ဗီလာ တိုက်စစ်မှူးကို ပေါင် ၂၅ သန်းဖြင့် လီဗာပူး ကမ်းလှမ်း

July 11, 2015

ဗီလာ အသင်းခေါင်းဆောင်ကို မန်စီးတီး ခေါ်ယူ

အင်္ဂလန် ပရီးမီးယားလိဂ်  အက်စ်တွန်ဗီလာ အသင်းခေါင်းဆောင် ဖာဘီယန် ဒဲလ်ဖ်က မန်စီးတီးအသင်းကို အပြီးသတ် ပြောင်းရွှေ့ဖို့ ဆေးစစ်ခံယူနေပါတယ်။ မန်စီးတီးအသင်းကနေ မီကာ ရစ်ချတ်ပြောင်းရွှေ့လာပြီးတဲ့နောက် သူရဲ့ အနာဂတ်ဟာ မသေချာတော့ဘူးလို့ ဒဲလ်ဖ်က ပြောဆိုခဲ့ဖူးပါတယ်။ ပေါ်တူဂီမှာ ရာသီကြိုလေ့ကျင့်ရေးလုပ်ဆောင်ဖို့ ဒဲလ်ဖ်က ဗီလာနဲ့ အတူ လိုက်ပါသွားခဲ့ခြင်း မရှိပါဘူး။ ဇန်န၀ါရီလ ဗီလာနဲ့ စာချုပ်သစ်လက်မှတ်ရေးထိုးရာမှာ အင်္ဂလန် လက်ရွှေးစင် ဒဲလ်ဖ်က ကလပ်အသင်းမှာ ကြာရှည်နေသွားချင်တယ်လို့ ပြောဆိုခဲ့ဖူးပါတယ်။ ၂၀၀၉ ခုနှစ် လိဒ်ယူနိုက်တက် အသင်းကနေ ဗီလာကို အလယ်တန်းကစားသမား ဒဲလ်ဖ်က ပြောင်းရွှေ့လာတာ ဖြစ်ပါတယ်။ အရင်နှစ် ဗီလာ ပရီးမီးယားလိဂ်မှာ ကျန်နေဖို့အတွက် ဒဲလ်ဖ်က ကူညီခဲ့ပြီး ၂၈ ပွဲကစား ပေးခဲ့ပါတယ်။
6 years Ago

June 26, 2015

ဗီလာ တိုက်စစ်မှူးကို ပေါင် ၂၅ သန်းဖြင့် လီဗာပူး ကမ်းလှမ်း

နွေရာသီ ဘောလုံးသမား အပြောင်းအရွှေ့ ဈေးကွက်မှာ သွက်သွက်လက်လက် လှုပ်ရှားနေတဲ့ အင်္ဂလန် ပရီးမီးယားလိဂ် လီဗာပူးအသင်းက အက်စ်တွန်ဗီလာ တိုက်စစ်မှူး ခရစ္စတီယန် ဘင်တက်ကီကို ပေါင် ၂၅ သန်းနဲ့ ကမ်းလှမ်းလိုက်ပါတယ်။ အစောပိုင်းက ပေါင် ၂၂ သန်းနဲ့ ကမ်းလှမ်းခဲ့ပေမယ့် ဗီလာက ငြင်းပယ်ထားပြီး ဗီလာက ပေါင် ၃၂ သန်းကျော်ပေးမှ ဒီ ဘယ်လ်ဂျီယံ ရှေ့တန်းတိုက်စစ်မှူးကို လက်လွှတ်မယ်လို့ ပြောဆိုခဲ့တာ ဖြစ်ပါတယ်။ ဘင်တက်ကီ ကိုယ်တိုင်ကလည်း အသင်းနဲ့ စာချုပ်သစ် ထပ်မံ သက်တမ်းတိုးမှာ မဟုတ်ဘူးလို့ နည်းပြကို ပြောဆိုထားပါတယ်။ ဘင်တက်ကီဟာ ဗီလာအသင်းအတွက် ၉၉ ပွဲကစားပြီး ၄၉ ဂိုး သွင်းယူထားပါတယ်။ ၂၀၁၂ ခုနှစ်က ဘယ်လ်ဂျီယံ ကလပ် Genk ကနေ  ဗီလာကို ပေါင် ၇ သန်းနဲ့ ပြောင်းရွှေ့လာတာ ဖြစ်ပါတယ်။ ကြိုးကြာနီတွေဟာ နွေရာသီ အပြောင်းအရွှေ့မှာ ကစားသမား ၆ ဦး ခေါ်ယူထားပြီး ဖြစ်ပါတယ်။ ဘင်တက်ကီကို ခေါ်ယူလို့မရဘူးဆိုရင်တော့ စပိန်လာလီဂါ ဆီးဗီးလားကလပ်အသင်းက ကားလို့စ် ဘာကာကို ခေါ်ယူဖို့လည်း ကြိုးကြာနီတွေ ပစ်မှတ်ထားနေပါတယ်။
6 years Ago
Up