ဗုံးတွေ့

January 2, 2023

မန္တလေးတွင် ကျောက်စိမ်းရောင်းဝယ်သူ ၁ ဦး ပစ်သတ်ခံရ၊ ချမ်းအေးသာစံ ရပ်ကွက်ရုံးတွင် ဗုံးတွေ့

မန္တလေးတိုင်း၊ ချမ်းအေးသာစံမြို့နယ်၊ ပြည်ကြီးပျော်ဘွယ်အနောက်ရပ်ကွက်၊ ၃၄ လမ်း၊ ၈၉ လမ်းနဲ့ လမ်း ၉၀ ကြားမှာ ဇန်နဝါရီ ၂ ရက် မနက် ၈ နာရီခွဲလောက်က အမျိုးသားတယောက် သေနတ်နဲ့ ပစ်သတ်ခံခဲ့ရပါတယ်။

ပစ်သတ်ခံရသူမှာ အသက် ၅၀ အရွယ် ဦးဝင်းအောင် ဆိုသူဖြစ်ပြီး ကျောက်စိမ်းရောင်းဝယ်ရေး လုပ်ကိုင်သူတဦး ဖြစ်တယ်လို့  ဒေသခံတွေထံက  သိရပါတယ်။

ဦးဝင်းအောင်ဟာ သေနတ်ပစ်ခံရတဲ့ဒဏ်ရာနဲ့ နေရာမှာတင် သေဆုံးခဲ့ပြီး ဘယ်အဖွဲ့အစည်းက ဘာကြောင့်ပစ်တယ်ဆိုတာတော့ မသိရသေးပါဘူး။

စစ်ကောင်စီအသိုင်းအဝိုင်းက လူမှုကွန်ရက် သတင်းစာမျက်နှာတွေမှာ ဦးဝင်းအောင်ကို PDF က ပစ်တယ်ဆိုပြီး အတည်မပြုနိုင်တဲ့ သတင်းတွေ ဖြန့်နေပါတယ်။

မန္တလေးတိုင်း၊ ချမ်းအေးသာစံမြို့နယ်မှာလည်း ၈၉ လမ်း၊ ၂၇ လမ်းနဲ့ ၂၈ လမ်းကြားရှိ သိရီဟေမာအရှေ့ရပ်ကွက် အုပ်ချုပ်ရေးမှူးရုံးဝင်းအတွင်းမှာ ဇန်နဝါရီ ၂ ရက် မနက် ၇ နာရီခွဲလောက်က မပေါက်ကွဲသေးတဲ့ လက်ပစ်ဗုံးတလုံး တွေ့ရှိခဲ့ပါတယ်။

မပေါက်ကွဲသေးတဲ့ လက်ပစ်ဗုံးကို ရပ်ကွက်ရုံးမှာ သန့်ရှင်းရေးလာလုပ်တဲ့ ရာအိမ်မှူးတယောက်က တွေ့ရှိခဲ့ပြီး စစ်ကောင်စီတပ်သားတွေ ရောက်လာခဲ့တယ်လို့ သိရပါတယ်။

စစ်ကောင်စီတပ်သားတွေ ရောက်လာအပြီးမှာ တွေ့ရှိတဲ့ လက်ပစ်ဗုံးကို ဖောက်ခွဲဖျက်ဆီးခဲ့တယ်လို့ ရဲတပ်ဖွဲ့နဲ့နီးစပ်သူထံက သိရပါတယ်။

မန္တလေးမြို့အနှံ့ လမ်းဆုံလမ်းခွတွေမှာ စစ်ကောင်စီတပ်၊ ယာဉ်ထိန်း၊ စည်ပင်၊ ရဲနဲ့ အရပ်ဝတ် လက်နက်ကိုင်တွေပါတဲ့ အဖွဲ့စုံက ဆိုင်ကယ်၊ ကားတွေ တားဆီးစစ်ဆေးနေပါတယ်။

4 weeks Ago

November 8, 2022

မိုးကုတ်မြို့ ကြံ့ခိုင်ရေးပါတီရုံးအနီး ဗုံးတွေ့

မန္တလေးတိုင်း၊ မိုးကုတ်မြို့အရှေ့ပိုင်းရှိ ပြည်ထောင်စုကြံ့ခိုင်ရေးနဲ့ ဖွံ့ဖြိုးရေးပါတီရုံးအနီးမှာ နိုဝင်ဘာ ၇ ရက် မနက်က မပေါက်ကွဲသေးတဲ့ဗုံး တွေ့ရှိတာကြောင့် ရဲတပ်ဖွဲ့က ပစ်ခတ်ရှင်းလင်းခဲ့တယ်လို့ ဒေသခံတွေက ပြောပါတယ်။

အိမ်သုတ်ဆေးပုံးထဲ ဗုံးနှစ်လုံး တွေ့ရှိခဲ့တာကြောင့် ရဲတွေက လမ်းပိတ်ဆို့ပြီး သေနတ်နဲ့ ပစ်ခတ်ဖောက်ခွဲခဲ့တယ်လို့ ​ဒေသခံတယောက်က ပြောပါတယ်။

“ကြံ့ခိုင်ရေးရုံးထောင့်မှာ ဗုံးနှစ်လုံးတွေ့လို့ဆိုပြီး လမ်းပိတ်ထားတာ၊ ပြီးတော့ အဝေးကနေ မှန်ဘီလူးနဲ့ လှမ်းကြည့်ပြီး သေနတ်နဲ့ပစ် ဖောက်ခွဲလိုက်တယ်၊ ဘယ်လူကိုမှမထိဘူး။”

မိုးကုတ်မြို့ရဲစခန်းမှာ နိုဝင်ဘာ ၇ ရက် တန်ဆောင်မုန်းလပြည့်နေ့က ရဲတွေ လူစုပြီး ကင်းပုန်းဝပ်တာကလွဲလို့ ထူးခြားမှုမရှိခဲ့ဘဲ မြို့ထဲမှာလည်း လည်ပတ်သူတွေနဲ့ စည်ကားခဲ့တယ်လို့ ဒေသခံတွေက ဆိုပါတယ်။

မိုးကုတ်မြို့မှာ စစ်ကောင်စီတပ်က အင်တာနက်လိုင်းတွေ ဖြတ်တောက်ထားတဲ့အပြင် ဆိုရှယ်မီဒီယာမှာ ကိုယ်ပိုင်အကောင့်နဲ့ သတင်းတင်သူတွေကို ဖမ်းဆီးထားတာကြောင့် မိုးကုတ်မြို့တွင်းမှာ သတင်းစီးဆင်းမှု နည်းပါးနေတယ်လို့ ဒေသခံတွေက ပြောပါတယ်။

3 months Ago
More News
Up