ဗုံးတွေ့

July 20, 2021

ကန်ကြီးထောင့်မြို့နယ်တွင် ဗုံးတွေ့သဖြင့် စစ်တပ်က သေနတ်ပစ်ဖောက်ခွဲ

ဧရာဝတီတိုင်း၊ ကန်ကြီးထောင့်မြို့နယ်က  နေအိမ်တစ်အိမ်မှာ  ဇူလိုင် ၂၀ ရက် ဒီနေ့ မနက်ပိုင်းက ဗုံးတွေ့ခဲ့လို့ စစ်တပ်က လာရောက်ပြီး သေနတ်ပစ်ဖောက်ခွဲခဲ့တယ်လို့ သိရပါတယ်။

ပိတောက်ပင်ကျေးရွာက အာဏာသိမ်းစစ်ကောင်စီကို ထောက်ခံသူရဲ့နေအိမ်နောက်ဘက်မှာ ဗုံးတွေ့ခဲ့တာဖြစ်ပြီး မနက် ၈ နာရီလောက်မှာ စစ်တပ်က သေနတ်နဲ့ပစ်ဖောက်ခွဲခဲ့တာလို့ ဒေသခံတွေက ပြောပါတယ်။

" အဲ့ဒလန်အိမ်ရဲ့ နောက်ဘက်မှာတွေ့တယ်ပြောတယ်။ စစ်တပ်ကရောက်လာတော့ မဖြုတ်တော့ပဲ ဖောက်ခွဲလိုက်တာ။ မဖြုတ်ရဲတာလား၊  ဖြုတ်မရတာလားတော့ မသိဘူး။ အိမ်ရှေ့မှာပဲ ခွဲလိုက်တာ''လို့ ပြော ပါတယ်။

ဗုံးတွေ့တဲ့အိမ်ရဲ့ အနီးဝန်းကျင်က အိမ်တွေကို ဒီနေ့မနက်ပိုင်း လူစိမ်းအဝင်အထွက် ရှိ မရှိနဲ့ မသင်္ကာစရာတွေ့မိလားဆိုတာ မေးမြန်းခဲ့တယ်လို့ ဆိုပါတယ်။

စစ်တပ်က ဗုံးကိုဖောက်ခွဲပြီး ပြန်ထွက်သွားချိန်မှာလည်း  ကျေးရွာထဲ ရွာသားတွေ ကြောက်လန့်အောင် သေနတ်ဖောက်သွားတယ်လို့လည်း သိရပါတယ်။

4 months Ago

June 23, 2021

စစ်ကိုင်းမြို့ ရွှေမင်းဝံဈေးအနီး ဗုံး ၃ လုံးတွေ့ရှိ

စစ်ကိုင်းမြို့၊ ရွှေမင်းဝံရပ်ကွက်ဈေးအနီး ဇွန်လ ၂၃ ရက် မနက်ပိုင်းက မပေါက်ကွဲသေးတဲ့  ဗုံး ၃ လုံးတွေ့ရှိခဲ့တယ်လို့ ဒေသခံတွေရဲ့ ပြောပြချက်အရ သိရပါတယ်။ 

“အခုမနက် ၆ နာရီလောက်ကတွေ့တယ်။ ဈေး‌ရှေ့တစ်လုံး၊ ဈေးဘေးလမ်းတစ်ဘက်စီ  နှစ်လုံး စျေးသည် တစ်ယောက်ကတွေ့လို့ အကြောင်းကြားခဲ့တာ။ ဗုံးက မပေါက်ဘူး” လို့  ရွှေမင်းဝံရပ်ကွက်နေသူတစ်ဦးက ပြောပါတယ်။

အခုဗုံးတွေ့ရှိတဲ့နေရာကို စစ်တပ်က ရောက်ရှိလာပြီး  ဗုံးရှင်းနေကာ လမ်းတွေကိုလည်း ပိတ်ထားပြီး လမ်းသွားလမ်းလာတွေကို စစ်ဆေးနေပါတယ်။  

5 months Ago
More News
Up