ဗိုလ်ကြီး ၁ ဦး အပါအဝင် ၆ ဦး ဒဏ်ရာရ

January 5, 2018

မောင်တောတွင် တပ်မတော်ယာဉ်တိုက်ခိုက်ခံရ၊ ဗိုလ်ကြီး ၁ ဦး အပါအဝင် ၆ ဦး ဒဏ်ရာရ

ရခိုင်ပြည်နယ် မောင်တောမြောက်ပိုင်း မောင်တော- တောင်ပြိုလမ်းပေါ် တရိမ်းရွာအနီးမှာ ဒီနေ့မနက် ဆွဲမိုင်းနဲ့ တိုက်ခိုက်ခံရတဲ့အတွက် တပ်မတော် မော်တော်ယာဉ်တစီး ထိမိပြီး အရာရှိ တဦး အပါအဝင် တပ်မတော်သား ခြောက်ဦး ထိခိုက်ဒဏ်ရာရခဲ့ပါတယ်။ ဒီနေ့မနက် ၁၀ နာရီဝန်းကျင်လောက်က  GE တပ်မှ တပ်မတော်သားတွေ စီးနင်းလိုက်ပါလာတဲ့ ကားတစီး ဆွဲမိုင်းထိပြီး ဗိုလ်ကြီး တဦးအပါအဝင် ခြောက်ဦး ဒဏ်ရာရလို့ မောင်တောဆေးရုံကို သယ်ယူလာနေတယ်လို့ တရိမ်းရွာအုပ်ချုပ်ရေးမှူး ဦးအိမ်စိုးမောင်က အတည်ပြုပြောပါတယ်။ “အကြမ်းဖက်သမားတွေက ချုံခိုတိုက်ခိုက်တာပါ။ လေးဦး ဒဏ်ရာရပါတယ်။ တဦး ပြင်းထန်ပါတယ်။ အခု ဒဏ်ရာရသူတွေ တရိမ်းရခိုင်ရွာကို ရောက်ပြီး ဆေးကုသမှု ခံယူနေပါတယ်။ အနောက်ဘက်ကားလမ်း ၁ မိုင်လောက်အကွာမှာ စစ်တပ် GE တပ်ကား ဆွဲမိုင်းထိမှန်တာပါ။ ကားတော့ သွားလို့ရပါတယ်။ အပြန်အလှန်ပစ်ခတ်မှုတွေ အခုထိ ဖြစ်နေပါတယ်” လို့ ပြောပါတယ်။ မိုင်းထိတာကြောင့် ကားတာယာသာ ပျက်စီးသွားခဲ့ပေမယ့် အကြမ်းဖက်သမားတွေက အနီးကပ် လှမ်းပစ်တာကြောင့်  စစ်ကားပေါ်မှာ  ခုနစ်ဦး လိုက်ပါလာတဲ့အနက် ခြောက်ဦး ဒဏ်ရာရခဲ့ပြီး အဲဒီထဲက နှစ်ဦးကတော့ ဒဏ်ရာ ပြင်းထန်တယ်လို့ သိရပါတယ်။ တရိမ်းရွာက ကိုမောင်မြင့်က “ကျနော်တို့ရွာက အသံကြားရတယ်။ ဗုံးပေါက်တာလား၊ မိုင်းကွဲတာလား မသိဘူး။ ပစ်ခတ်သံတွေလည်း ကြားတယ်။ ခဏနေတော့ တပ်က ဒဏ်ရာရလာသူတွေ ရွာကို ရောက်လာတယ်။ အခု ဆေးရုံပို့ဖို့ လုပ်နေတုန်းပဲ။ အရာရှိ တယောက်နဲ့ ယာဉ်မောင်းကတော့ ဒဏ်ရာပြင်းမယ် ထင်တယ်” လို့ ဒီဗွီဘီကို ပြောပါတယ်။ တရိမ်းရွာအနီးအနားက တောင်တန်းတွေမှာ မသင်္ကာဖွယ်ရာ ခိုအောင်းနေသူတွေ ရှိနေပြီး ဒေသခံတွေလည်း သွားလာဖို့ စိုးရိမ်လာတယ်လို့ ရွာသားတွေက ပြောကြပါတယ်။ တရိမ်းရွာမှာ ဒီဇင်ဘာ ၂၆ ရက်နေ့က မြိုရွာသားတဦးနဲ့ ၂ဝ၁၇ ဇွန်လ ၂၄ ရက်နေ့က နှစ်ဦး တိုက်ခိုက်ခံရလို့ သေဆုံးခဲ့ပြီး နှစ်ဦး ဒဏ်ရာရခဲ့ပါသေးတယ်။ တိုက်ခိုက်သူတွေကို ဖမ်းဆီးရမိတာ မရှိသေးပါဘူး။ သတင်း- ကိုအောင်၊ မင်းကျော်အောင်
4 years Ago
Up