့ရှ် နယ်ခြားစောင့်တပ်ဖွဲ့ဝင်တဦးကို မြန်မာ့နယ်ခြားစောင့်ရဲတပ်ဖွဲ့က လက်နက်တွေ၊ စက်လှေနဲ့အတူ ဖမ်းဆီးရမိခဲ့ကြောင်း၊ မြန်မာ့ရေပိုင်နက်သို့ ကျူးကျော် ဝင်ရောက်လာပြီး စတင်ပစ်ခတ်လို့ ဖမ်းဆီးစစ်ဆေးနေကြောင်း ရှင်းလင်းပြောကြားခဲ့တယ်လို့ သတင်းထုတ်ပြန်ချက်မှာ ဖော်ပြပါတယ်။ ဒါ့ပြင် သံအမတ်ကြီးအနေနဲ့ ဖြစ်ရပ်မှန် အခြေအနေ အသေးစိတ်ကို သက်ဆိုင်ရာ တာဝန်ရှိသူများထံ အမြန်သတင်းပို့စေလိုကြောင်း၊ ရှိပြီးသား နှစ်နိုင်ငံ ချစ်ကြည်ရင်းနှီး ဆက်ဆံရေးနဲ့ အိမ်နီးချင်းကောင်းပီသစွာ ပူးပေါင်းဆောင်ရွက်သွားဖို့ အသင့်ရှိကြောင်းနဲ့  ဘင်္ဂလားဒေ့ရ်ှမီဒီယာတွေက မမှန်မကန် ချဲ့ကားရေးသားတာတွေ မရှိစေရေး ပူးပေါင်းကူညီဖို့ မြန်မာနိုင်ငံခြားရေး အတွင်းဝန်က ပြောခဲ့တယ်လို့လည်း ဆိုပါတယ်။ ပြီးခဲ့တဲ့ ဇွန်လ ၁၇ ရက်က ဘင်္ဂလားဒေ့ရှ်-မြန်မာနယ်စပ် မောင်တောမြို့နယ် နတ်မြစ်ဝမှာ နှစ်ဘက် နယ်ခြားစောင့်တပ်အကြား ပစ်ခတ်မှုဖြစ်ပွားခဲ့ပြီး မြန်မာ နယ်ခြားစောင့် ရဲတပ်ရင်းအမှတ် ၄ က ရဲဘော်တဦး ခြေထောက်မှာ  သေနတ်ထိမှန် ဒဏ်ရာရခဲ့ပါတယ်။ ဘင်္ဂလားဒေ့ရ်ှနိုင်ငံထုတ် သတင်းတွေမှာတော့ မြန်မာဘက်က စတင်ပစ်ခတ်ခဲ့တာဖြစ်ပြီး  ပစ်ခတ်မှုမှာ ဘင်္ဂလားဒေ့ရှ် နယ်ခြားစောင့် တပ်သားတဦး ဒဏ်ရာရရှိခဲ့တယ်လို့ ရေးသားဖော်ပြကြပါတယ်။ ဘင်္ဂလားဒေ့ရှ် နိုင်ငံခြားရေးဌာနကလည်း ဒါကာမြို့မှာရှိတဲ့ မြန်မာသံအမတ်ကြီးကို ဆင့်ခေါ်ပြီး ဖမ်းဆီးခံထားရတဲ့ ဘင်္ဂလားဒေ့ရှ် နယ်ခြားစောင့်တပ်ဖွဲ့ဝင်ကို ချက်ချင်း ပြန်လွှတ်ပေးဖို့ တောင်းဆိုထားပါတယ်။ လတ်တလော ဘင်္ဂလားဒေ့ရှ် နယ်ခြားစောင့်တပ်ဖွဲ့ဝင်ကို မြန်မာနယ်ခြားစောင့်တပ်က ထိန်းသိမ်းသွားပြီး ဘင်္ဂလားဒေ့ရ်ှဘက်ကို ပြန်လည်လွှဲပြောင်းပေးနိုင်ဖို့ နှစ်ဘက် ဆွေးနွေးညှိနှိုင်းနေဆဲ ဖြစ်ပါတယ်။
6 years Ago
Up