ဗီယင်နာမြို့တော်

November 4, 2020

ဗီယင်နာမြို့တော်တွင် ညလုံးပေါက် ရမ်းကားသောင်းကျန်းမှုဖြင့် လူ ၁၄ ဦးကို ဖမ်းဆီး

သြစတြီးယား ရဲတွေဟာ မြို့တော်ဗီယင်နာက ညလုံးပေါက် ရမ်းကားသောင်းကျန်းမှုအတွက် အဓိကသံသယရှိသူနဲ့ပတ်သက်တဲ့ လူ ၁၄ ယောက်ကို ဖမ်းဆီးပြီးပြီလို့ ပြည်ထဲရေးဝန်ကြီးက နိုဝင်ဘာ ၃ ရက်မှာ ပြောပါတယ်။ သြစတြီးယားနဲ့ မြောက်မက်ဆီဒိုးနီးယား နိုင်ငံသားနှစ်ရပ် ခံယူထားတဲ့ အသက် ၂၀ အရွယ် အမျိုးသား ကူတင်ဖှယ်ဇူလာအီကို ရဲက အခင်းဖြစ်ရာမှာတင် ပစ်ခတ်ဖမ်းဆီးခဲ့ပြီး သူဟာ တိုက်ခိုက်မှုအတွက် အဓိကသံသယရှိသူလို့ ရိုက်တာသတင်းဌာနက ဖော်ပြထားပါတယ်။ စုံစမ်းစစ်ဆေးမှုအတွင်း အရာရှိတွေဟာ အိမ် ၁၈ လုံးကို ဝင်ရောက်စီးနင်းခဲ့ပါတယ်။ တိုက်ခိုက်မှုကြောင့် လူ ၄ ယောက် သေဆုံးပြီး ၂၂ ယောက် ဒဏ်ရာရခဲ့တာပါ။ တိုက်ခိုက်သူတွေရဲ့နောက်မှာ ရပ်တည်နေတဲ့ ကျူးလွန်သူတွေကို ဖမ်းဆီးနှိမ်နင်းမယ်လို့ နိုင်ငံ့အဓိပတိက ရုပ်သံမိန့်ခွန်းအတွင်း ကတိပြုပါတယ်။ တိုက်ခိုက်သူ ဖှယ်ဇူလာအီဟာ အိုင်အက်စ်အကြမ်းဖက်အဖွဲ့နဲ့ ပူးပေါင်းရေး ဆီးရီးယားနိုင်ငံကိုသွားဖို့ ကြိုးစားမှုနဲ့ ၂၀၁၉ ဧပြီလက ထောင်ဒဏ် ၂၂ လ ပြစ်ဒဏ် စီရင်ခံရဖူးတယ်လို့ ပြည်ထဲရေးဝန်ကြီးဌာနက ပြောပါတယ်။ သူ့ကို ဒီဇင်ဘာအစောပိုင်းက ပြန်လွှတ်ပေးခဲ့တာပါ။ ဖှယ်ဇူလာအီဟာ မတိုက်ခိုက်ခင် သူ့ရဲ့ အင်စတာဂရမ် လူမှုကွန်ရက်စာမျက်နှာပေါ်မှာ သူနဲ့ လက်နက် ၂ ခု တွဲပြီး ရိုက်ထားတဲ့ဓာတ်ပုံကို တင်ခဲ့ပါတယ်။ သူဟာ နိုဝင်ဘာ ၂ ရက် ဒေသစံတော်ချိန် ည ၈ နာရီမှာ စတင်တိုက်ခိုက်ခဲ့ပြီး အထူးတပ်ဖွဲ့က အရာရှိတွေက ၉ မိနစ်အကြာမှာ ဖှယ်ဇူလာအီကို အသေပစ်ခတ် ဖမ်းဆီးခဲ့ပါတယ်။
1 year Ago

November 3, 2020

ဗီယင်နာမြို့တော်၌ သေနတ်သမားများ ပစ်ခတ်မှုကြောင့် ၂ ဦး သေ၊ ၁၄ ဦး ဒဏ်ရာရ

သြစတြီးယားနိုင်ငံ မြို့တော်ဗီယင်နာမှာ နိုဝင်ဘာ ၂ ရက်က သေနတ်သမားတွေ ပစ်ခတ်လို့ လူ ၂ ယောက် သေဆုံးပြီး ၁၄ ယောက် ဒဏ်ရာရပါတယ်။ သေနတ်သမားတွေက ဂျူးဘုရားကျောင်း အပြင်ဘက်ကစပြီး မြို့လယ်ကောင်နေရာ ၆ ခုမှာ ပစ်ခတ်ခဲ့တာပါ။ ဘားတွေမှာ ထိုင်နေတဲ့ လူအုပ်တွေကို သူတို့က အော်တိုမတ်တစ်သေနတ်တွေနဲ့ ပစ်ခတ်ခဲ့တယ်လို့ မျက်မြင်တွေက ဆိုပါတယ်။ ရဲတပ်ဖွဲ့က သေနတ်သမားတစ်ယောက်ကို ပစ်သတ်ခဲ့ပါတယ်။ ဒီတိုက်ခိုက်မှုတွေကို အစ္စလာမ်မစ် အကြမ်းဖက်သမား တစ်ယောက်ထက်မနည်းပါဝင်  ပြုလုပ်ခဲ့တာလို့လည်း ပြည်ထဲရေးဝန်ကြီး ကားလ်နေဟာမာက နိုဝင်ဘာ ၃ ရက်မှာ ပြောပါတယ်။ သြစတြီးယားဝန်ကြီးချုပ် စဘတ်ရှန်ခရုစ်ဇ်ကလည်း ဒီတိုက်ခိုက်မှုဟာ စက်ဆုပ်ဖွယ် အကြမ်းဖက်တိုက်ခိုက်မှုလို့ ပြောကြောင်း ရိုက်တာက ဖော်ပြထားပါတယ်။
1 year Ago
Up