ဗုံးခွဲမှု

September 11, 2015

ဘန်ကောက် ဗုံးခွဲမှု သံသယရှိသူ ဘင်္ဂလားဒေ့ရ်ှမှ တရုတ်ကို ပြန်ထွက်ခွာ

ပြီးခဲ့တဲ့လက ဘန်ကောက် ရာ့ခ်ျပဆုန်လမ်းဆုံ ဧရာဝဏ်နတ်ကွန်းနဲ့ ဆာထောင်းန်လှေဆိပ်အနီး ဗုံးပေါက်ကွဲမှုမှာ အဓိက ညွှန်ကြားသူအဖြစ် ထိုင်းရဲတပ်ဖွဲ့က သံသယထားတဲ့ အီဆန်း ခေါ် အာပူဒူချာဒါရ် အပူဒူလေဟ်မာန်ဟာ ဘင်္ဂလားဒေ့ရ်ှနိုင်ငံကနေ တရုတ်နိုင်ငံကို ထွက်ခွာသွားပြီလို့  သနေရှင်းသတင်းမှာ ဖော်ပြပါတယ်။ အီဆန်းဟာ သြဂုတ် ၁၆ ရက်နေ့ (ပေါက်ကွဲမှု မဖြစ်ပွားခင်တရက်အလို) က ထိုင်းနိုင်ငံ သုဝဏ္ဏဘူမိလေဆိပ်ကနေ ဘင်္ဂလားဒေ့ရ်ှလေကြောင်းလိုင်း PG 0089 နဲ့  ဒါကာမြို့ကို ရောက်ရှိပြီး သူတို့နိုင်ငံမှာ ၂ ပတ်ကြာနေထိုင်ခဲ့ကာ သြဂုတ် ၃၀ ရက်နေ့မှာ အိန္ဒိယလေကြောင်းလိုင်းနဲ့ တရုတ်ပြည်ကို ပြန်သွားကြောင်း ဘင်္ဂလားဒေ့ရ်ှအမျိုးသား ရဲတပ်ဖွဲ့က စက်တင်ဘာ ၁၁ ရက်နေ့မှာ ထုတ်ပြန်ပါတယ် ။ သူဟာ တရုတ်နိုင်ငံကူးလက်မှတ်ကို ကိုင်ဆောင်ပြီး ဘင်္ဂလားဒေ့ရ်ှမှာ ၂ ပတ် နေထိုင်သွားတဲ့ ကာလအတွင်း ဘယ်မှာတည်းခိုတယ်၊ ဘယ်သူတွေနဲ့ ဆက်သွယ်သလဲဆိုတာတော့ မသိရကြောင်း၊ ထိုင်းရဲတပ်ဖွဲ့ရဲ့ တောင်းဆိုမှုကြောင့် အခုလို ထုတ်ပြန်ပေးရတာလို့ ဘင်္ဂလားဒေ့ရှ် ရဲတပ်ဖွဲ့က ပြောပါတယ်။ ဘန်ကောက်ပေါက်ကွဲမှု အထူးစုံစမ်းရေးရဲတပ်ဖွဲ့ဝင်တွေဟာ အမှုနဲ့ပတ်သက်တဲ့ သဲလွန်စတွေ တောက်လျှောက် လိုက်လံရှာဖွေနေတာမှာ မသင်္ကာသူတွေရဲ့ ဘဏ်ငွေစာရင်းတွေပါ စစ်ဆေးခဲ့ပါတယ်။ သူတို့ဟာ ဘန်ကောက်ဘဏ်ခွဲတခုရဲ့ စီစီကင်မရာကနေ အီဆန်နဲ့  မိုင်လိုင်လီ ယူဆူဖူ (ကမ္ဘောဒီးယားနယ်စပ်တွင်ဖမ်းမိသူ) တို့နှစ်ဦး ငွေလာထုတ်တဲ့ ပုံကို ရထားတယ်လို့ ဆိုပါတယ်။ ဒါ့အပြင် ဖမ်းဝရမ်းထုတ်ခံထားရတဲ့ ထိုင်းအမျိုးသမီး ၀မ်းနား ဆွန်ဆန်ရဲ့ ခင်ပွန်းဖြစ်သူ တူရကီနိုင်ငံသား အမ်မရာ ဒါဗူတူကလူ  ရဲ့ ဘဏ်စာအုပ်ထဲမှာ ဖေဖော်ဝါရီနဲ့ မတ်လအတွင်း တူရကီနိုင်ငံမှ ဘတ်ငွေ ၁ သိန်း ၅ သောင်းနဲ့ ၂ ကြိမ် စုစုပေါင်း ဘတ် ၃ သိန်း လွှဲထားပြီး  တချို့ကို မင်ပူရီမြို့ရှိ မိုင်မူလာဂါးဒင်း တိုက်ခန်းငှားခ ပေးချေကာ ဘင်္ဂလားဒေ့ရ်ှနိုင်ငံကို ပါဘတ်ငွေ ၁ သိန်း လွှဲထားတယ်လို့ ပြောပါတယ်။ ဘယ်သူ့ဆီကို ဘာအတွက်နဲ့ လွှဲသလဲဆိုတဲ့ လမ်းကြောင်းတွေကိုတော့ ဆက်လက် စုံစမ်းရဦးမယ်လို့ အထူးစုံစမ်းစစ်ဆေးရေးအဖွဲ့ ဒုတိယ ခေါင်းဆောင် ဒုရဲမှူးချုပ် ကျရထိပ်ချိုင်းကျန်းဒါးက သတင်းထောက်တွေကို ပြောပါတယ်။ အထူးစုံစမ်းရေးအဖွဲ့က မိုင်လိုင်လီယူဆူဖူကို စစ်မေးစဉ်မှာ သူဟာ ကမ္ဘောဒီးယားနယ်စပ်ကနေ ထိုင်းနိုင်ငံထဲကို ၆ ကြိမ် အ၀င်အထွက်လုပ်စဉ် ဗီဇာအတွက် ထိုင်းလ၀ကရဲကို တကြိမ်လျှင် ဘတ်ငွေ ၁၈၀၀၀ မှ ၂၀၀၀၀ ထိ ပေးရတယ်လို့ ထွက်ဆို ထားတဲ့အတွက် ပါဝင်ပတ်သက်သူတွေကို စုံစမ်းပြီး ရာထူးအပြောင်းအရွှေ့လုပ်ရမယ်လို့ ထိုင်းအမျိုးသားလုံခြုံရေးနဲ့ ဒုဝန်ကြီးချုပ် ပရ၀စ် ၀ုန်းဆုဝမ်းက သတင်းထောက်တွေကို ပြောပါတယ်။ ဒါ့အပြင် အခြားခရိုင်မှ လ၀ကရဲတပ်ဖွဲ့ဝင်တွေပါ လာဘ်ပေးလာပ်ယူမှုတွေ တွေ့ရှိတယ်ဆိုရင် ထိထိရောက်ရောက်အရေးယူမယ်လို့ ဒုဝန်ကြီးက ပြောသွားပါတယ်။
6 years Ago

