ဗြိတိန်

September 16, 2021

ဗြိတိန်ကာကွယ်ဆေးဆိုင်ရာဝန်ကြီးကို ပညာရေးဝန်ကြီးရာထူးပြောင်းခန့်

ဗြိတိန်ကာကွယ်ဆေးဆိုင်ရာဝန်ကြီး နာဒင်းမ်ဇာဟာဝီကို ပညာရေးဝန်ကြီးဟောင်း ဂါဗင် ဝီလျံဆန်ရဲ့ နေရာမှာ အစားထိုး ခန့်အပ်လိုက်ပြီလို့ ဝန်ကြီးချုပ်ရုံးက စက်တင်ဘာ ၁၅ ရက်မှာ ပြောပါတယ်။

ဗြိတိန်ဝန်ကြီးချုပ် ဘောရစ်ဂျွန်ဆင်ရဲ့ ထိပ်တန်းအဖွဲ့ထဲက လူအတော်များများဟာ ခြေလှမ်းအမှားတွေ၊ လူမှုရေးအနှောင့်အယှက် ဖြစ်စေတဲ့ အပြောအဆို အမှားတွေကြောင့် လချီ ဝေဖန်ပြစ်တင်ခံရအပြီးမှာ ဂျွန်ဆင်က သူ့ရဲ့ အခြေအနေ ထိန်းညှိရေး လုပ်ငန်းစဉ်ကို ဖိအားပေး လုပ်ဆောင်ဖို့လိုပြီလို့ ခံစားမိခဲ့တယ်၊ အပြောင်းအလဲတွေကို စောစောပိုင်း သီတင်းပတ် တွေတည်းက လုပ်ချင်နေခဲ့ပြီး နောက်ဆုံးမှာ အကောင်အထည် စဖော်လိုက်တယ်လို့ အကဲခတ်တချို့က ပြောပါတယ်။

ကိုဗစ်-၁၉ ကပ်ဘေးမှာ ကျောင်းတွေ ပိတ်ဖို့နဲ့ စာမေးပွဲစစ်ဖို့ ကိစ္စတွေကို ကိုင်တွယ်ပုံနဲ့ ပတ်သက်ပြီး ဝေဖန်ခံရအပြီးမှာ ဝီလျံဆန်ရဲ့ ကျဆုံးခန်းကို ကျယ်ကျယ်ပြန့်ပြန့် မျှော်လင့်ခဲ့ ကြတာပါ။

နိုင်ငံခြားရေးဝန်ကြီး ဒိုမစ်နစ်ရတ်ဘ်လဲ တရားရေးဝန်ကြီးအဖြစ် ရွှေ့ပြောင်းခံရအပြီး သူ့နေရာကို ကုန်သွယ်ရေးဝန်ကြီးဌာနကို ကိုင်တွယ်ခဲ့သူ လစ်ဇ် ထရပ်စ်က အစားထိုး ရယူခဲ့ပါတယ်။

ဒါကြောင့် သူဟာ ဗြိတိန်ရဲ့ ဒုတိယမြောက် အမျိုးသမီးနိုင်ငံခြားရေးဝန်ကြီး ဖြစ်လာခဲ့ပါတယ်။ သူဟာ ဒုဝန်ကြီးချုပ်လည်း ဖြစ်လာမယ်လို့ ဝန်ကြီးချုပ်ရုံးက ပြောပါတယ်။

ထရပ်စ်ဟာ ကုန်သွယ်ရေးဝန်ကြီးဟောင်းလည်း ဖြစ်သလို တရားရေးဝန်ကြီးအဖြစ်လည်း ခန့်အပ်ခံရဖူးပါတယ်။

ထရပ်စ်ဟာ အမျိုးသမီးရေးရာနဲ့ တန်းတူညီမျှရေး ဝန်ကြီးတာဝန်ကိုလည်း ဆက်လက် ထမ်းဆောင်မယ်လို့ ဝန်ကြီးချုပ်ရုံးက ပြောခဲ့ပါတယ်။

6 days Ago

August 21, 2021

ရုရှားအတိုက်အခံ နာဗလ်နီ အဆိပ်သင့်မှုနှင့်ပတ်သက်ပြီး လူ ၇ ဦးကို ဗြိတိန် ဒဏ်ခတ်

ရုရှားရဲ့ ကရင်မလင်အစိုးရကို ဝေဖန်သူ အလက်ဆီနာဗလ်နီ အဆိပ်သင့်မှုမှာ ရုရှား ထောက်လှမ်းရေးအဖွဲ့တွေ ပါဝင်ပတ်သက်ခဲ့တယ်လို့ သံသယရှိတာကြောင့် လူပုဂ္ဂိုလ် ၇ ဦးကို ဒဏ်ခတ်ပိတ်ဆို့ထားမှု အသေးစိတ်ကို ဗြိတိန်က သြဂုတ် ၂၀ ရက်မှာ ထုတ်ပြန်ပါတယ်။

နာဗလ်နီဟာ ပြီးခဲ့တဲ့နှစ် သြဂုတ် ၂၀ ရက်က ဆိုက်ဘေးရီးယားမှာ အဆိပ်ခတ်ခံရပြီးနောက်မှာ စစ်တပ်သုံး အာရုံကြောအဆိပ်လို့ အနောက်တိုင်းပညာရှင်တွေရဲ့ ကောက်ချက်ချမှုနဲ့အတူ ဂျာမနီနိုင်ငံကို ဆေးကုသမှု သွားရောက် ခံယူခဲ့ရပါတယ်။ 

မော်စကိုအစိုးရကတော့ အဲ့ဒီတွေ့ရှိချက်တွေကို ငြင်းပယ်ခဲ့ပြီး ဒါဟာ အနောက်နိုင်ငံတွေရဲ့ အပုပ်ချတဲ့ လှုံ့ဆော်မှုလို့ စွပ်စွဲခဲ့ပါတယ်။ 

နာဗလ်နီဟာ ဒီနှစ်အစောပိုင်းက ရုရှားကို ပြန်သွားချိန်မှာ နိုင်ငံရေးလှုံ့ဆော်မှုစွပ်စွဲချက်တွေနဲ့ သူ့ကို လွတ်ငြိမ်းချမ်းသာခွင့် ချိုးဖောက်ပြီး  ထောင်ချခဲ့ပါတယ်။ 

နာဗလ်နီ အဆိပ်သင့်မှု တစ်နှစ်ပြည့်ချိန်မှာ ဗြိတိန်အစိုးရရဲ့ နိုင်ငံခြားရေး၊ ဓနသဟာယနှင့်ဖွံ့ ဖြိုးရေးရုံး ၀က်ဘ်ဆိုက်က ထုတ်ဝေထားတဲ့ ဗြိတိန်ရဲ့ ဒဏ်ခတ်ပိတ်ဆို့မှုစာရင်း နောက်ဆုံး ဗားရှင်းမှာ နာမည်အသစ် ၇ ခုနဲ့ ပိုင်ဆိုင်မှု ရပ်ဆိုင်းခြင်းအတွက် အထောက်အထားတွေ ပြထားပါတယ်။

1 month Ago
More News
Up