ဗြိတိန်အစိုးရ

September 26, 2021

ကုန်တင်ယာဉ်မောင်း ရှားပါးမှုဖြေရှင်းရန် ယာယီအစီအမံများ ဗြိတိန်အစိုးရ ရှာဖွေနေ

ဗြိတိန်မှာ ကုန်တင်ယာဉ်ကြီးမောင်းသူတွေ ရှားပါးမှုကို ဖြေရှင်းဖို့ ယာယီအစီအမံတွေကို ရှာဖွေနေတယ်လို့ ဝန်ကြီးချုပ်ဘောရစ်ဂျွန်ဆင်ရဲ့ရုံးက ပြောကြားခဲ့ပါတယ်။

သတင်းစာတွေမှာတော့ အစိုးရဟာ နိုင်ငံခြားသား ယာဉ်ကြီးမောင်းဒရိုင်ဘာ ၅၀၀၀ လောက်အထိ ဗြိတိန်ကို ကာလတိုဗီဇာနဲ့ ခွင့်ပြုလိမ့်မယ်လို့ ရေးထားကြပါတယ်။

ဒီလိုခေါ်ယူပေးဖို့ ထောက်ပံ့ပို့ဆောင်ရေးကုမ္ပဏီတွေနဲ့ လက်လီအရောင်းဆိုင်တွေက အစိုးရကို တင်ပြခဲ့ပေမဲ့ အရင်တုန်းက ပယ်ချခဲ့တာပါ။ 

ဗြိတိန်ဟာ ဒီလို အပ်ချက်ဖြည့်ဆည်းဖို့ ယာဉ်မောင်း ၁ သိန်း ထပ်ပြီး လိုအပ်နေသေးတယ်လို့ ယူကေရဲ့ လမ်းကြောင်းသယ်ယူပို့ဆောင်ရေးအဖွဲ့က ဆိုပါတယ်။ 

Brexit နဲ့ ကိုဗစ်-၁၉ ကြောင့် ယာဉ်မောင်းသင်တန်းနဲ့ လိုင်စင်ဖြေဆိုမှုတွေ တစ်နှစ်လောက် နှောင့်နှေးသွားရတာကလည်း ယာဉ်မောင်းသူ ရှားပါးမှုပြဿနာ တစိတ်တပိုင်း ဖြစ်တယ်လို့ သယ်ယူပို့ဆောင်ရေးဝန်ကြီး ဂရန့်ရှပ်က ပြောပါတယ်။ 

ကုန်ပစ္စည်းတွေ ဈေးကွက်ထဲရောက်စေဖို့ သယ်ယူမောင်းနှင်ပေးမယ့် ကုန်တင်ကားသမား တွေ ရှားပါးမှုကို လယ်သမားတွေနဲ့ စူပါမားကက်တွေက သတိပေးတင်ပြထားတာ လနဲ့ချီ ကြာနေပါပြီ။ 

BP ၊ Shell နဲ့ Esso စတဲ့ လောင်စာဆီနဲ့ ဓာတ်ငွေ့ကုမ္ပဏီတွေရဲ့ ဆိုင်ခွဲတွေလည်း မောင်းသူ ရှားပါးမှုကြောင့် ရာနဲ့ထောင်နဲ့ချီပြီး ပိတ်ထားရတယ်လို့ပြောပါတယ်။ 

တချို့ဆီဆိုင်တွေနဲ့ စူပါမားကက်တွေမှာ ကုန်ပစ္စည်းတွေ အလုံအလောက်ထပ်ဖြည့်ဖို့ လတ်တလောအခက်အခဲရှိနေတာကြောင့် တန်းစီစနစ်နဲ့ ခွဲတမ်းအလိုက် ဝယ်ရဖို့လည်း ရှိနေပြီး ကြောက်လန့်တကြား သိမ်းကြုံးဝယ်ခြင်း မပြုကြဖို့ ဝန်ကြီးတွေက သတိပေး ပြောကြားထား ပါတယ်။ 

11 months Ago

November 9, 2020

ဗြိတိန်အစိုးရ ဆင်းရဲသည့်ကလေးများကို ထောက်ပံ့မည့်အပေါ် ပျော်ရွင်မိကြောင်း ရက်ဖို့ဒ်ပြော

ဗြိတိန်အစိုးရက ဆင်းရဲတဲ့ ကလေးတွေကို ထောက်ပံ့ဖို့ အမေရိကန်ဒေါ်လာ ၅၂၁ သန်း သုံးမယ်လို့ ကတိပြုခဲ့တာကြောင့် ပျော်ရွှင်ရကြောင်း မန်ချက်စတာ ယူနိုက်တက်နဲ့ အင်္ဂလန် ဘောလုံးအသင်းတို့ရဲ့ ရှေ့တန်း တိုက်စစ်မှူး မားကပ်စ် ရက်ရှ်ဖို့ဒ်က ဘီဘီစီသတင်းဌာနကို နိုဝင်ဘာ ၇ ရက်မှာ ပြောပါတယ်။  ဒီဆောင်းတွင်းမှာ မိသားစုတွေ ဆာလောင်မွတ်သိပ်ပြီး မရှိမဖြစ် လိုတဲ့ ပစ္စည်းတွေ မပါဘဲ နေစရာ မလိုအောင် ဟန့်တားဖို့ အပိုထောက်ပံ့မှုတွေ ပေးတော့မှာပါ။  နာမည်ကျော် ဘောလုံးသမား ရက်ရှ်ဖို့ဒ်က အခွင့်အရေး နည်းတဲ့ ကလေးတွေကို ကျောင်းမှာ စားစရာ အခမဲ့ပေးတဲ့ အစီအစဉ် သက်တမ်းတိုးဖို့ ဆော်သြခဲ့ပါတယ်။   စနေနေ့မှာတော့ ဒီအစီအစဉ်ကို အကြောင်းကြားဖို့ ဗြိတိန်ဝန်ကြီးချုပ် ဘောရစ် ဂျွန်ဆင်က ရက်ရှ်ဖို့ဒ်ကို တယ်လီဖုန်းဆက်ခဲ့ပါတယ်။  ဆောင်းရာသီအစီအစဉ်ဟာ ကလေးငယ် ၁ ဒသမ ၇သန်း နီးပါးကို စားနပ်ရိက္ခာနဲ့ ကုန်ကျ စရိတ်တွေ ထောက်ပံ့မှာဖြစ်လို့ သူတို့ရဲ့ ဘဝတွေကို တိုးတက်စေမှာပါ။  ကိုဗစ်-၁၉ ကမ္ဘာ့ကပ်ရောဂါ အကြပ်အတည်းအတွင်း ကလေးတွေကို ကူညီမှုအတွက် MBE ဆုကို ရထားတဲ့ ရက်ရှ်ဖို့ဒ်ဟာ နွေကျောင်းပိတ်ရက်အတွင်း ကလေးတွေ စားနပ်ရိက္ခာ အခမဲ့ ရတာ သေချာစေရေး သူ့ တိုက်ပွဲကို နိုင်အပြီးမှာ အစိုးရကို ဆက်ပြီး တွန်းအားပေးခဲ့ပါတယ်။ 
2 years Ago
More News
Up