September 4, 2015

ဘန်ကောက် ဗုံးခွဲမှု သံသယရှိသူ ဒီအန်အေစစ်ဆေးချက် ထိုင်းရဲတပ်ဖွဲ့ ထုတ်ပြန်

ထိုင်းနိုင်ငံ ဘန်ကောက်ဖောက်ခွဲမှုနဲ့ ဆက်စပ်ပြီး ဖမ်းဆီးခံထားရသူတဦးရဲ့ ဒီအန်အေ (မျိုးဗီဇ) စစ်ဆေးတွေ့ရှိချက်ကို ထိုင်းရဲတပ်ဖွဲ့က စက်တင်ဘာလ ၄ ရက် မွန်းလွဲ ၁ နာရီခွဲက ထုတ်ပြန်ပြောကြားခဲ့တယ်လို့ သနေရှင်းသတင်းမှာ ဖော်ပြပါတယ်။ ပြီးခဲ့တဲ့ စက်တင်ဘာ ၁ ရက်နေ့ ကမ္ဘောဒီးယားနယ်စပ်မှာ ဖမ်းဆီးရမိခဲ့တဲ့ တရုတ်နိုင်ငံသား မိုင်လိုင်လီ ယူစူဖူရဲ့ ဒီအန်အေကို စစ်ဆေးရာမှာ ဘန်ကောက်ဧရာဝဏ်နတ်ကွန်းအနီး ဖောက်ခွဲမှုနဲ့ ပတ်သက်တဲ့ ဒီအန်အေ တူညီခြင်းမရှိဘူးလို့ ထိုင်းအမျိုးသားရဲတပ်ဖွဲ့ ဒုရဲချုပ်ကြီး ပရ၀စ် ထာဝွန်းက သတင်းစာရှင်းလင်းပွဲမှာ ပြောကြားပါတယ်။ သူတို့ဟာ စီစီကင်မရာထဲက အင်္ကျီအ၀ါရောင်ဝတ်လူက တက္ကစီကားမောင်းသမားကို ပေးထားခဲ့တဲ့ ဘတ် ၂၀ တန် ငွေစက္ကူပေါ်က ဒီအန်အေ၊ ဧရာဝဏ်ဘုရားအနီး ကျန်ရှိနေသေးတဲ့ ကျောပိုးအိတ်အညိုရောင် အပိုင်းအစဆီက ဒီအန်အေနဲ့ မိုင်လိုင်လီ ယူစူဖူရဲ့ ဒီအန်အေကို တိုက်ဆိုင်စစ်ဆေးခဲ့တာ ဖြစ်ပါတယ်။ ဒါပေမယ့် မိုင်လိုင်လီ ယူစူဖူရဲ့ ဒီအန်အေဟာ နောင်ကျောက်မြို့နယ် ဖူးလ်နန်တိုက်ခန်းထဲက ဖောက်ခွဲရေးပစ္စည်းထုတ်လုပ်တဲ့ ပစ္စည်းတွေမှာရော၊ မင်ဘူရီမြို့နယ် မိုင်မူနာ ဂါးဒင်းဟုမ်း တိုက်ခန်းက အသုံးပြုထားတဲ့ လက်သည်းညှပ်၊ သွားပွတ်တံက ဒီအန်အေတွေနဲ့ တိုက်ဆိုင်တူညီတဲ့အတွက် သူဟာ ဖောက်ခွဲရေးပစ္စည်းထုတ်လုပ်တဲ့ လုပ်ငန်းစဉ်မှာ ပါဝင်ပတ်သက်နေသူတဦး ဖြစ်တယ်လို့ ဒုရဲချုပ်ကြီးက ပြောပါတယ်။ သူဟာ ဖောက်ခွဲမှုမှာ ပါဝင်ပတ်သက်သူဆိုရင် ဘာကြောင့် ဖောက်ခွဲမှုနဲ့ တရားမစွဲသလဲ ဆိုတဲ့ သတင်းထောက်တဦးရဲ့ အမေးကို ဒုရဲချုပ်ကြီးက မိုင်လိုင်လီဟာ ဧရာဝဏ်ဘုရားအနီး စီစီကင်မရာထဲပါတဲ့ အ၀ါရောင်အင်္ကျီဝတ်သူ မဟုတ်တဲ့အတွက် ဗုံးဖောက်ခွဲသူမဟုတ်ဘဲ ဖောက်ခွဲရေးပစ္စည်း ထုတ်လုပ်ရာမှာ ပါဝင်သူတဦးသာ ဖြစ်တယ်လို့ ဆိုပါတယ်။ ဒါ့အပြင် လောလောဆယ် သူ့ရဲ့ နိုင်ငံကူးလက်မှတ်အရ သူဟာ တရုတ်နိုင်ငံသား ဖြစ်တယ်ဆိုပေမယ့် နိုင်ငံကူးလက်မှတ်အတုအစစ်ကို ထပ်မံစစ်ဆေး စိစစ်ရဦးမယ်လို့ ဖြေကြားခဲ့ပါတယ်။ ထိုင်းရဲတပ်ဖွဲ့ဟာ စက်တင်ဘာ ၃ ရက်နေ့ကလည်း မင်ဘူရီမြို့နယ် ရာ့ဆဒွန်းဥထစ် ၃၄ လမ်းက တိုက်ခန်းတခန်းကိုလည်း ၀င်ရောက်စစ်ဆေးရှာဖွေခဲ့ကြောင်း၊ အဲဒီအခန်းမှာတော့ နေတဲ့လူမရှိဘဲ  (ခေတာမင်) ဆိုတဲ့ ဓာတုဆေးပစ္စည်းတမျိုးကိုသာ တွေ့ရှိပြီး အဲဒီပစ္စည်းဟာ ဖောက်ခွဲရာမှာ အသုံးပြုတာမဟုတ်ဘဲ မူးယစ်ဆေး၊ ဒါမှမဟုတ် မေ့ဆေးအဖြစ်သာ အသုံးပြုတဲ့ အရာလို့ ဆိုပါတယ်။ ဘေးအိမ်မျက်မြင်သက်သေတွေ ပြောပြချက်အရ  နန်းဝမ်းနား ဆွန်ဆန် (သူ့နာမည်နဲ့ တိုက်ခန်းငှားပြီး တရားစွဲခံထားရသူ ) ဟာ အဲဒီနေရာကို လာလေ့ရှိပေမယ့် ဒီတိုက်ခန်းကတော့ သူ့အမည်နဲ့ ငှားရမ်းထားတာ မဟုတ်ဘူးလို့  ထိုင်းရဲတပ်ဖွဲ့က ပြောသွားပါတယ်။ [caption id="attachment_110747" align="aligncenter" width="640"]640_eb9gekai9ajbk9ja9c9c6 ဒုရဲချုပ်ကြီး ပရ၀စ် ထာဝွန်း[/caption] လွန်ခဲ့တဲ့ ၂ ပတ်က ဘန်ကောက် ဧရာဝဏ်နတ်ကွန်း နဲ့ ဆာထွန်းလှေဆိပ်မှာ ပေါက်ကွဲမှု ဖြစ်ပွားပြီး လူ ၂၀ သေဆုံးကာ ၁၀၀ ကျော်ဒဏ်ရာရခဲ့ပါတယ်။ ဒီဖြစ်စဉ်နဲ့ ပတ်သက်လို့ ထိုင်းရဲတပ်ဖွဲ့က လူ ၈ ဦးကို ဖမ်းဝရမ်းထုတ်ထားပြီး သံသယရှိသူ ၃ ဦးကို ဖမ်းဆီးရမိထားပါတယ်။
6 years Ago
More News
Up